Aflokkat : « Aiò » si mette à l’ora di u cunfinamentu
U cunfinamentu hè l’occasione per assai imprese, di cuntinuà a so attività di manera numerica.
Cusì, a squadra d’Aflokkat, gestita da Benjamin Pereney, hà decisu, à a fine di marzu, è dopu à un picculu arrestu, di ripiglià i so attelli in lingua corsa in teletravagliu. Da a so casa, a squadra pedagogica cuntinueghja à tramandà u so sapè fà…
Cum’è a maiò parte di l’imprese isulane, Aflokkat, struttura dedicata à a furmazione è dinò a lingua corsa-partenariatu cù a CdC per a casa di a lingua- hà chjosu e so porte u ghjornu di u cunfinamentu. È, peccatu, 80% di l’attività ùn ponu micca ripiglià. « I furmazioni, par indettu, pà u parsunali di a saluta, a distribuzioni maiò a d’altri, spiega Benjamin Pereny, chì gestisce a struttura, ma avemi riflettutu à una manera di mantena una attività. Si travaglia menu ma ci sò arnesi numerichi chì ci parmettani di cuntinuà. Tucchemi, dinò, l’attività per i mezi disimpiegati o i parsoni ch’ùn poni più andà à travaddà. »
Per « Aiò », dedicatu à a lingua è a cultura corsa in u quadru d’un partenariatu cù a CdC (dispusitivu a casa di a lingua), a squadra pedagogica hà ripigliatu à partesi da u principiu d’aprile. Di fattu, furmazione sò pruposte à u publicu tuttu l’annu-ci vole à scrivesi prima- dapoi u mese di settembre cù, à pocu pressu, centu cinquanta scritti è vinti cinque furmatori in lingua è cultura. « Avemi circatu à mantena iss’attelli quì, spiega Benjamin Pereney, avemi vulsutu tena una leia cù a ghjenti. Tandu s’hè messu in piazza cù i furmatori, una altra manera di travaddà. »
350 persone scritte
A squadra d’Aflokkat hà pigliatu cuntattu cù i so furmatori per mette in piazza un spartitempu. Fora di quelli chì sò sempre impegnati à u nivellu di i sculari (monda travagliu, corsi è valutazione à mandà di manera numerica) o chì sò cunfinati ind’un locu induva ùn ci hè micca cunnezzione (o debule). Per u restu, a squadra ripiglia, à pocu à pocu, un’attività. « Avemi apartu l’atteddii aldilà di quiddi chì sò scritti è cuntemi nantu à 350 parsoni. Era difficiule di mantena atteddi cum’è u viulinu o i sosuli, ci hè vulsutu à truvà una suluzioni cù a pruposta d’a ltri atteddi novi cum’è a cuntrata o i scacchi. L’insemi hè di rigalu pà la ghjenti, ci parmetta di prumova sempri a lingua corsa è, à tempu, d’appruntà a rientrata di sittembri s’è tuttu và bè. »
Cusì, u publicu pò participà à attelli dighjà in piazza (corsi di lingua per i zitelli è i maiò, cantu tradiziunale, cantu per i zitelli cuntà foli, scrittura) ma dinò attelli novi (belota cuntrata, scacchi…). Un arnese virtuale chì permette di cuntinuà à scambià in lingua corsa. Sin’à quandu ? « Speremi di ripiddà prestu un’attività nurmali chè a situazioni ùn hè tantu faciuli par tuttu u mondu. »
Aspettendu, u publicu s’appronta da u luni à u vennari cù u 10 attelli pruposti…
Cum’è a maiò parte di l’imprese isulane, Aflokkat, struttura dedicata à a furmazione è dinò a lingua corsa-partenariatu cù a CdC per a casa di a lingua- hà chjosu e so porte u ghjornu di u cunfinamentu. È, peccatu, 80% di l’attività ùn ponu micca ripiglià. « I furmazioni, par indettu, pà u parsunali di a saluta, a distribuzioni maiò a d’altri, spiega Benjamin Pereny, chì gestisce a struttura, ma avemi riflettutu à una manera di mantena una attività. Si travaglia menu ma ci sò arnesi numerichi chì ci parmettani di cuntinuà. Tucchemi, dinò, l’attività per i mezi disimpiegati o i parsoni ch’ùn poni più andà à travaddà. »
Per « Aiò », dedicatu à a lingua è a cultura corsa in u quadru d’un partenariatu cù a CdC (dispusitivu a casa di a lingua), a squadra pedagogica hà ripigliatu à partesi da u principiu d’aprile. Di fattu, furmazione sò pruposte à u publicu tuttu l’annu-ci vole à scrivesi prima- dapoi u mese di settembre cù, à pocu pressu, centu cinquanta scritti è vinti cinque furmatori in lingua è cultura. « Avemi circatu à mantena iss’attelli quì, spiega Benjamin Pereney, avemi vulsutu tena una leia cù a ghjenti. Tandu s’hè messu in piazza cù i furmatori, una altra manera di travaddà. »
350 persone scritte
A squadra d’Aflokkat hà pigliatu cuntattu cù i so furmatori per mette in piazza un spartitempu. Fora di quelli chì sò sempre impegnati à u nivellu di i sculari (monda travagliu, corsi è valutazione à mandà di manera numerica) o chì sò cunfinati ind’un locu induva ùn ci hè micca cunnezzione (o debule). Per u restu, a squadra ripiglia, à pocu à pocu, un’attività. « Avemi apartu l’atteddii aldilà di quiddi chì sò scritti è cuntemi nantu à 350 parsoni. Era difficiule di mantena atteddi cum’è u viulinu o i sosuli, ci hè vulsutu à truvà una suluzioni cù a pruposta d’a ltri atteddi novi cum’è a cuntrata o i scacchi. L’insemi hè di rigalu pà la ghjenti, ci parmetta di prumova sempri a lingua corsa è, à tempu, d’appruntà a rientrata di sittembri s’è tuttu và bè. »
Cusì, u publicu pò participà à attelli dighjà in piazza (corsi di lingua per i zitelli è i maiò, cantu tradiziunale, cantu per i zitelli cuntà foli, scrittura) ma dinò attelli novi (belota cuntrata, scacchi…). Un arnese virtuale chì permette di cuntinuà à scambià in lingua corsa. Sin’à quandu ? « Speremi di ripiddà prestu un’attività nurmali chè a situazioni ùn hè tantu faciuli par tuttu u mondu. »
Aspettendu, u publicu s’appronta da u luni à u vennari cù u 10 attelli pruposti…
