" Litteratura " : prumove a scrittura in Corsica
Esciuta u mese scorsu, issa rivista creata da Marcu Biancarelli è una squadra di specialisti vole mette in vale a creazione litteraria di l 'isula...
«Litteratura » : prumove a scrittura in Corsica
Esciuta u mese scorsu, issa rivista creata da Marcu Biancarelli è una squadra di specialisti, vole mette in vale a creazione litteraria di l’isula…
S’è cum’ellu dice u pruverbiu francese « a cultura hè ciò chì ferma quandu avemu sminticatu-o persu- tuttu », l’impegnu à prò d’issu duminiu pare, oghje, monda più ch’una necessità. Masimu cù a mundialisazione e rete suciale, TV, è tutti l’arnesi numerichi chì facenu perde u ciarbellu à a nostra ghjuventù. Cusì, leghje o prumove tuttu ciò chì tocca à a litteratura diventa un’imbusca maiò per sulcà qualcosa à e generazione di dumane.
U scopu di a nova rivista « Litteratura », esciuta un mese fà si scrive in s’andatura quì.
Ma s’ellu si tratta di nuvità inde issu cuncettu, hè arrimbatu nantu à una vulintà è qualcosa chì esistia dighjà. Di fattu, è à l’iniziu, ci era una rivista cù un percorsu similare, « Pian d’avretu », nome d’un locu purtivechjacciu è l’idea di Marcu Biancarelli, unu di i so respunsevule, di mette in vale a litteratura è di trattà, à tempu, di sucetà. « Issa rivista, spiega l’autore, era nata in dui tempi, da u 1991 à u 2008. Ma benchè sparita dopu, ci era sempri un qualcuseddu in capu pà risponda à una mancanza è mantena a rilazioni cù u mondu litterariu. Eccu ciò chì fù u nosciu scopu. »
« Participà à a vita è à a prumuzioni di a litteratura »
L’idea face a so strada. Frà tempu, Marcu Biancarelli, s’adunisce cù parechje persone rinumate in iss’universu quì (Jérôme Luciani, Jean-François Rosecchi è Didier Rey) è nasce l’associu Litteratura chì dà, qualchì tempu dopu u so nome à issa publicazione. Marcu Biancarelli nè hè u capiredattore, Jérôme Luciani, direttore di publicazione, Jean-François Rosecchi è Didier Rey cumponenu cù u dui primi a squadra edituriale.
« L’idea, ripiglia Marcu Biancarelli, hè di participà à a vita è à a prumuzioni di a litteratura, ch’edda sighi di quì o d’altrò. Ci sò sguardi critichi, cronichi di quì è di fora. U tuttu in lingua francesi à 70 % o corsa. Una scelta logica par rapportu à i pussibilità. Ci hè un spaziu cumunu par tutti quiddi, autori o altri chì ci voleni accumpagnà in issu prughjettu.»
« A litteratura corsa hè ghjunta à maturità »
Insegnante dapoi 27 anni è scrivanu, Marcu Biancarelli t’hà a sperienza necessaria per purtà issu bellu prughjettu à longu andà.
L’inseme di « Litteratura » - una scrittura chè l’autore hà vulsutu arrimbà nantu à a radica latina cù dui t- dà a voglia di sfuglià e pagine è di ciuttà si nentru. Ind’u primu numaru, ci sò sessanta quattru pagine induve u lettore puderà viaghjà : « Sguardu litterariu », « storichi », un cartulare dedicatu à u scrivanu russiu Vassili Grossman, « altrò », un ritrattu di Philippa Santoni, dui intervisti di novi scrivani chì anu zifratu u so primu rumanzu, Francesca Serra « Elle a menti pour les ailes » è Julien Battesti « L’imitation de Bartleby », qualchì associu litterariu chì portanu dinò a so petra (Zia peppa, Kinamori, Libri mondi, Tonu è timpesta), senza scurdà si di a « piuma » litteraria di Sébastien Bonifay è d’altri. S’agisce, à tempu, per l’autori, di dà a parolla à l’editori è i librarii. Sempre per prumove un inseme. « A litteratura corsa hè ghjunta à maturità. Mancani i struttri istituziunali è u trattamentu prufessiunali di l’autori... »
« Litteratura » escerà trè volte à l’annu, stampata ind’è « Òmara Editions », una casa di l’autore. Marcu Biancarelli, chì t’hà sempre idee in capu per strutturà issu duminiu, vole arrimbà à a so struttura, una scola lucale per accumpagnà a vita di i scrivani. Un’altra imbusca maiò…
Esciuta u mese scorsu, issa rivista creata da Marcu Biancarelli è una squadra di specialisti, vole mette in vale a creazione litteraria di l’isula…
S’è cum’ellu dice u pruverbiu francese « a cultura hè ciò chì ferma quandu avemu sminticatu-o persu- tuttu », l’impegnu à prò d’issu duminiu pare, oghje, monda più ch’una necessità. Masimu cù a mundialisazione e rete suciale, TV, è tutti l’arnesi numerichi chì facenu perde u ciarbellu à a nostra ghjuventù. Cusì, leghje o prumove tuttu ciò chì tocca à a litteratura diventa un’imbusca maiò per sulcà qualcosa à e generazione di dumane.
U scopu di a nova rivista « Litteratura », esciuta un mese fà si scrive in s’andatura quì.
Ma s’ellu si tratta di nuvità inde issu cuncettu, hè arrimbatu nantu à una vulintà è qualcosa chì esistia dighjà. Di fattu, è à l’iniziu, ci era una rivista cù un percorsu similare, « Pian d’avretu », nome d’un locu purtivechjacciu è l’idea di Marcu Biancarelli, unu di i so respunsevule, di mette in vale a litteratura è di trattà, à tempu, di sucetà. « Issa rivista, spiega l’autore, era nata in dui tempi, da u 1991 à u 2008. Ma benchè sparita dopu, ci era sempri un qualcuseddu in capu pà risponda à una mancanza è mantena a rilazioni cù u mondu litterariu. Eccu ciò chì fù u nosciu scopu. »
« Participà à a vita è à a prumuzioni di a litteratura »
L’idea face a so strada. Frà tempu, Marcu Biancarelli, s’adunisce cù parechje persone rinumate in iss’universu quì (Jérôme Luciani, Jean-François Rosecchi è Didier Rey) è nasce l’associu Litteratura chì dà, qualchì tempu dopu u so nome à issa publicazione. Marcu Biancarelli nè hè u capiredattore, Jérôme Luciani, direttore di publicazione, Jean-François Rosecchi è Didier Rey cumponenu cù u dui primi a squadra edituriale.
« L’idea, ripiglia Marcu Biancarelli, hè di participà à a vita è à a prumuzioni di a litteratura, ch’edda sighi di quì o d’altrò. Ci sò sguardi critichi, cronichi di quì è di fora. U tuttu in lingua francesi à 70 % o corsa. Una scelta logica par rapportu à i pussibilità. Ci hè un spaziu cumunu par tutti quiddi, autori o altri chì ci voleni accumpagnà in issu prughjettu.»
« A litteratura corsa hè ghjunta à maturità »
Insegnante dapoi 27 anni è scrivanu, Marcu Biancarelli t’hà a sperienza necessaria per purtà issu bellu prughjettu à longu andà.
L’inseme di « Litteratura » - una scrittura chè l’autore hà vulsutu arrimbà nantu à a radica latina cù dui t- dà a voglia di sfuglià e pagine è di ciuttà si nentru. Ind’u primu numaru, ci sò sessanta quattru pagine induve u lettore puderà viaghjà : « Sguardu litterariu », « storichi », un cartulare dedicatu à u scrivanu russiu Vassili Grossman, « altrò », un ritrattu di Philippa Santoni, dui intervisti di novi scrivani chì anu zifratu u so primu rumanzu, Francesca Serra « Elle a menti pour les ailes » è Julien Battesti « L’imitation de Bartleby », qualchì associu litterariu chì portanu dinò a so petra (Zia peppa, Kinamori, Libri mondi, Tonu è timpesta), senza scurdà si di a « piuma » litteraria di Sébastien Bonifay è d’altri. S’agisce, à tempu, per l’autori, di dà a parolla à l’editori è i librarii. Sempre per prumove un inseme. « A litteratura corsa hè ghjunta à maturità. Mancani i struttri istituziunali è u trattamentu prufessiunali di l’autori... »
« Litteratura » escerà trè volte à l’annu, stampata ind’è « Òmara Editions », una casa di l’autore. Marcu Biancarelli, chì t’hà sempre idee in capu per strutturà issu duminiu, vole arrimbà à a so struttura, una scola lucale per accumpagnà a vita di i scrivani. Un’altra imbusca maiò…
