A Corsica apre un prughjettu auropeu di Via San Martinu
Un prughjettu valutatu da u Cunsigliu di l'Auropa.
A Corsica apre un prughjettu auropeu di Via San Martinu
Dopu à u travaglionu realizatu dapoi parechji anni da Cristianu Andreani nantu à a Via San Martinu è, d’una manera generale, u patrimoniu dedicatu in Corsica à issu Santu, l’eletti s’impegnanu à prò d’un prughjettu maiò liatu à un altru modu di turisimu. Un prughjettu valutatu da u Cunsigliu di l’Auropa.
Sviluppà un turisimu fora di l’estate, eccu dapoi anni è anni u scopu di l’eletti corsi dedicati à issu duminiu. Cusì, arrimbati nantu à un aspettu statisticu, cercanu una manera di pudè scambià u modu è passà da u turisimu di massa à un sviluppu più precisu à prò di ciò chì face a particularità di l’isula : e so ricchezze naturale, storiche, geografiche, culturale o patrimuniale.
4 paesi, 250 chilometri
Secondu à i respunsevuli di l’ATC, a perioda settembre-nuvembre di u 2021 saria stata piuttostu pusitiva, segnu ch’ella ci hè una dumanda impurtante. Ghjè partendu da isse elementi quì chè a nova squadra di l’ATC vole sviluppà un turisimu « à l’annata ». Cusì, i respunsevuli anu vulsutu travaglià nantu à ciò chì esiste dighjà. U « Festivale d’auturnu di a ruralità », messu in piazza parechji anni fà da Cristianu Andreani, si scrive in iss’andatura quì cù ghjust’appuntu u sviluppu d’una certa dinamica in i paesi di muntagna è a messa in vale di i patrimonii materiali è immateriali di l’isula. Un cuncettu chì aldilà d’avè fattu e so prove, hà permessu durante a perioda di u vaghjime, di favurizà una leia suciale, culturale, storica è patrimuniale in parechji lochi di Corsica. Mumentu maiò d’issa perioda, a San Martinu, festighjata l’ondeci di nuvembre. Patrone di i Vignaghjoli, San Martinu fù u simbolu di a spartera. Hà participatu, à u quartu seculu à a Vangelisazione di a Gallia Rumana. In Corsica, sò numarosi siti (e ghjesge) chì portanu u so nome. Cristianu Andreani hà, d’altronde travagliatu nantu à a Via San Martinu, un prughjettu maiò à un nivellu internaziunale (14 paesi è 250 chilometri). « 110 cumuni corsi ani un patrimoniu dedicatu à San Martinu. È u nosciu travaddu ùn hè ancu compiu. Ùn si sà s’eddu hè passatu in Corsica ma u so percorsu u ci faci pinsà quantunqua, spiega u capimachja di u « Festivale di a ruralità », una manifestazione più chè mai dedicata à issa Via. Una prima strada, da Patrimoniu à u Pignu hè stata, d’altronde, creata.
Un primu passu
Nanette Maupertuis, anziana presidente de l’ATC-oghje di l’Assemblea di Corsica- s’era dighjà arrimbata nantu à un prughjettu San Martinu. Un’idea ripigliata da Angèle Bastiani, nova presidente di l’Agenzia. « Pierre Frustier, espertu auropeu incaricatu di a labellisazione di i siti hè ghjuntu in Corsica u 9 è u 10 di nuvembre scorsu, spiega a presidente, apre forse una strada nova ver di pruposte ambiziose fendu di a Corsica a porta d’intrata di a Via San Martinu à u nivellu auropeu. »
A parte corsa di u percorsu auropeu di 250 chilometri, seria privista per una lunghezza di 100 chilometri fendu una leia stretta cù u mare tirrenu. Per avà, sessanta cumune di Corsica s’anu vulsutu scrive inde l’itinerariu. « L’ATC, ripiglia a presidente, s’hà da di sicuru impegnà à prò d’issu prughjettu ancu à nivellu finanziariu ma ghjuchendu, dinò a carta di a cumplementà territuriale à fiancu à tutti l’attori cuncernati : associ, cumune, cullettività... »
U nove di nuvembre scorsu, un primu passu hè statu francatu da tutti à a bocca di Teghime cù una visita dedicata à iss’itinerariu quì. Nanzu à un filmu diffusu in Patrimoniu è un debatitu nantu à l’interessu turisticu di u prughjettu. Una prima petra chì solca un prughjettu induve turisimu, eculugia, cultura, ecunumia è è patrimoniu anu da viaghjà inseme.
Ph.P.
Dopu à u travaglionu realizatu dapoi parechji anni da Cristianu Andreani nantu à a Via San Martinu è, d’una manera generale, u patrimoniu dedicatu in Corsica à issu Santu, l’eletti s’impegnanu à prò d’un prughjettu maiò liatu à un altru modu di turisimu. Un prughjettu valutatu da u Cunsigliu di l’Auropa.
Sviluppà un turisimu fora di l’estate, eccu dapoi anni è anni u scopu di l’eletti corsi dedicati à issu duminiu. Cusì, arrimbati nantu à un aspettu statisticu, cercanu una manera di pudè scambià u modu è passà da u turisimu di massa à un sviluppu più precisu à prò di ciò chì face a particularità di l’isula : e so ricchezze naturale, storiche, geografiche, culturale o patrimuniale.
4 paesi, 250 chilometri
Secondu à i respunsevuli di l’ATC, a perioda settembre-nuvembre di u 2021 saria stata piuttostu pusitiva, segnu ch’ella ci hè una dumanda impurtante. Ghjè partendu da isse elementi quì chè a nova squadra di l’ATC vole sviluppà un turisimu « à l’annata ». Cusì, i respunsevuli anu vulsutu travaglià nantu à ciò chì esiste dighjà. U « Festivale d’auturnu di a ruralità », messu in piazza parechji anni fà da Cristianu Andreani, si scrive in iss’andatura quì cù ghjust’appuntu u sviluppu d’una certa dinamica in i paesi di muntagna è a messa in vale di i patrimonii materiali è immateriali di l’isula. Un cuncettu chì aldilà d’avè fattu e so prove, hà permessu durante a perioda di u vaghjime, di favurizà una leia suciale, culturale, storica è patrimuniale in parechji lochi di Corsica. Mumentu maiò d’issa perioda, a San Martinu, festighjata l’ondeci di nuvembre. Patrone di i Vignaghjoli, San Martinu fù u simbolu di a spartera. Hà participatu, à u quartu seculu à a Vangelisazione di a Gallia Rumana. In Corsica, sò numarosi siti (e ghjesge) chì portanu u so nome. Cristianu Andreani hà, d’altronde travagliatu nantu à a Via San Martinu, un prughjettu maiò à un nivellu internaziunale (14 paesi è 250 chilometri). « 110 cumuni corsi ani un patrimoniu dedicatu à San Martinu. È u nosciu travaddu ùn hè ancu compiu. Ùn si sà s’eddu hè passatu in Corsica ma u so percorsu u ci faci pinsà quantunqua, spiega u capimachja di u « Festivale di a ruralità », una manifestazione più chè mai dedicata à issa Via. Una prima strada, da Patrimoniu à u Pignu hè stata, d’altronde, creata.
Un primu passu
Nanette Maupertuis, anziana presidente de l’ATC-oghje di l’Assemblea di Corsica- s’era dighjà arrimbata nantu à un prughjettu San Martinu. Un’idea ripigliata da Angèle Bastiani, nova presidente di l’Agenzia. « Pierre Frustier, espertu auropeu incaricatu di a labellisazione di i siti hè ghjuntu in Corsica u 9 è u 10 di nuvembre scorsu, spiega a presidente, apre forse una strada nova ver di pruposte ambiziose fendu di a Corsica a porta d’intrata di a Via San Martinu à u nivellu auropeu. »
A parte corsa di u percorsu auropeu di 250 chilometri, seria privista per una lunghezza di 100 chilometri fendu una leia stretta cù u mare tirrenu. Per avà, sessanta cumune di Corsica s’anu vulsutu scrive inde l’itinerariu. « L’ATC, ripiglia a presidente, s’hà da di sicuru impegnà à prò d’issu prughjettu ancu à nivellu finanziariu ma ghjuchendu, dinò a carta di a cumplementà territuriale à fiancu à tutti l’attori cuncernati : associ, cumune, cullettività... »
U nove di nuvembre scorsu, un primu passu hè statu francatu da tutti à a bocca di Teghime cù una visita dedicata à iss’itinerariu quì. Nanzu à un filmu diffusu in Patrimoniu è un debatitu nantu à l’interessu turisticu di u prughjettu. Una prima petra chì solca un prughjettu induve turisimu, eculugia, cultura, ecunumia è è patrimoniu anu da viaghjà inseme.
Ph.P.
