Prima notte di a lingua corsa à i Salini
Centu persone anu participatu à a prima notte di a lingua corsa
Prima notte di a lingua corsa à i Salini
Centu persone anu participatu à a prima notte di a lingua corsa, urganizata, a settimana scorsa, da a radiu Frequenza nostra...Canti, musiche, fole, conti, macagne, manghjà è beie, una riesciuta maiò…
Più di centu persone, a squadra di Frequenza nostra, à l’origine di a prima notte di a lingua corsa, a settimana scorsa à i Salini, ùn aspettava micca tantu mondu è dinò una cusì bella riesciuta. Masimu da cinque ore è mezu di sera sin’à trè ore di mane !
«L’idea hè ghjunta da tutta a squadra, spiega Felice Bonardi, animatore, festighjà a lingua corsa faci parta di i nosci priorità. Avemu cercatu à allargà un cuncettu. »
Dapoi ch’ella hà scambiata di piazza, Frequenza nostra, hà pigliatu un versu novu. Un lucale più maiò, d’altre personne, emissione…
Hè à mezu à issa demarchja quì chè Vincentu Ceccada è i respunsevuli anu vulsutu mette in piazza a « Notte di a lingua corsa ». « Cù, aghjusta l’animatore, u fattu di sprimasi in lingua nustrali, pocu impremi i sbagli, parlà di manera naturali... »
Cusì, a « notte » hè stata principiata versu cinque ore di sera, pian’pianinu. U tempu, per a squadra di u gruppu « Eppo » (Anghjulu Torre, Francescu Spinelli, Ghjuvanni Castelli è Petru Veyrat Tristani) di falà appostu da Bastia è di brancà i so strumenti. L’occasione, cù issa veghja nustrale, di fà sente e canzone di u so primu dischettu « Core, Timpesta ». U filu di a serata hè dighjà in piazza.
Zia Margarita, « Les vieilles canailles » è tutti l’altri...
Ma l’urganizatori avianu appruntatu qualcosa di maiò. Cantà, sunà è dinò manghjà è beie di rigalu...Robba purcina, casgiu, vinu è appena più in fondu, una paghjola tamanta di suppa corsa bella calda. L’occasione di fà a leia trà lingua, cultura è tradizione…
Di tradizione, si n’hè trattatu dinò vicinu à u lucale, cù un bancu dedicatu à i famosi « Farri di Mariu », stuvigli è apparati nustrali stallati da Mariu Massimi, ghjuntu ellu dinò à purtà a so petra à issa bella manifestazione. Nentru u lucale, Vannina Angelini-Buresi, animatore, dà a parolla à a squadra d « Eppò » accumagnata da Cristofanu Mondoloni è Saveriu Luciani falatu da a Ghisunaccia.
Versu otte ore di sera, u locu hè bellu carcu. Felice Bonardi hè capifila di a manifestazione. À u microfonu, a squadra di « Les vielles canailles » (Nestor Bouttaud, Bastianu Armani, Guy Finocchi, Jean-Jules Miniconi…) Eppo s’affacca Zia Margarita cù e so amiche Pasqualone è Marie Jo Calabro senza scurdà si di « U sapientoni » Paulu Antò Squarcini è di a squadra di u Locu Teatrale (Marianna Nativi, Vero Bisgambiglia...)
U gruppu Eppo caccia i so strumenti : ghitarra, bassa, viulinu, bandjò è si canta, è si balla. Appena più luntanu, Saveriu Luciani, Cristofanu Mondoloni è Mariu Cappaï cantanu una paghjella. Padoue Ortoli caccia u so urganettu...U tuttu filmatu da Rémy, figliolu di Dumenica Ciabrini. In fine, ghjunghje Daniel Mezzacqui à fà sente a so voce linda... « Ci hè statu un passu è vena sin’à trè ore di mane...Una riesciuta tamanta... »
Micca una nuttata sana ma guasgi. Ciò chì dà idee nove à a squadra di Frequenza nostra…
« S’è a crisa sanitaria ùn si metta micca à mezu, avemu da circà à urganizà una piccula veghja nanzi à Natali... »
L’occasione di festighjà torna una volta…
Centu persone anu participatu à a prima notte di a lingua corsa, urganizata, a settimana scorsa, da a radiu Frequenza nostra...Canti, musiche, fole, conti, macagne, manghjà è beie, una riesciuta maiò…
Più di centu persone, a squadra di Frequenza nostra, à l’origine di a prima notte di a lingua corsa, a settimana scorsa à i Salini, ùn aspettava micca tantu mondu è dinò una cusì bella riesciuta. Masimu da cinque ore è mezu di sera sin’à trè ore di mane !
«L’idea hè ghjunta da tutta a squadra, spiega Felice Bonardi, animatore, festighjà a lingua corsa faci parta di i nosci priorità. Avemu cercatu à allargà un cuncettu. »
Dapoi ch’ella hà scambiata di piazza, Frequenza nostra, hà pigliatu un versu novu. Un lucale più maiò, d’altre personne, emissione…
Hè à mezu à issa demarchja quì chè Vincentu Ceccada è i respunsevuli anu vulsutu mette in piazza a « Notte di a lingua corsa ». « Cù, aghjusta l’animatore, u fattu di sprimasi in lingua nustrali, pocu impremi i sbagli, parlà di manera naturali... »
Cusì, a « notte » hè stata principiata versu cinque ore di sera, pian’pianinu. U tempu, per a squadra di u gruppu « Eppo » (Anghjulu Torre, Francescu Spinelli, Ghjuvanni Castelli è Petru Veyrat Tristani) di falà appostu da Bastia è di brancà i so strumenti. L’occasione, cù issa veghja nustrale, di fà sente e canzone di u so primu dischettu « Core, Timpesta ». U filu di a serata hè dighjà in piazza.
Zia Margarita, « Les vieilles canailles » è tutti l’altri...
Ma l’urganizatori avianu appruntatu qualcosa di maiò. Cantà, sunà è dinò manghjà è beie di rigalu...Robba purcina, casgiu, vinu è appena più in fondu, una paghjola tamanta di suppa corsa bella calda. L’occasione di fà a leia trà lingua, cultura è tradizione…
Di tradizione, si n’hè trattatu dinò vicinu à u lucale, cù un bancu dedicatu à i famosi « Farri di Mariu », stuvigli è apparati nustrali stallati da Mariu Massimi, ghjuntu ellu dinò à purtà a so petra à issa bella manifestazione. Nentru u lucale, Vannina Angelini-Buresi, animatore, dà a parolla à a squadra d « Eppò » accumagnata da Cristofanu Mondoloni è Saveriu Luciani falatu da a Ghisunaccia.
Versu otte ore di sera, u locu hè bellu carcu. Felice Bonardi hè capifila di a manifestazione. À u microfonu, a squadra di « Les vielles canailles » (Nestor Bouttaud, Bastianu Armani, Guy Finocchi, Jean-Jules Miniconi…) Eppo s’affacca Zia Margarita cù e so amiche Pasqualone è Marie Jo Calabro senza scurdà si di « U sapientoni » Paulu Antò Squarcini è di a squadra di u Locu Teatrale (Marianna Nativi, Vero Bisgambiglia...)
U gruppu Eppo caccia i so strumenti : ghitarra, bassa, viulinu, bandjò è si canta, è si balla. Appena più luntanu, Saveriu Luciani, Cristofanu Mondoloni è Mariu Cappaï cantanu una paghjella. Padoue Ortoli caccia u so urganettu...U tuttu filmatu da Rémy, figliolu di Dumenica Ciabrini. In fine, ghjunghje Daniel Mezzacqui à fà sente a so voce linda... « Ci hè statu un passu è vena sin’à trè ore di mane...Una riesciuta tamanta... »
Micca una nuttata sana ma guasgi. Ciò chì dà idee nove à a squadra di Frequenza nostra…
« S’è a crisa sanitaria ùn si metta micca à mezu, avemu da circà à urganizà una piccula veghja nanzi à Natali... »
L’occasione di festighjà torna una volta…
