Lucien Felli : un omu di fede è passione
Avucatu, militante naziunalistu, sempre à prò di a so isula è difensore di u ghjocu à ballò corsu, Lucien Felli hè sparitu a settimana scorsa in Parrighji da e seguite di u siscu. U omu di prima trinca chì ci hà da mancà…
Una decina di ghjorni, guasgi, dopu à Nicolas Alfonsi, u siscu hà fattu una vittima di più frà e parsone più o menu impegnate ch’ella sia à u nivellu puliticu, suciale, ecunomicu, ecc. Di ste persunalità chì solcanu daretu à elle, un chjassu di libertà è di pace, chì lascianu una traccia… È chì anu da stà sculpite ind’e e memorie isulane per u sempre. Un si tratta micca, in ste pagine quì, di rende onore à una vittima di u siscu più cà d’altre. Solu di tene in mente issi percorsi chì ci permettenu di sfuglià qualchì pagina di a nostra storia.
Avucatu rispettatu da tutti, militante naziunalistu di prima trinca, anzianu ghjucadore di ballò, membru di a Lega corsa è sopratuttu à l’origine di u ripigliu di a squadra corsa à partesi da u 2009, Lucien Felli s’hè spentu a settimana scorsa in Parrighji à l’età di settantaquattru anni. Peccatu, cum’è d’altronde per Nicolas Alfonsi, poca ghjente à u so intarru in Basterga in principiu di settimana. Per via di u cunfinamentu, una ceremonia accurtata cù solu a so famiglia in giru à ellu.
U tritticu ghjustizia, naziunalismu, ghjocu à ballò
L’amore di a so isula hà sempre accumpagnatu iss’omu di gran valore. Un tritticu (ghjustizia, naziunalismu, ghjocu à ballò) ch’avemu da, d’altronde, seguità tuttu u longu di a so vita.
Natu in Madagascar in u 1946, Lucien Felli face parte di sti corsi esiliati è cresce à mezu à una famiglia induve si parla corsu è sopratuttu induve l’estru nustrale riprisenta monda. Vultatu in Corsica, face a so scularità nanzu di cunnosce un percorsu studientinu maiò, quuellu ch’è noi li cunniscemu : cusì, dopu à studii di drittu in Parrighji (l’università ùn hè ancu aperta in Corsica, ne serà unu di i difensori…), ottene un diploma di scenze pulitiche è principia a so carriera d’avucatu. In u 1961, hè à l’origine di a creazione d’un associu di studienti in Parrighji. À fiancu à ellu, u so amicu Dumenicu Alfonsi ch’ellu ritruverà vint’anni dopu nantu à i banchi di a prima Assemblea di Corsica. Di fattu, u so percorsu prufessiunale hè sempre statu liatu à u so impegnu puliticu. Difensore di a so isula, hà vistu subbitu in Madagascar è dopu in a Capitale, u pocu di primura di u Statu francese per a Corsica. Attore direttu o indirettu, camperà o serà impegnatu in tantu chè avucatu inde l’affari pulitichi i più impurtanti : e fanghe rosse (1972), Aleria (1975, u primu prucessu maiò di a so carriera), l’affare di u Boeing (1976), Bastelica-Fesch (1980)…Sempre à prò di i militanti corsi, era u fidelu cumpagnu d’Edmond Simeoni. Era d’altronde, unu di i so avucati dopu à Aleria. Respunsevule di a Diaspora à l’UPC, Lucien Felli serà elettu à a prima Assemblea di Corsica (1982). Ne serà presidente di a cumissione di a cultura, l’educazione è a furmazione…U ritruvemu sempre, appena più tardi (affare di a Paillotte « Chez Francis », assassiniu di u Prifettu Erignac.
Ghjocu à ballò : da u Variété Club de France à a Squadra Corsa
Impegnatu à u nivellu puliticu è ghjudiciariu, Lucien Felli era dinò accanitu di ghjocu à ballò. Cum’è tanti altri, ghjoca è ampara à tirà dopu à a scola o in corti di recreazione. Un’epica induve passatempi, ci n’era pocu è micca. Principia à l’AS Etoile Ajaccienne è face, à pocu à pocu, a so strada in Bastelica d’estate durante e vacanze è in Parrighji induve ellu face i so studii. Hè, cù u famosu Jacques Vendroux, à l’origine di a creazione di u Variété Club de France (1971). À tempu, hè u fundadore è presidente di u Football Club du Palais. Ma hè sempre impegnatu in Corsica. Vice presidente di a Lega Corsa, hà sempre vulsutu difende a disciplina. « Ci hè vulsutu à battesi anni è anni per fà ricunnosce u nostru ghjocu à ballò, cuntava ind’una di e so ultime interviste. À partesi da a fine di l’anni 2000, prova una sfida tamanta : rilancià a squadra corsa sparita dapoi anni è anni. À fiancu à u so amicu Dédé Di Scala, riescerà à creà una dinamica, à adunisce tutti i ghjucadori corsi prufessiunali è urganizà, tutti l’anni, una partita maiò : Congo, Togo, Bulgaria, Brittagna, Sardegna…Eccu a maiò parte di l’avversarii di i Corsi. Una selezzione chì dapoi più di dece anni, face a so strada. Ultima sfida di Lucien Felli ? A ricunniscenza internaziunale di a Squadra Corsa, per permetteli di participà à e qualificazione per a Cuppa di u Mondu o u Campiunatu d’Auropa. Ùn si sà s’ella accaderà un ghjornu ma da quassù, Lucien ne serà fieru.
Hè statu purtatu, luni scorsu, à mezu à i soii, à a so ultima casa. L’umaggiu chì permetterà à tutti di rende onore à a so memoria, serà privistu in qualchì settimana, quandu a pandemia serà daretu à noi.
Avucatu rispettatu da tutti, militante naziunalistu di prima trinca, anzianu ghjucadore di ballò, membru di a Lega corsa è sopratuttu à l’origine di u ripigliu di a squadra corsa à partesi da u 2009, Lucien Felli s’hè spentu a settimana scorsa in Parrighji à l’età di settantaquattru anni. Peccatu, cum’è d’altronde per Nicolas Alfonsi, poca ghjente à u so intarru in Basterga in principiu di settimana. Per via di u cunfinamentu, una ceremonia accurtata cù solu a so famiglia in giru à ellu.
U tritticu ghjustizia, naziunalismu, ghjocu à ballò
L’amore di a so isula hà sempre accumpagnatu iss’omu di gran valore. Un tritticu (ghjustizia, naziunalismu, ghjocu à ballò) ch’avemu da, d’altronde, seguità tuttu u longu di a so vita.
Natu in Madagascar in u 1946, Lucien Felli face parte di sti corsi esiliati è cresce à mezu à una famiglia induve si parla corsu è sopratuttu induve l’estru nustrale riprisenta monda. Vultatu in Corsica, face a so scularità nanzu di cunnosce un percorsu studientinu maiò, quuellu ch’è noi li cunniscemu : cusì, dopu à studii di drittu in Parrighji (l’università ùn hè ancu aperta in Corsica, ne serà unu di i difensori…), ottene un diploma di scenze pulitiche è principia a so carriera d’avucatu. In u 1961, hè à l’origine di a creazione d’un associu di studienti in Parrighji. À fiancu à ellu, u so amicu Dumenicu Alfonsi ch’ellu ritruverà vint’anni dopu nantu à i banchi di a prima Assemblea di Corsica. Di fattu, u so percorsu prufessiunale hè sempre statu liatu à u so impegnu puliticu. Difensore di a so isula, hà vistu subbitu in Madagascar è dopu in a Capitale, u pocu di primura di u Statu francese per a Corsica. Attore direttu o indirettu, camperà o serà impegnatu in tantu chè avucatu inde l’affari pulitichi i più impurtanti : e fanghe rosse (1972), Aleria (1975, u primu prucessu maiò di a so carriera), l’affare di u Boeing (1976), Bastelica-Fesch (1980)…Sempre à prò di i militanti corsi, era u fidelu cumpagnu d’Edmond Simeoni. Era d’altronde, unu di i so avucati dopu à Aleria. Respunsevule di a Diaspora à l’UPC, Lucien Felli serà elettu à a prima Assemblea di Corsica (1982). Ne serà presidente di a cumissione di a cultura, l’educazione è a furmazione…U ritruvemu sempre, appena più tardi (affare di a Paillotte « Chez Francis », assassiniu di u Prifettu Erignac.
Ghjocu à ballò : da u Variété Club de France à a Squadra Corsa
Impegnatu à u nivellu puliticu è ghjudiciariu, Lucien Felli era dinò accanitu di ghjocu à ballò. Cum’è tanti altri, ghjoca è ampara à tirà dopu à a scola o in corti di recreazione. Un’epica induve passatempi, ci n’era pocu è micca. Principia à l’AS Etoile Ajaccienne è face, à pocu à pocu, a so strada in Bastelica d’estate durante e vacanze è in Parrighji induve ellu face i so studii. Hè, cù u famosu Jacques Vendroux, à l’origine di a creazione di u Variété Club de France (1971). À tempu, hè u fundadore è presidente di u Football Club du Palais. Ma hè sempre impegnatu in Corsica. Vice presidente di a Lega Corsa, hà sempre vulsutu difende a disciplina. « Ci hè vulsutu à battesi anni è anni per fà ricunnosce u nostru ghjocu à ballò, cuntava ind’una di e so ultime interviste. À partesi da a fine di l’anni 2000, prova una sfida tamanta : rilancià a squadra corsa sparita dapoi anni è anni. À fiancu à u so amicu Dédé Di Scala, riescerà à creà una dinamica, à adunisce tutti i ghjucadori corsi prufessiunali è urganizà, tutti l’anni, una partita maiò : Congo, Togo, Bulgaria, Brittagna, Sardegna…Eccu a maiò parte di l’avversarii di i Corsi. Una selezzione chì dapoi più di dece anni, face a so strada. Ultima sfida di Lucien Felli ? A ricunniscenza internaziunale di a Squadra Corsa, per permetteli di participà à e qualificazione per a Cuppa di u Mondu o u Campiunatu d’Auropa. Ùn si sà s’ella accaderà un ghjornu ma da quassù, Lucien ne serà fieru.
Hè statu purtatu, luni scorsu, à mezu à i soii, à a so ultima casa. L’umaggiu chì permetterà à tutti di rende onore à a so memoria, serà privistu in qualchì settimana, quandu a pandemia serà daretu à noi.
