Porcafonu, una fola di Natale
Racolta tempi fà in Castagniccia, issa fola di Natale, face a leia eri è oghje.
Porcafonu, una fola di Natale
Racolta tempi fà in Castagniccia, issa fola di Natale, face a leia eri è oghje. Fora d’un usu appena byrlescu, ci si trova quantuque una certa murale chè quellu chì face u bè racoglie sempre di più chì ciò ch’ellu sumineghja... « Attori principali », i porchi chì a tradizione face sparisce tutti l’anni à iss’epica quì, in d’atroce suffrenze. Ma, à dilla franca, quale hè, fora, di i musulmani, i ghjudei è tutti quelli chì praticheghjanu u vegetarisimu, chì si pò passà d’una bella fetta di prisuttu, d’un salamu o un sangue ?
Ci era una volta in Castagniccia, un porcu chì parlava. Porcafonu si chjamava. Era bellu quantu è...Un porcu ! È intelligente assai.
Un ghjornu di dicembre, techju di vede i so cumpagni fà si pulzà da i paisani in d’ atroce suffrenze, decide di tene un cunsigliu è d’adunisce tutti i porchi maestri di u circondu è i so cugini i cignali eranu.
« Quassù in u celu, Diu ùn vede a tuntia di l’omi chì ci pulzanu u ghjornu di Natale, quandu ellu nasce Ghjesù ! Semu scambiati in figatellu, lonzu, coppa, prisuttu, salamu...M’aghju da fà tumbà per cullà in celu, spiegà lu tuttu què è fà scambià e cose. »
Un vechju cignale vole more à a so piazza per issa causa nobile. Si ne và in u valle d’Alesgiani induve ci sò i cacciadori di u cantonu. À a prima fucilata, casca è a so anima colla in celu.
Ghjuntu insù, pichja à a porta di u Paradisu. Affacca San Petru. « Diu hè impegnatu assai, t’aghju da purtà ind’è San Martinu. »
« Vogliu parlà à Diu è à nimu d’altru... » risponde u cignale... San Martinu hè azezu. Caccia a so morte è u rinvia in u mondu di i vivi.
Nanzu d’esse lampatu fora, u cignale briona : "U liamu un'hè un santu, fà miraculi pur tantu!"
Vultatu in terra, conta u so passaghju à l’assembla chì si ne stà senza voce ...
Porcafonu piglia a parolla : « Ci vole à fà prestu chì e feste di natale s’avvicinanu… »
Ghjuntu u 25 di dicembre, San Petru hè scimatulitu è corre in tutti i sensi...Milai d’anime di porchi lampanu a so caca davanti à a porta di u Paradisu. Chì puzza ! Ùn si pò più respirà !
D’un colpu, affacca San Martinu sempre azezu : « Chì ci hè manza di porchi ? »
« Vulemu esse ricivuti da Diu osinnò, avemu da sparghje u nostru liamu davanti à a vostra porta. San Martinu sussureghja. « Ùn si pò micca trattà cù i Corsi... »
À u capu di trè ghjorni, affacca u Diavule è si ne ride di vede u Paradisu in quellu statu.
« Ah, ah, ah, à a risa…. »
Dopu à cinque ghjorni, in terra, i paisani sò inchieti chè i porchi sò in greva di a fame.
L’omi si mettenu à pregà, pregà, pregà... E preghere ghjunghjenu sin’à Diu chì, à capu di ciò chì si passa, acetta di riceve una delegazione purtata da Porcafonu è un porcu d’ogni paese « Vulemu esse rispettati è more di manera degna… »
Diu prumette d’accettà e so duleanze. Tandu, Santu Antone diventa Sant Antone di u Porcu pruttetore di tutta a razza purcina. Ci hè anc u un dicrettu. Ogni centu anni, un omu sceltu da Porcafonu serà resu riccu è felice.
I porchi si rallegranu di tutti d’isse misure. Voltanu in terra...
Ma annu dopu, s’avvicinanu e feste di Natale è si facenu sempre pulzà. Da u paradisu, Porcafonu hè bellu inchietu . « Hà da esse difficiule da truvà un elettu quì ! » Dopu à qualchì mumentu, scopre un paisanu ch’ùn tomba, nè manghja porchi ». Porcafonu si rallegra. « Eccu u nostru elettu ! »
Una sera chè u paisanu si scalda à u fucone sente grugnulà. S’arrizza è apre a porta. Davanti à ellu, Porcafonu. « Bonghjornu, sò Porcafonu, u Diu di i Porchi, t’aghju da fà un omu riccu chè t’ùn manghji porcu. L’omu manca di cascà è risponde. « Hè un miraculu, hè un miraculu ! Ma, à dilla franca, ùn manghju micca porchi, sò ghjudeu. »
Porcafonu cuntinueghja: "In u paisolu di Bonicardo, vicinu à a funtana di moru, ci hè u tesoru chì i mori anu piattatu dopu à una bataglia tamanta...Và à cercà lu è sarè riccu à milioni ! »
« Ma ùn vogliu micca, risponde l’omu, dopu, tuttu u mondu hà da esse ghjilosu, sò abbastanza casticatu cusì ! »
Porcafonu insista è cerca à cunvince u paisanu. Fatta fine, accetta ma pone a so cundizione : « A me ricchezza deve esse accumpagnata da a felicità ch’ùn aghju mai avutu »...Porcafonu da u so accunsentu, e so ultime ricumandazione è sparisce per centu anni.
L’omu trova u tesoru, diventa riccu à milioni è si marita cù una paisana di u circondu chì li dà sette zitelli. Passa a so vita à fà u bè. Tutti l’anni, compra porchi ch’ell’ùn tumba micca. « Anu fattu a me ricchezza, m’anu resu felice, devenu sparisce di morte naturale. »
Quandu fù pigliatu, ellu stessu da a morte à l’età di 98 anni, u grugnulime di i porchi rimbumbava in tuttu u rughjone cum’è un ultimu Addiu…
Ph.P.
Racolta tempi fà in Castagniccia, issa fola di Natale, face a leia eri è oghje. Fora d’un usu appena byrlescu, ci si trova quantuque una certa murale chè quellu chì face u bè racoglie sempre di più chì ciò ch’ellu sumineghja... « Attori principali », i porchi chì a tradizione face sparisce tutti l’anni à iss’epica quì, in d’atroce suffrenze. Ma, à dilla franca, quale hè, fora, di i musulmani, i ghjudei è tutti quelli chì praticheghjanu u vegetarisimu, chì si pò passà d’una bella fetta di prisuttu, d’un salamu o un sangue ?
Ci era una volta in Castagniccia, un porcu chì parlava. Porcafonu si chjamava. Era bellu quantu è...Un porcu ! È intelligente assai.
Un ghjornu di dicembre, techju di vede i so cumpagni fà si pulzà da i paisani in d’ atroce suffrenze, decide di tene un cunsigliu è d’adunisce tutti i porchi maestri di u circondu è i so cugini i cignali eranu.
« Quassù in u celu, Diu ùn vede a tuntia di l’omi chì ci pulzanu u ghjornu di Natale, quandu ellu nasce Ghjesù ! Semu scambiati in figatellu, lonzu, coppa, prisuttu, salamu...M’aghju da fà tumbà per cullà in celu, spiegà lu tuttu què è fà scambià e cose. »
Un vechju cignale vole more à a so piazza per issa causa nobile. Si ne và in u valle d’Alesgiani induve ci sò i cacciadori di u cantonu. À a prima fucilata, casca è a so anima colla in celu.
Ghjuntu insù, pichja à a porta di u Paradisu. Affacca San Petru. « Diu hè impegnatu assai, t’aghju da purtà ind’è San Martinu. »
« Vogliu parlà à Diu è à nimu d’altru... » risponde u cignale... San Martinu hè azezu. Caccia a so morte è u rinvia in u mondu di i vivi.
Nanzu d’esse lampatu fora, u cignale briona : "U liamu un'hè un santu, fà miraculi pur tantu!"
Vultatu in terra, conta u so passaghju à l’assembla chì si ne stà senza voce ...
Porcafonu piglia a parolla : « Ci vole à fà prestu chì e feste di natale s’avvicinanu… »
Ghjuntu u 25 di dicembre, San Petru hè scimatulitu è corre in tutti i sensi...Milai d’anime di porchi lampanu a so caca davanti à a porta di u Paradisu. Chì puzza ! Ùn si pò più respirà !
D’un colpu, affacca San Martinu sempre azezu : « Chì ci hè manza di porchi ? »
« Vulemu esse ricivuti da Diu osinnò, avemu da sparghje u nostru liamu davanti à a vostra porta. San Martinu sussureghja. « Ùn si pò micca trattà cù i Corsi... »
À u capu di trè ghjorni, affacca u Diavule è si ne ride di vede u Paradisu in quellu statu.
« Ah, ah, ah, à a risa…. »
Dopu à cinque ghjorni, in terra, i paisani sò inchieti chè i porchi sò in greva di a fame.
L’omi si mettenu à pregà, pregà, pregà... E preghere ghjunghjenu sin’à Diu chì, à capu di ciò chì si passa, acetta di riceve una delegazione purtata da Porcafonu è un porcu d’ogni paese « Vulemu esse rispettati è more di manera degna… »
Diu prumette d’accettà e so duleanze. Tandu, Santu Antone diventa Sant Antone di u Porcu pruttetore di tutta a razza purcina. Ci hè anc u un dicrettu. Ogni centu anni, un omu sceltu da Porcafonu serà resu riccu è felice.
I porchi si rallegranu di tutti d’isse misure. Voltanu in terra...
Ma annu dopu, s’avvicinanu e feste di Natale è si facenu sempre pulzà. Da u paradisu, Porcafonu hè bellu inchietu . « Hà da esse difficiule da truvà un elettu quì ! » Dopu à qualchì mumentu, scopre un paisanu ch’ùn tomba, nè manghja porchi ». Porcafonu si rallegra. « Eccu u nostru elettu ! »
Una sera chè u paisanu si scalda à u fucone sente grugnulà. S’arrizza è apre a porta. Davanti à ellu, Porcafonu. « Bonghjornu, sò Porcafonu, u Diu di i Porchi, t’aghju da fà un omu riccu chè t’ùn manghji porcu. L’omu manca di cascà è risponde. « Hè un miraculu, hè un miraculu ! Ma, à dilla franca, ùn manghju micca porchi, sò ghjudeu. »
Porcafonu cuntinueghja: "In u paisolu di Bonicardo, vicinu à a funtana di moru, ci hè u tesoru chì i mori anu piattatu dopu à una bataglia tamanta...Và à cercà lu è sarè riccu à milioni ! »
« Ma ùn vogliu micca, risponde l’omu, dopu, tuttu u mondu hà da esse ghjilosu, sò abbastanza casticatu cusì ! »
Porcafonu insista è cerca à cunvince u paisanu. Fatta fine, accetta ma pone a so cundizione : « A me ricchezza deve esse accumpagnata da a felicità ch’ùn aghju mai avutu »...Porcafonu da u so accunsentu, e so ultime ricumandazione è sparisce per centu anni.
L’omu trova u tesoru, diventa riccu à milioni è si marita cù una paisana di u circondu chì li dà sette zitelli. Passa a so vita à fà u bè. Tutti l’anni, compra porchi ch’ell’ùn tumba micca. « Anu fattu a me ricchezza, m’anu resu felice, devenu sparisce di morte naturale. »
Quandu fù pigliatu, ellu stessu da a morte à l’età di 98 anni, u grugnulime di i porchi rimbumbava in tuttu u rughjone cum’è un ultimu Addiu…
Ph.P.
