U filu artisticu d’Elea Battini-Arabi
À vint’anni, issa ghjovana chì t’hà e so radiche in Marignana hà sempre seguitatu un percorsu liatu à l’arte. Un sonniu zitellinu chì piglia, oghje, realità…
U destinu hè cusì stranu ch’ellu pichja à a vostra porta à un mumentu induve ùn l’aspettate micca. Tandu, a passione per un duminiu, pocu impreme qualessu, si sparghje senza circà la.
Cusì pudariamu definisce Elea Battini-Arabi, zitella di Marignana chì face studii d’arti plastichi in Corti. Una voglia da zitella. « Mamma è minnana eranu passiunate d’arte, spiega a ghjuvanotta, mamma face parte di a prima generazione ch’anu passatu un basciliè d’arte à u Letitizia. »
Di fattu, Elea hà seguitatu issi passi quì. « Aghju sempre vulsutu esse prufessore d’arti plastichi, aghjusta a zitella, da chjuca quandu faciu disegni à a mina o i « Manga » Giapunnesi, sin’à u cullegiu cù e prime figurazione. Maestri è prufessori mi dicianu ch’era un percorsu assai difficiule, ma ùn aghju mai scambiatu u me scopu. »
Praticà è insignà…
L’artista piglia un versu, appena à modu soiu è travaglia intornu à l’arti durante a so scularità sana. Serà Viviane Quilichini, u so prufessore, chì a metterà, à pocu à pocu, nantu à issa strada quì. « Aghju amparatu a storia di l’arte-mi piace tuttu- è aghju principiatu à pinghje. Prima ritratti muderni, paisaghji…Eppo, pian’pianinu, tematiche più astratte. À dilla franca, cercu dinò à mette in vale, l’identità è a cultura corsa, tuttu ciò ch’elli m’anu tramandatu i mo vechji… »
Titularia d’un basciliè dui anni fà, Elea hè, dapoi, in Corti ind’una trafila d’arti plastichi. Ma ci saria un mondu trà l’insignamentu è a pratica. Ciò ch’eu pinghju hè diferente di u me travagliu à l’università ma e tematiche ùn scambianu micca. »
In puchissimi tempi, a ghjuvanotta hà fattu a so strada. Trà forme strane fatte cù un stampinu è culori calde o più frete, sprima u so arte. « Cercu sempre una leia cù a Corsica, u paese, l’antichi…Ci vole issu liamu cù l’identità. Hè impurtante di sapè d’induve ghjunghjemu… »
Impegnata cù l’associu « Donne è Surelle », l’artista hà fattu un tritticu è s’appronta, à tempu, à una prima mostra à u Locu Teatrale. Hè stata, dinò, invitata da a CdC à a manifestazione « Energ’îles » induve u so arte s’hà da sviluppà intornu à l’energie rinuvative, a biomassa, u fotovulcaicu…U tuttu senza sminticà u so scopu d’insegnante. « Artistu, ùn hè u me scopu. Vogliu esse prufessore…Passeraghju una licenza nanzu, forse, di parte in Ecchisi, à appruntà un Master ch’ùn ci hè micca in Corti. »
Ancu in stu mistieru quì, cercherà sempre à mantene u so filu identitariu…
Cusì pudariamu definisce Elea Battini-Arabi, zitella di Marignana chì face studii d’arti plastichi in Corti. Una voglia da zitella. « Mamma è minnana eranu passiunate d’arte, spiega a ghjuvanotta, mamma face parte di a prima generazione ch’anu passatu un basciliè d’arte à u Letitizia. »
Di fattu, Elea hà seguitatu issi passi quì. « Aghju sempre vulsutu esse prufessore d’arti plastichi, aghjusta a zitella, da chjuca quandu faciu disegni à a mina o i « Manga » Giapunnesi, sin’à u cullegiu cù e prime figurazione. Maestri è prufessori mi dicianu ch’era un percorsu assai difficiule, ma ùn aghju mai scambiatu u me scopu. »
Praticà è insignà…
L’artista piglia un versu, appena à modu soiu è travaglia intornu à l’arti durante a so scularità sana. Serà Viviane Quilichini, u so prufessore, chì a metterà, à pocu à pocu, nantu à issa strada quì. « Aghju amparatu a storia di l’arte-mi piace tuttu- è aghju principiatu à pinghje. Prima ritratti muderni, paisaghji…Eppo, pian’pianinu, tematiche più astratte. À dilla franca, cercu dinò à mette in vale, l’identità è a cultura corsa, tuttu ciò ch’elli m’anu tramandatu i mo vechji… »
Titularia d’un basciliè dui anni fà, Elea hè, dapoi, in Corti ind’una trafila d’arti plastichi. Ma ci saria un mondu trà l’insignamentu è a pratica. Ciò ch’eu pinghju hè diferente di u me travagliu à l’università ma e tematiche ùn scambianu micca. »
In puchissimi tempi, a ghjuvanotta hà fattu a so strada. Trà forme strane fatte cù un stampinu è culori calde o più frete, sprima u so arte. « Cercu sempre una leia cù a Corsica, u paese, l’antichi…Ci vole issu liamu cù l’identità. Hè impurtante di sapè d’induve ghjunghjemu… »
Impegnata cù l’associu « Donne è Surelle », l’artista hà fattu un tritticu è s’appronta, à tempu, à una prima mostra à u Locu Teatrale. Hè stata, dinò, invitata da a CdC à a manifestazione « Energ’îles » induve u so arte s’hà da sviluppà intornu à l’energie rinuvative, a biomassa, u fotovulcaicu…U tuttu senza sminticà u so scopu d’insegnante. « Artistu, ùn hè u me scopu. Vogliu esse prufessore…Passeraghju una licenza nanzu, forse, di parte in Ecchisi, à appruntà un Master ch’ùn ci hè micca in Corti. »
Ancu in stu mistieru quì, cercherà sempre à mantene u so filu identitariu…
