Assemblea di a ghjuventù : purtà a voce di i ghjovani corsi
Creata trè anni fà da l’eletti di l’Assemblea di Corsica, l’Assemblea di ghjuventù si vole impegnà nantu à tutte e tematiche liate à l’isula.
Cù u scopu maiò di purtà a so voce. A seconda mandatura hè stata principiata l’annu scorsu…
Subbitu dopu à a so elezzione di dicembre di u 2015, a maiurità territuriale hà vulsutu mette in piazza un’Assemblea di a Ghjuventù. Aduttata à l’unanimità à a fine di lugliu di u 2016, a prima Assemblea hè stata stallata u quattru d’aprile di u 2017. Ogni volta per dui anni. È cù un votu tutti l’anni di i so membri. Urganu cunsultativu di a CdC cù u Cesec, issa struttura si cumpone di sessanta trè membri, arrimbati nantu à u mudellu di i maiò. Studienti, liceani, ghjovani, anu tutti da sedeci à vintinovi anni. « Travagliemu nantu à tutte e tematiche, spiega unu di i respunsevuli, cultura, eculugia, pulitica à u sensu largu, sport, ecunumia. Ognunu secondu à e so cumpetenza, porta a so voce. »
Trè cummissione
S’è i membri s’aduniscenu una volta tutti i trè mesi, ci sò, bellu nanzu, duie reunione à mese per trattà di i sughjetti è sceglie quelli chì seranu aduprati u ghjornu di a sessione. Di fattu, i membri ghjunghjenu da sindicati studientini (GP, GI, CSC…) o d’altrò (liceani, sucetà civile), si sò spertuti in parechji gruppi : GP, GN, Ghjuventù di u centru drittu, custruimu l’avvene)…Intornu à trè cummissione (lingua è sucetà, a pulitica educativa, A Corsica, l’Auropa è u Mediterraniu), i so membri travaglianu. « Hè u listessu travagliu chè quellu di l’Assemblea di Corsica. Vutemu e muzione trà di noi, eppo e mandemu à l’eletti. Certe sò lete à mezu à l’altre muzione di l’Assemblea. Dopu, unipochi sò pigliate in contu. »
Ghjuvan Guidi Talamoni hè u presidente di a struttura, è, dapoi l’annu scorsu, Camille Martelli è Petr’Antò Vesperini, vice presidenti.
Sette questione urale è ottu muzione
À l’occasione di l’ultima sessione, u sei di ferraghju, ci sò state sette questione urale è ottu muzione da a maiò parte di i gruppi. Frà elle, tematiche cum’è l’eculugia (urgenza d’una autunumia alimentaria, u scaldamentu di a pianetta), a limitazione di u turisimu di massa, a lotta contru à l’urbanisazione, u sustegnu à i prighjuneri pulitichi, u sviluppu di a stampa corsa, a viulenza.…Nantu à iss’ultima tematica, è dopu à un’intervenzione di Sampieru Sanguinetti, autore di i libru « De quoi la mafia est-elle le nom ? », u gruppu « Custruimu l’Avvene » hà mintuatu «Una situazione di a viulenza assai periculosa dopu à a morte di Massimu Susini. A lotta contru à u sviluppu maffiosu di a Corsica s’impone cum’è una priurità.»
Altra muzione impurtante, quella in leia cù a rete Canopé, minacciata di sparisce « Li vulemi purtà u nosciu sustegnu, conta Liviu Leandri per mantena issa struttura, u so travaddu in tantu chè arnesu pidagogicu par l’insignanti, mandà i ducumenti à i prighjuneri, masimu chì certi faceni studii è ùn ani micca pussibilità d’avè libri… »
In i dui primi anni è sette sequenze publiche, 50 muzione sò state aduttate è dui rapporti vutati. Segnu di l’impegnu d’iss’Assemblea à prò di u sviluppu di a Corsica.
Subbitu dopu à a so elezzione di dicembre di u 2015, a maiurità territuriale hà vulsutu mette in piazza un’Assemblea di a Ghjuventù. Aduttata à l’unanimità à a fine di lugliu di u 2016, a prima Assemblea hè stata stallata u quattru d’aprile di u 2017. Ogni volta per dui anni. È cù un votu tutti l’anni di i so membri. Urganu cunsultativu di a CdC cù u Cesec, issa struttura si cumpone di sessanta trè membri, arrimbati nantu à u mudellu di i maiò. Studienti, liceani, ghjovani, anu tutti da sedeci à vintinovi anni. « Travagliemu nantu à tutte e tematiche, spiega unu di i respunsevuli, cultura, eculugia, pulitica à u sensu largu, sport, ecunumia. Ognunu secondu à e so cumpetenza, porta a so voce. »
Trè cummissione
S’è i membri s’aduniscenu una volta tutti i trè mesi, ci sò, bellu nanzu, duie reunione à mese per trattà di i sughjetti è sceglie quelli chì seranu aduprati u ghjornu di a sessione. Di fattu, i membri ghjunghjenu da sindicati studientini (GP, GI, CSC…) o d’altrò (liceani, sucetà civile), si sò spertuti in parechji gruppi : GP, GN, Ghjuventù di u centru drittu, custruimu l’avvene)…Intornu à trè cummissione (lingua è sucetà, a pulitica educativa, A Corsica, l’Auropa è u Mediterraniu), i so membri travaglianu. « Hè u listessu travagliu chè quellu di l’Assemblea di Corsica. Vutemu e muzione trà di noi, eppo e mandemu à l’eletti. Certe sò lete à mezu à l’altre muzione di l’Assemblea. Dopu, unipochi sò pigliate in contu. »
Ghjuvan Guidi Talamoni hè u presidente di a struttura, è, dapoi l’annu scorsu, Camille Martelli è Petr’Antò Vesperini, vice presidenti.
Sette questione urale è ottu muzione
À l’occasione di l’ultima sessione, u sei di ferraghju, ci sò state sette questione urale è ottu muzione da a maiò parte di i gruppi. Frà elle, tematiche cum’è l’eculugia (urgenza d’una autunumia alimentaria, u scaldamentu di a pianetta), a limitazione di u turisimu di massa, a lotta contru à l’urbanisazione, u sustegnu à i prighjuneri pulitichi, u sviluppu di a stampa corsa, a viulenza.…Nantu à iss’ultima tematica, è dopu à un’intervenzione di Sampieru Sanguinetti, autore di i libru « De quoi la mafia est-elle le nom ? », u gruppu « Custruimu l’Avvene » hà mintuatu «Una situazione di a viulenza assai periculosa dopu à a morte di Massimu Susini. A lotta contru à u sviluppu maffiosu di a Corsica s’impone cum’è una priurità.»
Altra muzione impurtante, quella in leia cù a rete Canopé, minacciata di sparisce « Li vulemi purtà u nosciu sustegnu, conta Liviu Leandri per mantena issa struttura, u so travaddu in tantu chè arnesu pidagogicu par l’insignanti, mandà i ducumenti à i prighjuneri, masimu chì certi faceni studii è ùn ani micca pussibilità d’avè libri… »
In i dui primi anni è sette sequenze publiche, 50 muzione sò state aduttate è dui rapporti vutati. Segnu di l’impegnu d’iss’Assemblea à prò di u sviluppu di a Corsica.
