Sapè Fa : Corsica PAM, u sicretu di l’oliu essenziale
Stallati nantu à a cumuna d’Ocana dapoi vinticinque anni, Ghjuvan Petru è Paulu Caux anu creatu a sucetà Corsica PAM dedicata à l’oliu essenziale. Un’impresa familiale induve si face tuttu da a cugliera, e racolte sin’à e buccette passendu per a distille
Corsica PAM : u sicretu di l’oliu essenziale
Stallati nantu à a cumuna d’Ocana dapoi vinticinque anni, Ghjuvan Petru è Paulu Caux anu creatu a sucetà Corsica PAM dedicata à l’oliu essenziale. Un’impresa familiale induve si face tuttu da a cugliera, e racolte sin’à e buccette passendu per a distilleria…
Semu in u u paisolu « U Salvaduraghju » chì, l’avemu da vede, porta bè u so nome. Hè quì chè i fratelli Ghjuvan Petru è Paulu Caux si sò stallati in u 1996. Una scelta, quella di travaglià intornu à l’agricultura bio, masimu in casa soia (anu e so radiche in Ocana…), chì s’hè imposta dopu à parcorsi diversi liati più o menu à a cultura. Un bisognu di scambiamentu.spiega Ghjuvan Petru, aviami travaddatu nantu à a cultura, ci era una vogdda di stà in leia cù a natura... » Cusì, i dui fratelli anu seguitatu una furmazione in Sartè, è, à tempu, moduli specifichi liati à e tecniche, distillazione o maestria di u vapore. È dopu à un annu di furmazione, anu principiatu a so attività cù una prima unità di travagliu creata sopra piazza è induve ci era dighjà da chì fà.
« Avemi principiatu subbitu, aghjusta Ghjuvan Petru, ma a prima annata fù una prova chì a noscia pruduzzioni era chjuca. »
Un annu dopu, piantanu vervena, rosumarinu in a valle. Appena più tardi, cuntatti pigliati cù laburatorii in Francia è a u straniera permette à a sucetà di piglià u so volu. « U cuncettu hà piddatu subbitu, ripiglia Ghjuvan Petru Caux, aviami mandatu qualchì pruduttu eppo sò ghjunte e prime cumande. Ma, i trè primi anni,benefiziu, ùn ci n’era. »
Una pruduzzione di 300 litri à l’annu
À pocu à pocu, Corsica PAM face a so strada. Dece anni dopu, Stefanu Santu, u figliolu di Ghjuvan Petru entre in a sucetà, seguitatu in u 2015 da Tumasgiu, figliolu di Paulu, per un’impresa chì si sviluppa.
Oghje, ci hè, fora di i quattru di a famiglia Caux, un impiegatu à l’annata è trè chì travaglianu durante a staghjone (sei mesi), per u più à nantu à a cugliera. A sucetà travaglia intornu à ondeci piante (rosumarinu, finochju, codda vulpina, laricciu, ghjinepparu, murza, mortula, rundonu, basiccia, calitu, linstincu) è un fruttu (clementina ma piuttostu e fronde).
Dopu à a cugliera, a distillazione si deve fà subbitu, « sò pianti freschi ch è noi lascemu dopu ripusà vinti ghjorni nanzi in a fasa di cundiziunamentu. »
L’olii essenziali si vendenu à a sucetà impurtante (laburatorii) o à u detagliu (in buccette).
A pruduzzione seria à pocu pressu di 300 litri à l’annu. « Hè appena duru cù a sicchina è u cambiamentu climaticu, ci volà à adattà ci, ma ùn pundemi micca. In più di què, a guerra in Ucraina veni à fà crescia u prezzu di u brusgevuli è n’avemi bisognu per a distillazioni. »
Ciò c’ùn impedisce micca i fratelli Caux è i so figlioli di cuntinuà a so attività. U bastimentu induve ci hè a distilleria, u laburatoriu è a vendita diretta (butteca), hè statu accunciatu in u 2007. « A distilleria hè diventata troppu chjuca, hà da essa rimpiazzata da un altru, novu (100m2) da quì à a fine di maghju. Cù arnesi è mezi di travaddu muderni... »
Fora di Corsica Pam, u cuncettu « la maison des senteurs » permette di prupone d’altri prudutti sempre arrimbati nantu à una demarchja di qualità. Una sucetà chì deve esse spiccata da l’altra. Quì, si puderanu truvà savò, prudutti per a duscia, oliu di massaghju, perfumi diversi…
Ma hè u sicretu di e piante chì face a ricchezza maiò di Corsica PAM.
Ph.P.
Corsica PAM
U salvaduraghju, 20117, Ocana
tel : 04-95-23-81-88
www.corsicapam.com
Stallati nantu à a cumuna d’Ocana dapoi vinticinque anni, Ghjuvan Petru è Paulu Caux anu creatu a sucetà Corsica PAM dedicata à l’oliu essenziale. Un’impresa familiale induve si face tuttu da a cugliera, e racolte sin’à e buccette passendu per a distilleria…
Semu in u u paisolu « U Salvaduraghju » chì, l’avemu da vede, porta bè u so nome. Hè quì chè i fratelli Ghjuvan Petru è Paulu Caux si sò stallati in u 1996. Una scelta, quella di travaglià intornu à l’agricultura bio, masimu in casa soia (anu e so radiche in Ocana…), chì s’hè imposta dopu à parcorsi diversi liati più o menu à a cultura. Un bisognu di scambiamentu.spiega Ghjuvan Petru, aviami travaddatu nantu à a cultura, ci era una vogdda di stà in leia cù a natura... » Cusì, i dui fratelli anu seguitatu una furmazione in Sartè, è, à tempu, moduli specifichi liati à e tecniche, distillazione o maestria di u vapore. È dopu à un annu di furmazione, anu principiatu a so attività cù una prima unità di travagliu creata sopra piazza è induve ci era dighjà da chì fà.
« Avemi principiatu subbitu, aghjusta Ghjuvan Petru, ma a prima annata fù una prova chì a noscia pruduzzioni era chjuca. »
Un annu dopu, piantanu vervena, rosumarinu in a valle. Appena più tardi, cuntatti pigliati cù laburatorii in Francia è a u straniera permette à a sucetà di piglià u so volu. « U cuncettu hà piddatu subbitu, ripiglia Ghjuvan Petru Caux, aviami mandatu qualchì pruduttu eppo sò ghjunte e prime cumande. Ma, i trè primi anni,benefiziu, ùn ci n’era. »
Una pruduzzione di 300 litri à l’annu
À pocu à pocu, Corsica PAM face a so strada. Dece anni dopu, Stefanu Santu, u figliolu di Ghjuvan Petru entre in a sucetà, seguitatu in u 2015 da Tumasgiu, figliolu di Paulu, per un’impresa chì si sviluppa.
Oghje, ci hè, fora di i quattru di a famiglia Caux, un impiegatu à l’annata è trè chì travaglianu durante a staghjone (sei mesi), per u più à nantu à a cugliera. A sucetà travaglia intornu à ondeci piante (rosumarinu, finochju, codda vulpina, laricciu, ghjinepparu, murza, mortula, rundonu, basiccia, calitu, linstincu) è un fruttu (clementina ma piuttostu e fronde).
Dopu à a cugliera, a distillazione si deve fà subbitu, « sò pianti freschi ch è noi lascemu dopu ripusà vinti ghjorni nanzi in a fasa di cundiziunamentu. »
L’olii essenziali si vendenu à a sucetà impurtante (laburatorii) o à u detagliu (in buccette).
A pruduzzione seria à pocu pressu di 300 litri à l’annu. « Hè appena duru cù a sicchina è u cambiamentu climaticu, ci volà à adattà ci, ma ùn pundemi micca. In più di què, a guerra in Ucraina veni à fà crescia u prezzu di u brusgevuli è n’avemi bisognu per a distillazioni. »
Ciò c’ùn impedisce micca i fratelli Caux è i so figlioli di cuntinuà a so attività. U bastimentu induve ci hè a distilleria, u laburatoriu è a vendita diretta (butteca), hè statu accunciatu in u 2007. « A distilleria hè diventata troppu chjuca, hà da essa rimpiazzata da un altru, novu (100m2) da quì à a fine di maghju. Cù arnesi è mezi di travaddu muderni... »
Fora di Corsica Pam, u cuncettu « la maison des senteurs » permette di prupone d’altri prudutti sempre arrimbati nantu à una demarchja di qualità. Una sucetà chì deve esse spiccata da l’altra. Quì, si puderanu truvà savò, prudutti per a duscia, oliu di massaghju, perfumi diversi…
Ma hè u sicretu di e piante chì face a ricchezza maiò di Corsica PAM.
Ph.P.
Corsica PAM
U salvaduraghju, 20117, Ocana
tel : 04-95-23-81-88
www.corsicapam.com
