U cinque di maghju, in fine, sacralizatu !
L’Assemblea Naziunale hà aduttatu, u tredeci di ferraghju scorsu, guasgi à l’unanimità, a pruposta di legge per sacralizà a data di u cinque di maghju. A fine d’una lotta di vintottu anni.
Ancu s’ellu ci vole à aspettà, avà, l’avisu di i Senatori, si pò parlà d’un duvere di memoria chì hà da esse ricunniscitu…
Ùn si pò parlà di vittoria, solu per u rispettu di tutti quelli chì sò cascati da a tribuna maladetta u cinque di maghju di u 1992 in Furiani. Ma a pruposta di legge aduttata da 85 deputati nantu à 86 (solu Anne-Christine Lang, deputata LREM avia vutatu contru) marca un sintimu di suddifazzione. Una logica, masimu cù u rapportu, aldilà di u cuntestu stessu, ch’è noi t’avemu, noi altri corsi, cù a morte. A fine di vintottu anni di lotta per tutti, famiglie di e vittime, vittime ferite, o quelli chì sò stati tocchi da luntanu da vicinu da stu drama. Un drama ch’ùn hè ancu cicatrizatu oghje. Dapoi anni è anni, hè entrutu nantu à u terrenu puliticu, purtatu, prima da u cullettivu di u 5 di maghju, dopu da l’eletti in fine, da i deputati…
U 13 di ferraghju, ghjornu storicu
Di fattu, a pruposta hè stata prisentata u cinque di ferraghju da Michele Castellani, u Deputatu naziunalistu à u nome di u gruppu « Libertés et territoires ». Una settimana dopu, i Deputati prisenti facenu a pruposta di legge : « In umaggiu à à e vittime di u drama naziunale di Furiani, alcunu macciu prufessiunale di Lega 1, Lega 2 o di cuppa di Francia serà ghjucatu un cinque di maghju ».
Una certa emuzione in Corsica. « Ringraziemu à tutti quelli chì ci anu sustenuti dapoi tanti anni, spieganu i respunsevuli di u cullettivu, pinsemu, in stu mumentu, à tutti quelli ch’ùn ci sò più, ch’anu suffertu o chì soffrenu sempre avà. » Un sintimu spertutu da i Deputati naziunalisti. « A fine d’un caminu di croce di vintottu anni, avanza Jean-Félix Acquaviva, nè a sucetà, nè u Statu, nè a ghjustizia anu rispostu. Oghje, ghjè a legge chì a face. »
Micca una vittoria. Solu, un umaggiu è un duvere di memoria necessariu. Per ùn scurdà ci mai più è tempu, ùn festighjà nantu à un terrenu di ballò, quellu ghjornu…
Ùn si pò parlà di vittoria, solu per u rispettu di tutti quelli chì sò cascati da a tribuna maladetta u cinque di maghju di u 1992 in Furiani. Ma a pruposta di legge aduttata da 85 deputati nantu à 86 (solu Anne-Christine Lang, deputata LREM avia vutatu contru) marca un sintimu di suddifazzione. Una logica, masimu cù u rapportu, aldilà di u cuntestu stessu, ch’è noi t’avemu, noi altri corsi, cù a morte. A fine di vintottu anni di lotta per tutti, famiglie di e vittime, vittime ferite, o quelli chì sò stati tocchi da luntanu da vicinu da stu drama. Un drama ch’ùn hè ancu cicatrizatu oghje. Dapoi anni è anni, hè entrutu nantu à u terrenu puliticu, purtatu, prima da u cullettivu di u 5 di maghju, dopu da l’eletti in fine, da i deputati…
U 13 di ferraghju, ghjornu storicu
Di fattu, a pruposta hè stata prisentata u cinque di ferraghju da Michele Castellani, u Deputatu naziunalistu à u nome di u gruppu « Libertés et territoires ». Una settimana dopu, i Deputati prisenti facenu a pruposta di legge : « In umaggiu à à e vittime di u drama naziunale di Furiani, alcunu macciu prufessiunale di Lega 1, Lega 2 o di cuppa di Francia serà ghjucatu un cinque di maghju ».
Una certa emuzione in Corsica. « Ringraziemu à tutti quelli chì ci anu sustenuti dapoi tanti anni, spieganu i respunsevuli di u cullettivu, pinsemu, in stu mumentu, à tutti quelli ch’ùn ci sò più, ch’anu suffertu o chì soffrenu sempre avà. » Un sintimu spertutu da i Deputati naziunalisti. « A fine d’un caminu di croce di vintottu anni, avanza Jean-Félix Acquaviva, nè a sucetà, nè u Statu, nè a ghjustizia anu rispostu. Oghje, ghjè a legge chì a face. »
Micca una vittoria. Solu, un umaggiu è un duvere di memoria necessariu. Per ùn scurdà ci mai più è tempu, ùn festighjà nantu à un terrenu di ballò, quellu ghjornu…
