Un associu per prumove e culture regiunale
Natu du ghjennaghju scoesu da qualchi studiente, u << CKR >> si dà u scopu di sviluppà e culture è lingue regiunale....
Un associu per prumove e culture regiunale
Natu di ghjennaghju scorsu da qualchì studiente, u « CKR » si dà u scopu di sviluppà e culture è lingue regiunale…
Creà un associu dedicatu à e lingue è culture regiunale, eccu u scopu d’unepochi di studienti scritti tutti in « Sciences po » in Parriggi. Frà elli, Antoine Parodin, monda cunnisciutu in u mezu di a cultura corsa. « Prima, spiega u studiente, ci eranu alzassiani chì vulianu aduniscesi per mette in piazza issa struttura, ma l’affare ùn avia pussutu tene. Di ghjennaghju scorsu, iss’iniziativa studientina hè stata ripigliata da un Brittoni cù d’altri studienti. Un Bastiacciu hè entrutu in cuntattu cun ellu. Ci semu impegnati è tuttu hè principiatu. »
« CKR » (Cercle des cultures régionales) cù una terminulugia brittona (K) hè in marchja è adunisce sette studiente ghjunti da parechje rughjoni di Francia : Corsica, Paese Bascu, Alzazzia, Uccitania... »Semu pertuti à sette, aghjusta Antoine Parodin, è strada facendu, a struttura hè cresciuta. Avemu urganzatu evenimenti chì mettenu in vale e lingue è culture regiunale. »
Un scopu doppiu
S’hè principiatu di sicuru, cù a Corsica è serate induve si cantava. È d’evenimenti in evenimenti, issu spaziu s’hè allargatu abbastanza. « U scopu hè doppiu. S’agisce d’un cantu, di prumove è difende e culture regiunale, è da l’altru fà azzione culturale festive... »
Fù l’occasione, per a struttura, d’urganizà una serata culturale induve s’hè pussutu scopre e tradizione corse è brittone, sopratuttu u ballu. Fora d’issu aspettu culturale è senza alcunu caratteru puliticu, l’associu cerca u sustegnu di persunalità impegnate à prò d’issa demarchja quì. Tandu, i studienti anu cuntattatu à eletti cum’è i Deputati Paul Molac è Michele Castellani o Carole Delga, presidente di u Rughjone d’Uccitania…
Per cuncretizà e so idee, l’associu cerca à arrimbà si nantu à punti chì ponu esse spertuti. « Iss’associu, hè una manera d’avè un’altra visione di a Francia. Una visione multiculturale. In « Sciences Po » parlemu assai di paese stranieri è guasi a metà di i studienti sò internaziunali. Avemu dunque vulsutu mustrà ciò ch’è noi semu è à tempu, scambià cun elli. Hè una visione di a Francia à modu ughjincu è micca una Francia una è sola. »
Difende e culture regiunale
L’aspettu puliticu di « Sciences Po » permette, ghjust’appuntu, di fà una leia impurtante trà issa nuzione è u sviluppu culturale è linguisticu chè l’associu vole sviluppà. « I pulitichi ch’è noi t’avemu scontru sò tutti stati felici d’iss’andatura quì. Speremu di riceve, dopu à l’alezzione, i deputati è i senatori corsi per discorre cun elli di manera più prufonda di a cultura corsa è di a so difesa à modu puliticu. A nostra demarchja lampa una visione assai pusitiva à tutti quelli chì s’impegnanu à prò di e culture regiunale. Isse culture esistenu è ci vole à prumovele è difendele. A diversità culturale face ricchezza. Issa demarchja trappassa largamentu l’aspettu puliticu in tantu chè partitu... »
Tene a so identità, spartela cù d’altre, eccu, à più o menu longu andà, u scopu di u CKR. Una struttura chì, di sicuru, hà da fà a so strada…
F.P.
Natu di ghjennaghju scorsu da qualchì studiente, u « CKR » si dà u scopu di sviluppà e culture è lingue regiunale…
Creà un associu dedicatu à e lingue è culture regiunale, eccu u scopu d’unepochi di studienti scritti tutti in « Sciences po » in Parriggi. Frà elli, Antoine Parodin, monda cunnisciutu in u mezu di a cultura corsa. « Prima, spiega u studiente, ci eranu alzassiani chì vulianu aduniscesi per mette in piazza issa struttura, ma l’affare ùn avia pussutu tene. Di ghjennaghju scorsu, iss’iniziativa studientina hè stata ripigliata da un Brittoni cù d’altri studienti. Un Bastiacciu hè entrutu in cuntattu cun ellu. Ci semu impegnati è tuttu hè principiatu. »
« CKR » (Cercle des cultures régionales) cù una terminulugia brittona (K) hè in marchja è adunisce sette studiente ghjunti da parechje rughjoni di Francia : Corsica, Paese Bascu, Alzazzia, Uccitania... »Semu pertuti à sette, aghjusta Antoine Parodin, è strada facendu, a struttura hè cresciuta. Avemu urganzatu evenimenti chì mettenu in vale e lingue è culture regiunale. »
Un scopu doppiu
S’hè principiatu di sicuru, cù a Corsica è serate induve si cantava. È d’evenimenti in evenimenti, issu spaziu s’hè allargatu abbastanza. « U scopu hè doppiu. S’agisce d’un cantu, di prumove è difende e culture regiunale, è da l’altru fà azzione culturale festive... »
Fù l’occasione, per a struttura, d’urganizà una serata culturale induve s’hè pussutu scopre e tradizione corse è brittone, sopratuttu u ballu. Fora d’issu aspettu culturale è senza alcunu caratteru puliticu, l’associu cerca u sustegnu di persunalità impegnate à prò d’issa demarchja quì. Tandu, i studienti anu cuntattatu à eletti cum’è i Deputati Paul Molac è Michele Castellani o Carole Delga, presidente di u Rughjone d’Uccitania…
Per cuncretizà e so idee, l’associu cerca à arrimbà si nantu à punti chì ponu esse spertuti. « Iss’associu, hè una manera d’avè un’altra visione di a Francia. Una visione multiculturale. In « Sciences Po » parlemu assai di paese stranieri è guasi a metà di i studienti sò internaziunali. Avemu dunque vulsutu mustrà ciò ch’è noi semu è à tempu, scambià cun elli. Hè una visione di a Francia à modu ughjincu è micca una Francia una è sola. »
Difende e culture regiunale
L’aspettu puliticu di « Sciences Po » permette, ghjust’appuntu, di fà una leia impurtante trà issa nuzione è u sviluppu culturale è linguisticu chè l’associu vole sviluppà. « I pulitichi ch’è noi t’avemu scontru sò tutti stati felici d’iss’andatura quì. Speremu di riceve, dopu à l’alezzione, i deputati è i senatori corsi per discorre cun elli di manera più prufonda di a cultura corsa è di a so difesa à modu puliticu. A nostra demarchja lampa una visione assai pusitiva à tutti quelli chì s’impegnanu à prò di e culture regiunale. Isse culture esistenu è ci vole à prumovele è difendele. A diversità culturale face ricchezza. Issa demarchja trappassa largamentu l’aspettu puliticu in tantu chè partitu... »
Tene a so identità, spartela cù d’altre, eccu, à più o menu longu andà, u scopu di u CKR. Una struttura chì, di sicuru, hà da fà a so strada…
F.P.
