Sapè Fa : Babbone rossu, u limò
Sébastien di franco è Virginie Geronimi pruponenu un limoncellu nustrale senza alcolu è d 'altre prudutti ù una basa di frutti di l'orti racolti ind'è i particulari.....
Babbone rossu, u limò
Stallati in Bastia, Sébastien di Franco è Virginie Geronimi pruponenu un limoncellu nustrale senza alcolu è d’altre prudutti ù una basa di frutti di l’orti racolti ind’è i particulari…
Racoglie frutti cascati da l’arburi ind’è i particulari è pochi utilizati per scambià li ind’un limoncellu nustrale senza alcolu ma cù un gustu tremende è di qualità maiò, eccu l’idea di Sébastien di Franco, ghjovanu bastiacciu quand’ellu decide, cinque anni fà, di creà « Babbone Rossu », un’impresa chì, dapoi, hà fattu a so strada.
Sébastien era, à l’iniziu muratore cù u so babbu. « Vulia fà altre affare, spiega u pruduttore, tandu aviu sceltu d’impegnà mi in u mondu di l’agricultura. » Sébastien principia cù l’idea di fà prudutti da per ellu è di vendeni nantu à u mercatu di Bastia. In u 2019, Virginie, a so cumpagna, infirmiera, aghjunghje a demarchja è porta d’altre idee. « Avia troppu prudutti, spiega a donna, eu vulia aiutà lu ma partia appena in tutti i sensi. Mi piacianu l’agrumi, l’idea fù di travaglià issi frutti circhendu una manera particulare è, di sicuru, sbuccà nantu à qualcosa di qualità. »
Sébastien travaglia dighjà i limò ch’eranu inde l’ortu di a so mamma. Tandu, Virginie cuncepisce l’idea d’un limoncellu senza alcolu. « Vediamu tutti l’anni frutti merzi chì si perdianu. È comu u so babbu facia u so limoncellu, avemu avutu l’idea di fà ne unu à modu nostru... »
Dapoi, Sébastien è Virginie partenu in Capi Corsu è sin’à a piaghje orientale per andà à circà limò in l’ortu di i particulari. « L’idea, era di fà qualcosa di novu, aghjusta Virginie, ma ci vulia à truvà un nome adattatu. Babbone rossu era u cugnome d’unu di i so antenati, per rendeli un umaggiu, avemu sceltu issu nome. »
Babbone rossu face a so strada in puchissili tempi. U limonellu hè, di sicuru, u pruduttu maiò di l’imprese, cù duie gamme, una fatta à partesi di frutti biò date da agricultori, è l’altre cù frutti racolti in l’ortu di a ghjente. Cusì, pudemu truvà u limonellu « limò », « limò menta », « limò fravula », « limò vaniglia » nuvità per questu annu.
« Tutti l’anni, circhemu à creà un savore novu...Forse limò curcumà da quì à pocu... » Accantu à què, u coppiu appronta una crema di limonellu 100 % vegetale chì si pò accuncià cù u casgiu, u brocciu o ind’una sosula. « Ùn semu pruduttori, privene Virginie, ma s’è noi aghjustemu tutte e nostre racolte, ci seria assai arburi è frutti... »
I frutti racolti sò purtati ind’u so attellu in Bastia – attellu apertu dui anni fà , una struttura di 40 m² cù e norme auropee induve si face a trasfurmazione è a messe in buttiglie. A leia cù pruduttori biò, (Jean-François Crestini per a fravula, Yann Carteret di solo bio per a menta o a brasseria Pietra per a Limoncella creata ultimamente) permette di prupone prudutti di qualità. E gamme sò state, d’altronde, pruposte u primu di maghju à l’occasione di l’Arte Gustu 2022 in Bunifaziu. Un bellu percorsu per u coppiu è prudutti da tastà.
Ph.P.
Babbone Rossu
BBR, Résidence Sainte-Catherine
Bassanese
20200 Bastia
Stallati in Bastia, Sébastien di Franco è Virginie Geronimi pruponenu un limoncellu nustrale senza alcolu è d’altre prudutti ù una basa di frutti di l’orti racolti ind’è i particulari…
Racoglie frutti cascati da l’arburi ind’è i particulari è pochi utilizati per scambià li ind’un limoncellu nustrale senza alcolu ma cù un gustu tremende è di qualità maiò, eccu l’idea di Sébastien di Franco, ghjovanu bastiacciu quand’ellu decide, cinque anni fà, di creà « Babbone Rossu », un’impresa chì, dapoi, hà fattu a so strada.
Sébastien era, à l’iniziu muratore cù u so babbu. « Vulia fà altre affare, spiega u pruduttore, tandu aviu sceltu d’impegnà mi in u mondu di l’agricultura. » Sébastien principia cù l’idea di fà prudutti da per ellu è di vendeni nantu à u mercatu di Bastia. In u 2019, Virginie, a so cumpagna, infirmiera, aghjunghje a demarchja è porta d’altre idee. « Avia troppu prudutti, spiega a donna, eu vulia aiutà lu ma partia appena in tutti i sensi. Mi piacianu l’agrumi, l’idea fù di travaglià issi frutti circhendu una manera particulare è, di sicuru, sbuccà nantu à qualcosa di qualità. »
Sébastien travaglia dighjà i limò ch’eranu inde l’ortu di a so mamma. Tandu, Virginie cuncepisce l’idea d’un limoncellu senza alcolu. « Vediamu tutti l’anni frutti merzi chì si perdianu. È comu u so babbu facia u so limoncellu, avemu avutu l’idea di fà ne unu à modu nostru... »
Dapoi, Sébastien è Virginie partenu in Capi Corsu è sin’à a piaghje orientale per andà à circà limò in l’ortu di i particulari. « L’idea, era di fà qualcosa di novu, aghjusta Virginie, ma ci vulia à truvà un nome adattatu. Babbone rossu era u cugnome d’unu di i so antenati, per rendeli un umaggiu, avemu sceltu issu nome. »
Babbone rossu face a so strada in puchissili tempi. U limonellu hè, di sicuru, u pruduttu maiò di l’imprese, cù duie gamme, una fatta à partesi di frutti biò date da agricultori, è l’altre cù frutti racolti in l’ortu di a ghjente. Cusì, pudemu truvà u limonellu « limò », « limò menta », « limò fravula », « limò vaniglia » nuvità per questu annu.
« Tutti l’anni, circhemu à creà un savore novu...Forse limò curcumà da quì à pocu... » Accantu à què, u coppiu appronta una crema di limonellu 100 % vegetale chì si pò accuncià cù u casgiu, u brocciu o ind’una sosula. « Ùn semu pruduttori, privene Virginie, ma s’è noi aghjustemu tutte e nostre racolte, ci seria assai arburi è frutti... »
I frutti racolti sò purtati ind’u so attellu in Bastia – attellu apertu dui anni fà , una struttura di 40 m² cù e norme auropee induve si face a trasfurmazione è a messe in buttiglie. A leia cù pruduttori biò, (Jean-François Crestini per a fravula, Yann Carteret di solo bio per a menta o a brasseria Pietra per a Limoncella creata ultimamente) permette di prupone prudutti di qualità. E gamme sò state, d’altronde, pruposte u primu di maghju à l’occasione di l’Arte Gustu 2022 in Bunifaziu. Un bellu percorsu per u coppiu è prudutti da tastà.
Ph.P.
Babbone Rossu
BBR, Résidence Sainte-Catherine
Bassanese
20200 Bastia
