Sapè Fa : L'arte anticu di Felice Torre
Purcaghju in Cutuli è Curtichjatu anni dapoi più di trenta anni è induve ellu th'à e so radiche, Felice Torre hà fattu d'issu mistieru a so passione è una scelta.
L’arte anticu di Felice Torre
Purcaghju in Cutuli è Curtichjatu anni dapoi più di trenta anni è induve ellu th’à e so radiche, Felice Torre hà fattu d’issu mistieru a so passione è una scelta. Quella di campà in paese…
U destinu hè certe volte capricciosu ch’ellu ci mette nantu à una strada ch’ùn era micca a bona à l’iniziu. Piumbaghju in Aiacciu. Felice Torre, decide, in l’a nnu novanta, di piantà tuttu è di stallà si in paese. Purcaghju ? Un’attività chì s’hè imposta per s’omu di ceppu cutulese. « I me parenti aviani i capri, spiega l’omu, ma a vita era dura in i tempi è ùn vuliani micca ch’è noi pigliessimi issu versu quì. Tandu, ci mandoni à a scola. Ma à mè, ùn mi garbava tantu...»
Eppuru, Felice avia fattu studii per sbuccà nantu à un CAP di piumbaghju è un mistieru chì li permettia di vince a so vita. Ma « a chjama » di a terra era troppu forte. « Avia a vulintà di ritruvà a nostra terra. Hè impurtanti perchè a terra ci dà sempri à magnà. »
U cutulese ripiglia a scola è si ne colla in Sartè per una furmazione teurica, « chì a pratica, a cunniscia, aghjusta quellu, i me vechji è ancu in i paesi, quali hè ch’ùn avia micca porchi ? Avia vistu, da zitellu, a ghjenti sciarcutà. Era qualcosa di naturali per mè. »
Dopu à un annu di furmazione, Felice Torre piglia un terrenu in u so paese è nasce a so splutazione à u principiu di l’anni 2000.
350 porchi nustrali
Allivà porchi, sciarcutà, trasfurmà, un arte anticu ch’ùn si pò amparà ind’una scola. Qualcosa chì si tene in core à sè, à rombu di fighjulà l’anziani. È un sapè fà chì si solca, à pocu à pocu à longu andà. Ma, à tempu, una leia abbastanza stretta cù u mondu paisanu. Hè u pocu di tuttu què ch’è noi ritruvemu, oghje, in a robba purcina di Felice Torre. Dapoi l’anni 2000, ci vole à dì ch’ellu n’hà fattu strada. Un principiu solu eppo un associu cù u so ghjennaru Robin Casalonga è a so figliola Cristiana dinò impegnata per una splutazione di 85 ettari induve campanu 350 porchi nustrali. Chè, aldilà di l’arte di sciarcutà, u purcaghju s’hè battutu per ottene a labellisazione di a so attività è difende a razza nustrale. Un arte chì permette, oghje, una ricunniscenza di u so travagliu. Tuttu, da u gustu, i culori, u cuntrastu trà grassu è carne, à l’affinata in cantina, passendu per u manghjà di i porchi « compii » i cinquanta ultimi ghjorni cù e castagne, custituisce i sicreti di fabricazione di Felice Torre.
In a so cantina, vi tocca à aspettà nanzu di pudè tastà certi prudutti : da 24 à 36 mesi per un prisuttu, 12 mesi per una coppa, sei mesi per un lonzu. Per ciò chì tocca à d’altri, a vuletta è a panzetta sò dinò rinumati. Altru sicretu, da quattru à sei anni per a vita d’un porcu. « Ne sciarcutemi à pocu pressu 150 à l’annu, aghjusta u purcaghju, u restu per l’anni à vena. » Oghje, Felice Torre hè assai rinumati per i so prudutti è a labellisazione di a razza. Ciò chì l’hà permessu d’ottene l’AOP. Un travagliu ricunnisciutu da i prufessiunali è masimu a squadra d’Arte è gustu chì l’hà invitatu à a manifestazione maiò di u primu di maghju scorsu in Bunifaziu. U purcaghju cuntinueghja, à mezu prudutti d’eccelenza, una strada sulcata in l’anni novanta. « Hè una vita dura postu ch’ùn avemu micca vacanzi è ùn cuntemi l’ori ma quiddi chì vò campà d’issu mistieru, campa... »
A robba di Felice si pò cumprà sopra piazza, in qualchì buttega specializata o tastà in certe usterie. Un mistieru è sopratuttu un sapè fà chì t’hà un avvene…
Ph.P.
Felice Torre robba purcina AOP
Cutuli è curtichjatu
tel : 04-25-64-82 o 06-11-50-61-47
Purcaghju in Cutuli è Curtichjatu anni dapoi più di trenta anni è induve ellu th’à e so radiche, Felice Torre hà fattu d’issu mistieru a so passione è una scelta. Quella di campà in paese…
U destinu hè certe volte capricciosu ch’ellu ci mette nantu à una strada ch’ùn era micca a bona à l’iniziu. Piumbaghju in Aiacciu. Felice Torre, decide, in l’a nnu novanta, di piantà tuttu è di stallà si in paese. Purcaghju ? Un’attività chì s’hè imposta per s’omu di ceppu cutulese. « I me parenti aviani i capri, spiega l’omu, ma a vita era dura in i tempi è ùn vuliani micca ch’è noi pigliessimi issu versu quì. Tandu, ci mandoni à a scola. Ma à mè, ùn mi garbava tantu...»
Eppuru, Felice avia fattu studii per sbuccà nantu à un CAP di piumbaghju è un mistieru chì li permettia di vince a so vita. Ma « a chjama » di a terra era troppu forte. « Avia a vulintà di ritruvà a nostra terra. Hè impurtanti perchè a terra ci dà sempri à magnà. »
U cutulese ripiglia a scola è si ne colla in Sartè per una furmazione teurica, « chì a pratica, a cunniscia, aghjusta quellu, i me vechji è ancu in i paesi, quali hè ch’ùn avia micca porchi ? Avia vistu, da zitellu, a ghjenti sciarcutà. Era qualcosa di naturali per mè. »
Dopu à un annu di furmazione, Felice Torre piglia un terrenu in u so paese è nasce a so splutazione à u principiu di l’anni 2000.
350 porchi nustrali
Allivà porchi, sciarcutà, trasfurmà, un arte anticu ch’ùn si pò amparà ind’una scola. Qualcosa chì si tene in core à sè, à rombu di fighjulà l’anziani. È un sapè fà chì si solca, à pocu à pocu à longu andà. Ma, à tempu, una leia abbastanza stretta cù u mondu paisanu. Hè u pocu di tuttu què ch’è noi ritruvemu, oghje, in a robba purcina di Felice Torre. Dapoi l’anni 2000, ci vole à dì ch’ellu n’hà fattu strada. Un principiu solu eppo un associu cù u so ghjennaru Robin Casalonga è a so figliola Cristiana dinò impegnata per una splutazione di 85 ettari induve campanu 350 porchi nustrali. Chè, aldilà di l’arte di sciarcutà, u purcaghju s’hè battutu per ottene a labellisazione di a so attività è difende a razza nustrale. Un arte chì permette, oghje, una ricunniscenza di u so travagliu. Tuttu, da u gustu, i culori, u cuntrastu trà grassu è carne, à l’affinata in cantina, passendu per u manghjà di i porchi « compii » i cinquanta ultimi ghjorni cù e castagne, custituisce i sicreti di fabricazione di Felice Torre.
In a so cantina, vi tocca à aspettà nanzu di pudè tastà certi prudutti : da 24 à 36 mesi per un prisuttu, 12 mesi per una coppa, sei mesi per un lonzu. Per ciò chì tocca à d’altri, a vuletta è a panzetta sò dinò rinumati. Altru sicretu, da quattru à sei anni per a vita d’un porcu. « Ne sciarcutemi à pocu pressu 150 à l’annu, aghjusta u purcaghju, u restu per l’anni à vena. » Oghje, Felice Torre hè assai rinumati per i so prudutti è a labellisazione di a razza. Ciò chì l’hà permessu d’ottene l’AOP. Un travagliu ricunnisciutu da i prufessiunali è masimu a squadra d’Arte è gustu chì l’hà invitatu à a manifestazione maiò di u primu di maghju scorsu in Bunifaziu. U purcaghju cuntinueghja, à mezu prudutti d’eccelenza, una strada sulcata in l’anni novanta. « Hè una vita dura postu ch’ùn avemu micca vacanzi è ùn cuntemi l’ori ma quiddi chì vò campà d’issu mistieru, campa... »
A robba di Felice si pò cumprà sopra piazza, in qualchì buttega specializata o tastà in certe usterie. Un mistieru è sopratuttu un sapè fà chì t’hà un avvene…
Ph.P.
Felice Torre robba purcina AOP
Cutuli è curtichjatu
tel : 04-25-64-82 o 06-11-50-61-47
