Dumenicu Federici dighjà in u futtogliu di presidente di l’Università
Una certa logica hè stata rispettata à l’occasione di u votu di u Cunsigliu d’Ammistrazione di l’Università a settimana scorsa in Corti.
In testa à u cullegiu di i Prufessori è di i Maestri di Cunferenze, Dumenicu Federici hè nantu à un futtogliu nanzu à l’elezzione à a Presidenza di l’Università u 10 di ferraghju…
Dopu à una participazione maiò-più di novanta per centu- a settimana scorsa à u Campus Mariani di l’Università di Corsica, induve si vutava per u Cunsigliu d’amministrazione, ùn ci hè statu, à dilla franca, surpresa. Di fattu, eranu trè à pratende à u futtogliu di Presidente, tutti prufessori d’Università : Dumenicu Federici, Marcu Muselli è Cristofanu Storaï. À a fine, ghjè u primu chì face guasgi tombula ! vintiduie voce è cinque piazze à u cullegiu di i Prufessori, centuquarantadui è quattru piazze per ciò chì tocca à u cullegiu di i Maestri di Cunferenze. U Prufessore d’infurmaticu si piglia dunque i dui cullegiu insignanti. Nantu à i trentadui posti, Federici n’hà dighjà, quattordeci contru nove per Muselli. Ne mancanu solu trè nantu l’ottu chì fermanu à vutà-persunalità di fora-. Si pò dì chè l’affare hè compia fora d’un « tsunamì » u dece di ferraghju induve ci serà u votu per u futuru Presidente di l’Università. Anziani vice presidenti, Dumenicu Federici è Marcu Muselli (scenze), facianu parte di a squadra di Paulu Maria Romani, chì finisce i so dui mandati-ùn hà micca u drittu d’esse elettu una terza volta-Ma s’è a so priferenza andava versu Muselli, hè Federici chì vince… U dece di ferraghju, u Cunsigliu d’amministrazione novu deciderà d’issa seguita è divaria dà una cunferma à stu votu. Un Presidente novu per una struttura chì s’apre di più in più cù imbusche maiò. È un’elezzione monda aspettata dapoi mesi è mesi…
Dopu à una participazione maiò-più di novanta per centu- a settimana scorsa à u Campus Mariani di l’Università di Corsica, induve si vutava per u Cunsigliu d’amministrazione, ùn ci hè statu, à dilla franca, surpresa. Di fattu, eranu trè à pratende à u futtogliu di Presidente, tutti prufessori d’Università : Dumenicu Federici, Marcu Muselli è Cristofanu Storaï. À a fine, ghjè u primu chì face guasgi tombula ! vintiduie voce è cinque piazze à u cullegiu di i Prufessori, centuquarantadui è quattru piazze per ciò chì tocca à u cullegiu di i Maestri di Cunferenze. U Prufessore d’infurmaticu si piglia dunque i dui cullegiu insignanti. Nantu à i trentadui posti, Federici n’hà dighjà, quattordeci contru nove per Muselli. Ne mancanu solu trè nantu l’ottu chì fermanu à vutà-persunalità di fora-. Si pò dì chè l’affare hè compia fora d’un « tsunamì » u dece di ferraghju induve ci serà u votu per u futuru Presidente di l’Università. Anziani vice presidenti, Dumenicu Federici è Marcu Muselli (scenze), facianu parte di a squadra di Paulu Maria Romani, chì finisce i so dui mandati-ùn hà micca u drittu d’esse elettu una terza volta-Ma s’è a so priferenza andava versu Muselli, hè Federici chì vince… U dece di ferraghju, u Cunsigliu d’amministrazione novu deciderà d’issa seguita è divaria dà una cunferma à stu votu. Un Presidente novu per una struttura chì s’apre di più in più cù imbusche maiò. È un’elezzione monda aspettata dapoi mesi è mesi…
