Sapè Fà : Stéphane Deguilhem
L'arte sculturale di Stéphane Deguilhem
l’arte sculturale di Stéphane Deguilhen
Stallatu in Livia induve elle hà e so radiche, iss’artistu hà fattu a scelta, à u principiu di l’anni duimila di piantà i so studii di scenza per piglià u versu di a scultura nantu à u legnu. Dapoi, hè rinumatu aldilà di e fruntiere di l’Isula…
U destinu pare cusì stranu quand’ellu vi face scambià a vostra andatura d’un colpu è ùn si sà mai perchè. Ci seria ancu, in issa tematica quì, una certa logica per tanti è tanti pruduttori, artisgiani è artisti d’una certa manera. Di ceppu rucchisgianu, Stéphane Deguilhem hè cresciutu, cum’è tanti corsi, in u bagnu di a natura. Issu rapportu intimu ch’è noi t’avemu cù l’elementi senza mai pudè spiegà lu. Un’altra dimensione, forse più spirituale.
Nascita d’un paradossu
Dopu à diploma ottenuti in scenze, issu prufessore di fisica è chimia face a scelta, à 31 anni (semu in l’anni duimila) di piantà l’insignamentu per cunsacrà si à a scultura. Ma micca n’importa quale esse. A scultura nantu à u legnu. « Tuttu hè pertutu d’un ceppu cacciatu d’un chjassu chè noi faciamu cù d’altri. Hè statu un annu sottu à una leccia ma quandu passaia davanti, mi paria di veda un capu di toru. Tandu, un ghjornu, l’aghju purtatu in casa è cumenciatu à travaddà à nantu. »
Senza sapè la, u scultore hè natu. Piglia a so spezzatrice, sculpisce a ceppa, aghjusta corne in legnu di noce è face a so prima creazione : un capu di toru cum’ellu l’avia cuncipitu in a so mente. Hè cusì ch’ellu passa da l’insignamentu à l’arte. Un duminiu induve ellu trova subbitu u so chjassu. Tamantu chjassu. Masimu chè l’artistu ùn avia mai fattu studii di scultura. Nè tecnica, nè influenze. Tuttu esce da a u so imaginariu. « Ci voli à creà una simetria ch’ùn ci n’hè ind’una radica, aghjusta l’artistu, è à tempu, mantena u so caratteru « salvaticu » chè a radica devi tena a so struttura propia. Hè sempri a ricerca di qualcosa d’equilibratu. Pò essa un paradossu d’accuncià i dui... »
Una ricunniscenza internaziunale
Arradicatu à a natura, hè quì chè u Rucchisgianu và à cercà e radiche di e so creazione. Cù un gustu particulare per l’animali : muvrini, altori, tori, cursini, cignali... Travaglia sempre cù a so spezzatrice, diventata u so arnese principale, aghjustendu tisori fini per finisce e so creazione. Cù u tempu, pò accade à l’artistu, di travaglià u bronzu, u metallu. Cumè per indettu una statula fatta in umaggiu à Claude Papi. Qualchì tempu fà, hè nata una scultura in ceppu di scopa, dedicata à u famosu Liò di Roccapina. Da u granitu à u legnu. « Issu scogliu hà sempri chjamatu u me imaginariu. Fà lu escia, cum’è tanti creazioni, ci hè una simbolica maiò. Issi creazioni sò un pocu di l’estru tramandatu da i nosci antenati... »
In vinti anni, ùn si contanu più e creazione di u scultore. Una logica, tandu, di vede a so nuturità francà e fruntiere di a Corsica. Da u « Grand Palais » (2009) à a Biennale di Montreux (Suizzera, 2021) passendu per mostre in Londres, Milanu o Parrighji, l’omu hà fattu a so strada. Una strada principiata 22 anni fà, chì cuntinueghja. Basta per l’artistu, à viaghjà in a machja corsa per fà nasce qualchì creazione nova…
Ph.P.
Stéphane Deguilhen, BD Jacques Nicolai, 20100 Sartè
http://stephanedeguilhen.com
tel : 06-18-95-32-26
Stallatu in Livia induve elle hà e so radiche, iss’artistu hà fattu a scelta, à u principiu di l’anni duimila di piantà i so studii di scenza per piglià u versu di a scultura nantu à u legnu. Dapoi, hè rinumatu aldilà di e fruntiere di l’Isula…
U destinu pare cusì stranu quand’ellu vi face scambià a vostra andatura d’un colpu è ùn si sà mai perchè. Ci seria ancu, in issa tematica quì, una certa logica per tanti è tanti pruduttori, artisgiani è artisti d’una certa manera. Di ceppu rucchisgianu, Stéphane Deguilhem hè cresciutu, cum’è tanti corsi, in u bagnu di a natura. Issu rapportu intimu ch’è noi t’avemu cù l’elementi senza mai pudè spiegà lu. Un’altra dimensione, forse più spirituale.
Nascita d’un paradossu
Dopu à diploma ottenuti in scenze, issu prufessore di fisica è chimia face a scelta, à 31 anni (semu in l’anni duimila) di piantà l’insignamentu per cunsacrà si à a scultura. Ma micca n’importa quale esse. A scultura nantu à u legnu. « Tuttu hè pertutu d’un ceppu cacciatu d’un chjassu chè noi faciamu cù d’altri. Hè statu un annu sottu à una leccia ma quandu passaia davanti, mi paria di veda un capu di toru. Tandu, un ghjornu, l’aghju purtatu in casa è cumenciatu à travaddà à nantu. »
Senza sapè la, u scultore hè natu. Piglia a so spezzatrice, sculpisce a ceppa, aghjusta corne in legnu di noce è face a so prima creazione : un capu di toru cum’ellu l’avia cuncipitu in a so mente. Hè cusì ch’ellu passa da l’insignamentu à l’arte. Un duminiu induve ellu trova subbitu u so chjassu. Tamantu chjassu. Masimu chè l’artistu ùn avia mai fattu studii di scultura. Nè tecnica, nè influenze. Tuttu esce da a u so imaginariu. « Ci voli à creà una simetria ch’ùn ci n’hè ind’una radica, aghjusta l’artistu, è à tempu, mantena u so caratteru « salvaticu » chè a radica devi tena a so struttura propia. Hè sempri a ricerca di qualcosa d’equilibratu. Pò essa un paradossu d’accuncià i dui... »
Una ricunniscenza internaziunale
Arradicatu à a natura, hè quì chè u Rucchisgianu và à cercà e radiche di e so creazione. Cù un gustu particulare per l’animali : muvrini, altori, tori, cursini, cignali... Travaglia sempre cù a so spezzatrice, diventata u so arnese principale, aghjustendu tisori fini per finisce e so creazione. Cù u tempu, pò accade à l’artistu, di travaglià u bronzu, u metallu. Cumè per indettu una statula fatta in umaggiu à Claude Papi. Qualchì tempu fà, hè nata una scultura in ceppu di scopa, dedicata à u famosu Liò di Roccapina. Da u granitu à u legnu. « Issu scogliu hà sempri chjamatu u me imaginariu. Fà lu escia, cum’è tanti creazioni, ci hè una simbolica maiò. Issi creazioni sò un pocu di l’estru tramandatu da i nosci antenati... »
In vinti anni, ùn si contanu più e creazione di u scultore. Una logica, tandu, di vede a so nuturità francà e fruntiere di a Corsica. Da u « Grand Palais » (2009) à a Biennale di Montreux (Suizzera, 2021) passendu per mostre in Londres, Milanu o Parrighji, l’omu hà fattu a so strada. Una strada principiata 22 anni fà, chì cuntinueghja. Basta per l’artistu, à viaghjà in a machja corsa per fà nasce qualchì creazione nova…
Ph.P.
Stéphane Deguilhen, BD Jacques Nicolai, 20100 Sartè
http://stephanedeguilhen.com
tel : 06-18-95-32-26
