30a Fiera di u turisimu campagnolu

30a fiera di u turisimu campagnolu : prumove è sviluppà a ruralità


A squadra di a fiera di u turisimu campagnolu urganizeghja, durante tutta a dumenicata, a trentesima edizione d’una di e fiere e più sputiche di l’isula. Cù l’imbusca maiò di sulcà una traccia ver di u sviluppu di u mondu paisanu.


Dapoi trenta anni, l’urganizatori di a fiera di u turisimu campagnonu s’impegnanu nantu à u sviluppu di u mondu rurale. S’è a maiò parte di e fiere di l’isula sò arrimbate nantu à una tematica o piuttostu un pruduttu, issa fiera, ella, hè sulcata nantu à un’idea precisa. Quella di l’avvene di u mondu campagnolu. Ciò chì li dà, ci vole à ricunnosce, un’andatura particulare. Ancu s’ellu mn hè micca un attore « direttu » d’issa manifestazione, Paulu Ghjaseppu Caitoculu, merre d’Arghjusta è Murricciu porta a so petra à iss’edifiziu quì. Niente chè per impegnà si à prò d’una reflessione glubale nantu à u sviluppu di u mondu rurale. Cù, ogni volta, a participazione d’altri attori di u Mediterraneu.

« I temathichi d’un turisilu liatu à l’agricultura custituiscia a maiò parti di a noscia andatura, spiega Rose Marie Cesari, presidente di a fiera, ci sò stati avanzati tamanti dapoi anni è anni. A prima strada di i sensi, u lanciamentu d’una rete aurupea cù a participazioni d’altri paesi è rughjoni di u circondu (Sardegna, Tuscana, Catalugna, Alzazzia…). Cù issa 30a edizioni, vulemi andà ancu più luntanu... »


Sulcà l’avvene

Cusì, è per sulcà ghjustappuntu l’evenimentu, a squadra di a fiera hà vulsutu sparghje e so idee aldilà di l’isula. Tandu, un seminariu nantu à a necessità di lià agricultura, turisimu cù e tematiche di u « pesca turisimu » è di « agri turisimu » hà da custituisce l’essenziale di a ghjurnata di issu cinque d’aostu. U tuttu arrimbatu nantu à a esempii d’altri paesi è rughjoni di Francia è altrò.

« A manifestazioni hè privista duranti trè ghjorni, aghjusta a presidente, cù l’apertura à u publicu u cinqui cù a prisenza di ghjenti di territorii di Mediterraneu è d’Auropa : Sardegna, Tuscana, Liguria, Alsazzia, Paesi Bascu, Uccitania... »

I savori di u Tarraniu è d’Auropa è a strada di i vini seranu i spechji di scambii, un’urganisazione fatta à tempu cù l’ATC induve nove territorii sera prisente. Cum’è, dinò, un attellu di u CAUE dedicatu à l’aspettu patrimuniale.

Per u restu, attori culturali, turistichi, artisgianali è patrimuniali anu da cercà à prumove u sapè fà isulanu à traversu animazione diverse. Ma l’imbusca maiò, chì hè d’altronde l’andatura d’issa fiera, è di sulcà un chjassu per mette in vale u mondu rurale.

Ph.P.

Prugrama

Vennari u 5 d’aostu
Scuperta di e strade di i vini è di i sapori d’Auropa
Sardegna, Tuscana, Liguria, Alsazzia, Paese Bascu
17.00 : accogliu di l’artisgiani
19.00 : Apertura di a notte
20.00 : Resturazione (carne arrustita à u focu)
20.30 : cuncertu : scola di cantu
22.00 : canti corsi cù u gruppu Tramuntana


Sabbatu u 6 d’aostu
8.30 : apertura di a fiera
10.00 : attellu di cucina di i territorii di u Mediterraniu. Umaggiu à Guidu Bartoli, fundatore di cucina corsa
11.00 : inaugurazione cù l’ufficiali
12.00 : resturazione
20.00 : cena (vitellu arrustitu)
20.30 : cuncerti cù i gruppi Eternu è Altagna
23.00 : ballu cù DJ


Dumenica u 7 d’aostu
9.00 : apertura
10.00 : attellu di cucina di i territorii di u Mediterraniu.
12.00 : vitellu arrustitu à u broccu
17.00 : mostra è scultura à a spizzatrice cù Stefanu Deguilhen
20.00 : cena-cuncertu (gruppu Illusione)
21.30 : cuncertu ; Ghjuvan Carlu Papi