Sapè Fa : I ghjuvelli atipichi di Marjorie Maestracci
Stallata dapoi trè anni à l’entrata di a citadella di Calvi, Marjorie Maestracci hà fattu a scelta di piantà attività diverse per cuncepisce ghjuvelli particulari fatti à partesi di materiale riciculatu…
Maesbijoux : I ghjuvelli atipichi di Marjorie Maestracci
Stallata dapoi trè anni à l’entrata di a citadella di Calvi, Marjorie Maestracci hà fattu a scelta di piantà attività diverse per cuncepisce ghjuvelli particulari fatti à partesi di materiale riciculatu…
Di ceppu calvese, Marjorie Maestracci hè stata allevata cù a so famiglia in u meziornu di a Francia (Cap Breton). Quallà, in u rughjone di i Landes, facia cum’è tanti corsi chì campanu fora di l’isula, vale à dì vultà in paese durante l’estatina. « Aghju fattu i mo studii in Cuntinente, spiega quella chì hè, oghje, artisgiana, per sbuccà nantu à un CAP in ebenisteria è adurnamentu in legnu da 17 à 21 anni ottenutu in Pau. Era sempre un incantu di vultà tutti l’anni in vacanze in Calvi, ci permettia di mantene un certu cuntattu cù l’anziani è una vita più rurale, ancu s’è Calvi hè una cità monda più impurtante chè i paesi di muntagna. Ci era un rapportu particulare. »
Ma l’ebenisteria ùn piace tantu à Marjorie chì scambia una prima volta d’attività per passà i massaghji in Dax è a talassoterapia in Arcachon. « Di fattu, aghjusta Marjorie, ci era pocu travagliu in iss’attività quì, i massaghji parianu megliu ma, à dilla franca, a mi pensava dinò di piantà quessa attività ch’ùn mi currispundia micca. »
Da i Landes à Calvi
Senza sapè, da veru, ciò ch’ella vole fà, a Calvese face a scelta, in u 2015, di rientre in Corsica. È si mette in capu di travaglià intornu à u mistieru d’artisgianu. Quì, u destinu face a so opera. Un ghjornu di mercatu di Natale, in Calvi, Marjorie scontra un amicu, cultellaghju è creatore di ghjuvelli. « Ghjè ellu, martellendu nantu à furcine in farru, chì fece picculi ghjuvelli. Eu vidiu subbitu u sviluppu di a mo attività. »
Semu in u 2017, dui anni dapoi a so partenza da u Cuntinente. Marjorie si stalla in Lumiu è cumencia à fà i so primi ghjuvelli : pindini, bracialetti, vinculi. Ma sempre cù una particularità maiò/ Si ne và à cercà tubi di piumbaghji, pezzi di ramu è sopratttu argenteria di qualità: cuchjare è furcine di e notre minnane. « Hè issu pruduttu quì chì marchja u più, cù i denti d’una furcina, possu fà parechji ghjuvelli : vinculi, annelli, è ancu pindini... »
Cusì, è dopu à un principiu d’attività in Lumiu, l’artisgiana decide di stallà si in Calvi, à u pede di a citadella. « Era più interessante, aghjusta Marjorie, ma u prublema maiò fù a crisa sanitaria. Eramu in u 2020 à mese di marzu. Hè quì ch’eu mi so stallata in Calvi. Ma ci hè vulsutu à aspettà appena per lancià a mo attività. »
Argenteria di qualità
Dapoi issa perioda quì, a Calvese, chì travaglia sola, pruduce i so ghjuvelli da ferraghju à dicembre. È face, guasgi à listessu tempu, a vendita cù trè altri artisgiani nantu à a una struttura chjamata a Strada di l’artisgiani è posta à u pede di a citadella. « Ci hè assai mondu durante tuttu l’annu. Di più, sicura, d’estatina.ùn ci lagnemu micca. Si travaglia assai ma si pò campà d’issu bellu mistieru. A ghjente ponu cumprà sopra piazza o andà à cumandà nantu à a mo pagina Facebook. Un situ serà prontu da quì à settembre.»
Per realizà e so creazione, è masimu quella fatte cù l’argenteria, Marjorie chjama a ghjente chì si ne vole sbarazzà. Una manera di dà una seconda vita à tutti iss’ugetti.
Ph.P.
Marjorie Maestracci
Maesbijoux
entrata di aCitadella
20260 Calvi
Tel : 06-13-79-29-36
pagina Facebook Maesbijoux
mail : [email protected]
Stallata dapoi trè anni à l’entrata di a citadella di Calvi, Marjorie Maestracci hà fattu a scelta di piantà attività diverse per cuncepisce ghjuvelli particulari fatti à partesi di materiale riciculatu…
Di ceppu calvese, Marjorie Maestracci hè stata allevata cù a so famiglia in u meziornu di a Francia (Cap Breton). Quallà, in u rughjone di i Landes, facia cum’è tanti corsi chì campanu fora di l’isula, vale à dì vultà in paese durante l’estatina. « Aghju fattu i mo studii in Cuntinente, spiega quella chì hè, oghje, artisgiana, per sbuccà nantu à un CAP in ebenisteria è adurnamentu in legnu da 17 à 21 anni ottenutu in Pau. Era sempre un incantu di vultà tutti l’anni in vacanze in Calvi, ci permettia di mantene un certu cuntattu cù l’anziani è una vita più rurale, ancu s’è Calvi hè una cità monda più impurtante chè i paesi di muntagna. Ci era un rapportu particulare. »
Ma l’ebenisteria ùn piace tantu à Marjorie chì scambia una prima volta d’attività per passà i massaghji in Dax è a talassoterapia in Arcachon. « Di fattu, aghjusta Marjorie, ci era pocu travagliu in iss’attività quì, i massaghji parianu megliu ma, à dilla franca, a mi pensava dinò di piantà quessa attività ch’ùn mi currispundia micca. »
Da i Landes à Calvi
Senza sapè, da veru, ciò ch’ella vole fà, a Calvese face a scelta, in u 2015, di rientre in Corsica. È si mette in capu di travaglià intornu à u mistieru d’artisgianu. Quì, u destinu face a so opera. Un ghjornu di mercatu di Natale, in Calvi, Marjorie scontra un amicu, cultellaghju è creatore di ghjuvelli. « Ghjè ellu, martellendu nantu à furcine in farru, chì fece picculi ghjuvelli. Eu vidiu subbitu u sviluppu di a mo attività. »
Semu in u 2017, dui anni dapoi a so partenza da u Cuntinente. Marjorie si stalla in Lumiu è cumencia à fà i so primi ghjuvelli : pindini, bracialetti, vinculi. Ma sempre cù una particularità maiò/ Si ne và à cercà tubi di piumbaghji, pezzi di ramu è sopratttu argenteria di qualità: cuchjare è furcine di e notre minnane. « Hè issu pruduttu quì chì marchja u più, cù i denti d’una furcina, possu fà parechji ghjuvelli : vinculi, annelli, è ancu pindini... »
Cusì, è dopu à un principiu d’attività in Lumiu, l’artisgiana decide di stallà si in Calvi, à u pede di a citadella. « Era più interessante, aghjusta Marjorie, ma u prublema maiò fù a crisa sanitaria. Eramu in u 2020 à mese di marzu. Hè quì ch’eu mi so stallata in Calvi. Ma ci hè vulsutu à aspettà appena per lancià a mo attività. »
Argenteria di qualità
Dapoi issa perioda quì, a Calvese, chì travaglia sola, pruduce i so ghjuvelli da ferraghju à dicembre. È face, guasgi à listessu tempu, a vendita cù trè altri artisgiani nantu à a una struttura chjamata a Strada di l’artisgiani è posta à u pede di a citadella. « Ci hè assai mondu durante tuttu l’annu. Di più, sicura, d’estatina.ùn ci lagnemu micca. Si travaglia assai ma si pò campà d’issu bellu mistieru. A ghjente ponu cumprà sopra piazza o andà à cumandà nantu à a mo pagina Facebook. Un situ serà prontu da quì à settembre.»
Per realizà e so creazione, è masimu quella fatte cù l’argenteria, Marjorie chjama a ghjente chì si ne vole sbarazzà. Una manera di dà una seconda vita à tutti iss’ugetti.
Ph.P.
Marjorie Maestracci
Maesbijoux
entrata di aCitadella
20260 Calvi
Tel : 06-13-79-29-36
pagina Facebook Maesbijoux
mail : [email protected]
