Sapè Fa : << Les délices de Juliette >>
<< Les délices de Juliette >>, tutti i savori di e fritelle curtinese
Sapè fà : « Les délices de Juliette », tutti i savori di e frittelle curtinese
Stallata in Lozari dapoi quatru anni cù a so famiglia, Stéphanie Sarocchi hà fattu a scelta di travaglià intornu à unu di i prudutti maiò : e frittelle, ch’ella acconcia à tutte e sosule. Un idea, quella di ripiglià l’arte di a so mamma…
Quale hè, in Corsica, ch’ùn hà mai tastatu e frittelle ? Da Cismonte à Pumonte, issu pruduttu hè assai piacevule. Per ciò chì tocca à u so sapè fà, hè altru affare. Ognunu a so sosula è nimu ùn la vole sparte fora di i soi. Stéphanie Sarocchi hà fattu a scelta, in u 2010, di piantà a so attività di funziunaria per ripiglià u filu di a so mamma Francine, sparita. « Hè ella chì m’hà amparatu tuttu, spiega l’artisgiana,
à menu di dece anni, eru sempre cù e mo surelle è fratellu, in campu di fiera in Bucugnà,a Santa ecc...à taglià u brocciu, vende, incascià...Sdi pò dì chè ci hè statu una cuntinuità. »
Prudutti di staghjone
Hè dunque à l’età di 34 anni, chè Stéphanie ripiglia a fiara tramandata da a so mamma. Ma un’attività ch’ella cunniscia dighjà. À pocu à pocu, a dona face a so strada. Principia di sicura, cù e famose frittelle cù u brocciu frescu o passu. Fritelle salite o inzuccherate. Ma prupone, arrimbata nantu à un usu di a so mamma Francine, d’altri prudutti nustrali : torte à a civolla, arbette, nepita, fiadoni, falculelli, migliacci…
Hè cusì, masimu ch’ella era cunnisciuta cù u nome di a so mamma (Francine), chè Stéphanie si face cunnosce nantu à tutti i campi di fiera isulane. Eppo, scontra à Franck Sarocchi, chì diventerà u so spusata è adatta a so attività. «Quattru anni fà, ci semu stallati in Corbara è aghju apertu un attellu è una buttegha in Lozari, ripiglia Stéphanie, strada facendu, mi sì adattata. Masimu ch’è noi semu stati custretti di scambià appena cù a crisa sanitaria, chè durante dui anni, fiere, ci n’era pocu è micca. Tantu avemu travagliatu cù e panaterie, centri cumerciale, butteghe diverse per mantene un’attività in periculu. »
Un’attività diversa
Frà tempu, l’artisgiana di ceppu curtinese participeghja dapoi u principiu à u « Paese Corsu di a fiera internaziunale di Marseglia, u salonu di a gastrunumia...Hè andata ancu in Milanu l’annu scorsu. Un inseme chì li dà, oghje, una certa nuturietà per via di a qualità di prudutti ch’ella prupone. Cù u gustu particulare cù a tradizione.
« Mi sò adattata è aghju cercatu sempre ad avè prudutti diversi. Cusì ci sò e frittelle à a mela, banana, cicculata è ancu saliti à u figatellu (d’inguernu), i lumachi. Secondu à a stagione, truvemu dinò i caccavelli, campanili, per pasqua, u pane di i morti per i Santi. A ghjente, li piace assai à mantene e tradizione. »
Membre di l’associu « A strada di l’artisgiani », Stéphanie face menu fiere oghje per via di a nascita di Juliette a so figliola (11 anni). « Ne facciu quantunque unepoche, e più impurtante. Per u restu, aghju un’attività assai diversi è possu travaglià, à spessu, ind’è mè sopra piazza. Mi permette di mantene una vita famigliale è d’accuncià la cù u me travagliu. Possu fà, dinò qualchì battesimu o matrimoniu... »
Tramandà u so sapè fà à Juliette, eccu, oghje, l’imbusca maiò di a Curtinese. « Vene à aitutà ci di tantu in tantu.. Per l’avenne, videremu. Prima, i studii. »
Una manera, quantunque, di fà chè u filu sulcatu tanti anni fà da a so mamma sia sempre prisente. È per a ghjente, l’occasione di vene à tastà issi prudutti assai piacevuli.
Ph.P.
Les délices de Juliette
Zone Stazzola, Lozari
20226, Belgudè
https://chez-francine-patisser... : [email protected]
tel : 06-50-54-84-24
Stallata in Lozari dapoi quatru anni cù a so famiglia, Stéphanie Sarocchi hà fattu a scelta di travaglià intornu à unu di i prudutti maiò : e frittelle, ch’ella acconcia à tutte e sosule. Un idea, quella di ripiglià l’arte di a so mamma…
Quale hè, in Corsica, ch’ùn hà mai tastatu e frittelle ? Da Cismonte à Pumonte, issu pruduttu hè assai piacevule. Per ciò chì tocca à u so sapè fà, hè altru affare. Ognunu a so sosula è nimu ùn la vole sparte fora di i soi. Stéphanie Sarocchi hà fattu a scelta, in u 2010, di piantà a so attività di funziunaria per ripiglià u filu di a so mamma Francine, sparita. « Hè ella chì m’hà amparatu tuttu, spiega l’artisgiana,
à menu di dece anni, eru sempre cù e mo surelle è fratellu, in campu di fiera in Bucugnà,a Santa ecc...à taglià u brocciu, vende, incascià...Sdi pò dì chè ci hè statu una cuntinuità. »
Prudutti di staghjone
Hè dunque à l’età di 34 anni, chè Stéphanie ripiglia a fiara tramandata da a so mamma. Ma un’attività ch’ella cunniscia dighjà. À pocu à pocu, a dona face a so strada. Principia di sicura, cù e famose frittelle cù u brocciu frescu o passu. Fritelle salite o inzuccherate. Ma prupone, arrimbata nantu à un usu di a so mamma Francine, d’altri prudutti nustrali : torte à a civolla, arbette, nepita, fiadoni, falculelli, migliacci…
Hè cusì, masimu ch’ella era cunnisciuta cù u nome di a so mamma (Francine), chè Stéphanie si face cunnosce nantu à tutti i campi di fiera isulane. Eppo, scontra à Franck Sarocchi, chì diventerà u so spusata è adatta a so attività. «Quattru anni fà, ci semu stallati in Corbara è aghju apertu un attellu è una buttegha in Lozari, ripiglia Stéphanie, strada facendu, mi sì adattata. Masimu ch’è noi semu stati custretti di scambià appena cù a crisa sanitaria, chè durante dui anni, fiere, ci n’era pocu è micca. Tantu avemu travagliatu cù e panaterie, centri cumerciale, butteghe diverse per mantene un’attività in periculu. »
Un’attività diversa
Frà tempu, l’artisgiana di ceppu curtinese participeghja dapoi u principiu à u « Paese Corsu di a fiera internaziunale di Marseglia, u salonu di a gastrunumia...Hè andata ancu in Milanu l’annu scorsu. Un inseme chì li dà, oghje, una certa nuturietà per via di a qualità di prudutti ch’ella prupone. Cù u gustu particulare cù a tradizione.
« Mi sò adattata è aghju cercatu sempre ad avè prudutti diversi. Cusì ci sò e frittelle à a mela, banana, cicculata è ancu saliti à u figatellu (d’inguernu), i lumachi. Secondu à a stagione, truvemu dinò i caccavelli, campanili, per pasqua, u pane di i morti per i Santi. A ghjente, li piace assai à mantene e tradizione. »
Membre di l’associu « A strada di l’artisgiani », Stéphanie face menu fiere oghje per via di a nascita di Juliette a so figliola (11 anni). « Ne facciu quantunque unepoche, e più impurtante. Per u restu, aghju un’attività assai diversi è possu travaglià, à spessu, ind’è mè sopra piazza. Mi permette di mantene una vita famigliale è d’accuncià la cù u me travagliu. Possu fà, dinò qualchì battesimu o matrimoniu... »
Tramandà u so sapè fà à Juliette, eccu, oghje, l’imbusca maiò di a Curtinese. « Vene à aitutà ci di tantu in tantu.. Per l’avenne, videremu. Prima, i studii. »
Una manera, quantunque, di fà chè u filu sulcatu tanti anni fà da a so mamma sia sempre prisente. È per a ghjente, l’occasione di vene à tastà issi prudutti assai piacevuli.
Ph.P.
Les délices de Juliette
Zone Stazzola, Lozari
20226, Belgudè
https://chez-francine-patisser... : [email protected]
tel : 06-50-54-84-24
