Sapè Fà : Patrick Crudo, l'alchimia di u sonu
L'alchimia di u sonu
Patrick Crudo : l’alchimia di u sonu
Passiunatu dapoi a so zitellina di tuttu ciò chì tocca à u sonu, Patrick Crudo cuncepisce dapoi una decina d’anni in u so attellu di Ville di Petrabugnu, altuparlanti acustichi di qualità maiò ch’ellu face da e so mani cù materie nobile. Cerchendu sempre u sonu u più sputicu…
D’una certa manera, Patrick Crudo saria u nostru « Mac Gyver » ! Vale à dì ch’ellu hè capace, in u so duminiu-u sonu-, di fà un travaglione. U sonu... Una ricerca principiata à...ondeci anni per un omu chì hà, quantunque, seguitatu una furmazione d’assistante ingeniore. « Zitellu, s’arricorda issu Bastiacciu chì, da u cantu di u so babbu, t’hà radiche taliane, ascultava musiche in a so vittura. Ma ùn eranu musiche ch’aspettava, musiche corse o taliane anziane per indettu. Ci era i Stones, Deep Purple, Led Zeppelin, tanti soni chì mi parianu particulari è chì mi « parlavanu »
2014 : creazione di MVA
Appena più tardi, è ùn si sà perchè, Patrick hè cusciente ch’esiste un altru sonu è u vole circà. Tandu, hà tredeci anni quand’ellu scambia tuttu in a vittura di u so babbu. « Avia scambiatu i fili è accunciatu l’altuparlanti di davanti è di daretu per dà un altru sonu, stereo ma doppiu è cruciatu ch’eu vulia un sonu diferente di quelli di e vitture di l’amichi di babbu. »
Cusì, Patrick cuntinueghja à fà a so strada, chjappendusi un pocu più tardi, un BEP, Basciliè per sbuccà nantu à un BTS assistante ingeniore in mecaniche. Una furmazione chì, l’avemu da vede, l’hà da aiutà in a seguita di u so percorsu « Era scrittu in licenza in Corti, aghjusta u Bastiacciu, ùn ci era mezu di pudè cuntinuà chì a vita era dura in casa. Tandu, in u 1987, aghju fattu una furmazione per esse geometre. Ma l’idea di trasfurmà u sonu, a tenia sempre in capu. »
In u 2004, u prughjettu di creà, ghjust’appuntu altuparlanti di qualità maiò per avè un sonu ottimale, hè in mente. « Ma ùn lu pudia mette in piazza. Mancavanu troppu cose eppo u travagliu è a mo vita, mi pigliavanu tuttu u mo tempu. »
Dece anni dopu, in u 2014, Patrick Crudo riesce quantunque à cuncretizà e so idee è dà nascita à Mac Voice, una impresa di fabricazione d’altuparlanti di a più grande qualità. « Mac, hè un’uchjata à a mo figliola, e trè prime lettare sò di nome è casata : Marie Aimé Crudo. »
U destinu di l’impresa hè in marchja. « Sò andatu à sente soni da per tuttu, per vede di chè manera pudia cuncepisce u mo travagliu. »
Arrimbatu nantu à u so percorsu d’ingeniore, l’omu riesce à creà i so primi altuparlanti. Sceglie legni cum’è u teck o a leccia, finizione in coghju è principia a so attività. « Sette anni di studii è di travagliu sò stati necessarii per pudè mette tuttu in piazza. »
In a so gamma, Patrick prupone cinque mudelli diferenti. Ogni struttura t’hà un diametru particulare per dà una qualità di sonu maiò. L’altiparlanti ponu esse d’una altezza da 1,20 m à 1,50 m è un pesu di 75 à 160 chilò. Dopu à dece anni, u travagliu di l’artisgianu, cumencia à dà i so frutti. « Hè un pruduttu di qualità maiò ancu s’è u prezzu ùn si pò paragunà cù ciò chì si face altrò (da 8000 à 20000 e, mentre ch’altrò, ùn ci hè limite…), a maiò parte, sò ghjente à a retirata. »
U Bastiacciu face, à pocu à pocu a so strada. Puderà forse sbuccà nantu d’altre perpettive cù u sustegnu di a camera di i mistieri di u Cismonte chì appronta un librettu dedicatu à iss’artisgianu.
Ph.P.
Patrick Crudo, Ville di Pietrabugnu, 20200 Bastia
Cuntattu : 06-41-18-72-31
situ : www.macvoiceaudio.com
mail : [email protected]
Passiunatu dapoi a so zitellina di tuttu ciò chì tocca à u sonu, Patrick Crudo cuncepisce dapoi una decina d’anni in u so attellu di Ville di Petrabugnu, altuparlanti acustichi di qualità maiò ch’ellu face da e so mani cù materie nobile. Cerchendu sempre u sonu u più sputicu…
D’una certa manera, Patrick Crudo saria u nostru « Mac Gyver » ! Vale à dì ch’ellu hè capace, in u so duminiu-u sonu-, di fà un travaglione. U sonu... Una ricerca principiata à...ondeci anni per un omu chì hà, quantunque, seguitatu una furmazione d’assistante ingeniore. « Zitellu, s’arricorda issu Bastiacciu chì, da u cantu di u so babbu, t’hà radiche taliane, ascultava musiche in a so vittura. Ma ùn eranu musiche ch’aspettava, musiche corse o taliane anziane per indettu. Ci era i Stones, Deep Purple, Led Zeppelin, tanti soni chì mi parianu particulari è chì mi « parlavanu »
2014 : creazione di MVA
Appena più tardi, è ùn si sà perchè, Patrick hè cusciente ch’esiste un altru sonu è u vole circà. Tandu, hà tredeci anni quand’ellu scambia tuttu in a vittura di u so babbu. « Avia scambiatu i fili è accunciatu l’altuparlanti di davanti è di daretu per dà un altru sonu, stereo ma doppiu è cruciatu ch’eu vulia un sonu diferente di quelli di e vitture di l’amichi di babbu. »
Cusì, Patrick cuntinueghja à fà a so strada, chjappendusi un pocu più tardi, un BEP, Basciliè per sbuccà nantu à un BTS assistante ingeniore in mecaniche. Una furmazione chì, l’avemu da vede, l’hà da aiutà in a seguita di u so percorsu « Era scrittu in licenza in Corti, aghjusta u Bastiacciu, ùn ci era mezu di pudè cuntinuà chì a vita era dura in casa. Tandu, in u 1987, aghju fattu una furmazione per esse geometre. Ma l’idea di trasfurmà u sonu, a tenia sempre in capu. »
In u 2004, u prughjettu di creà, ghjust’appuntu altuparlanti di qualità maiò per avè un sonu ottimale, hè in mente. « Ma ùn lu pudia mette in piazza. Mancavanu troppu cose eppo u travagliu è a mo vita, mi pigliavanu tuttu u mo tempu. »
Dece anni dopu, in u 2014, Patrick Crudo riesce quantunque à cuncretizà e so idee è dà nascita à Mac Voice, una impresa di fabricazione d’altuparlanti di a più grande qualità. « Mac, hè un’uchjata à a mo figliola, e trè prime lettare sò di nome è casata : Marie Aimé Crudo. »
U destinu di l’impresa hè in marchja. « Sò andatu à sente soni da per tuttu, per vede di chè manera pudia cuncepisce u mo travagliu. »
Arrimbatu nantu à u so percorsu d’ingeniore, l’omu riesce à creà i so primi altuparlanti. Sceglie legni cum’è u teck o a leccia, finizione in coghju è principia a so attività. « Sette anni di studii è di travagliu sò stati necessarii per pudè mette tuttu in piazza. »
In a so gamma, Patrick prupone cinque mudelli diferenti. Ogni struttura t’hà un diametru particulare per dà una qualità di sonu maiò. L’altiparlanti ponu esse d’una altezza da 1,20 m à 1,50 m è un pesu di 75 à 160 chilò. Dopu à dece anni, u travagliu di l’artisgianu, cumencia à dà i so frutti. « Hè un pruduttu di qualità maiò ancu s’è u prezzu ùn si pò paragunà cù ciò chì si face altrò (da 8000 à 20000 e, mentre ch’altrò, ùn ci hè limite…), a maiò parte, sò ghjente à a retirata. »
U Bastiacciu face, à pocu à pocu a so strada. Puderà forse sbuccà nantu d’altre perpettive cù u sustegnu di a camera di i mistieri di u Cismonte chì appronta un librettu dedicatu à iss’artisgianu.
Ph.P.
Patrick Crudo, Ville di Pietrabugnu, 20200 Bastia
Cuntattu : 06-41-18-72-31
situ : www.macvoiceaudio.com
mail : [email protected]
