Dimitri Djivanides , << sonniu americanu >> à l' usu Corsu
Avucatu à u bancu di New-York, Parrighji è Bruxelles
Dimitri Djivanides, « sonniu americanu » à l’ usu corsu
Avucatu à u bancu di New-York, Parrighji è Bruxelles, iss’Aiaccinu tene sempre in core à ellu, l’amore di a so terra. Una passione chì l’impegna à prò di u sviluppu di l’isula…
Semu in l’Aiacciu di l’anni ottanta. Natu in a Cità Imperiale, Dimitri Djivanides, cresce in l’ambianza nustrale di l’epica. Un’epica induve si ghjoca à spessu fora. Benchè elevu bonu à u culleghju Fesch, u ghjovanu pianta a so scularità in terza. Ma cù assai dispusizione in l’attività di u pugilatu è masimu à u Ring Ajaccien. « Ci sò ghjuntu à sette anni, spiega Dimitri, è aghju fattu u me primu cumbattu à quattordeci anni. Issa disciplina, hè a scola di a vita. M’hà monda aiutatu in a me vita prufessiunale è m’aiuta sempre oghje. Sò cresciutu cù Antoine Filippi, capimachja di u club, Roland Battestini, Jo Tarrassenko è tanti altri. Senza u Ring, ùn la sò s’averia cunnisciutu a listessa carriera prufessiunale. »
D’Aiacciu à Washington
L’Aiaccinu cuntinueghja u so percorsu sculare à u LEP Finusellu (cuntabilità), face, qualchì tempu dopu, una capacità in dirittu in Corti. « À tempu, aghjusta l’omu, facciu un pocu tutti i mistieri. »
Hè quand’ellu scontra Sonia, ghjovana americana assistante d’inglese in Aiacciu chè a so vita scambia. « Aviu piantatu i studii, è m’hà cunvitu di ripiglià li. Ma issa passione, u tintu Antoine Sollacaro (era amicu cù i so figlioli), mi l’hà datu dinò. Un omu strasordinariu è un grande ghjuristu. »
Tandu, Dimitri si chjappa un master in dirittu publicu (sempre in Corti) è seguita Sonia, chì face studii à i Stati Uniti è chì diventerà a so sposa. Cusì, u coppiu sbarca in Washington in l’anni 2000. Sette anni dopu, l’Aiaccinu diventa avucatu. « Hè stata dura chè m’hè tuccatu à piglià corsi d’inglese lestru lestru per pudè passà è ottene i diploma necessarii. » Un percorsu chì li permette, dopu à studii in a capitale americana, di fà a so strada, à mezu à i tercani di u bancu americanu (diritti internaziunale). Frà tempu, riceve à Antoine Sollacaro. « Era ghjuntu à vede una di e so zie, eppo m’avia rigalatu una di e so pitture,ch’eu tengu sempre in a me sala à manghjà. »
« Assenti di Corsica, mai pertuti »
A vita americana ùn scambia micca l’amore chè Dimitri porta à a so isula. « Ghjunghjiu tutti l’anni per e vacanze. Noi altri, Corsi d’altrò (ùn li garba micca d’aduprà a parolla Diaspora), semu assenti di Corsica, mai pertuti... »
L’amore di a so isula cunvince l’avucatu d’avvicinà si. Tandu, sbarca in Parrighji è Bruxelles cù a so moglia è i so dui zitelli, Matteu è Stella. L’occasione, di vene à spessu in Corsica. « Hè impurtante di parte à studià o travaglià altrò ma ùn ci vole mai sminticà d’induve ghjunghjemu. Issu stintu quì, cercu à tramandà lu à i me zitelli. Cunnoscenu a Corsica, i so valori... »
Oghje, è senza alcuna pretenzione, l’avucatu vole mette a so sperienza à u serviziu di l’isula. « Tengu sempre a Corsica in core à mè. Participeghja à fà ciò ch’eu sò è stà prisente in i me rapporti cù a ghjente. L’avucati cù quale aghju travagliatu in Washington dicianu ch’eru qualchissia di particulare. Aghju cercatu sempre à fà a prumuzione di a me terra. »
U sviluppu di a sucetà corsa in u mondu d’oghje custituisce una di e priurità di l’Aiaccinu à più o menu cortu andà. « Ùn vogliu mancu appena dà lezziò ma sò cunvitu ch’ellu ci hè sempre un stintu nustrale ind’è noi, è masimu in Aiacciu. Ci vuleria una prisenza maiò in i quartieri per mustrà l’esempiu à a nostra ghjuventù. Senza u Ring Ajaccien, ùn seriu micca diventatu l’omu ch’eu sò oghje. »
Ultimu scopu di l’Aiaccinu, rientre ind’è ellu per mette u so percorsu à prò di i ghjovani. Una nuzione d’umanità induve a Corsica pò truvà a so piazza…
Avucatu à u bancu di New-York, Parrighji è Bruxelles, iss’Aiaccinu tene sempre in core à ellu, l’amore di a so terra. Una passione chì l’impegna à prò di u sviluppu di l’isula…
Semu in l’Aiacciu di l’anni ottanta. Natu in a Cità Imperiale, Dimitri Djivanides, cresce in l’ambianza nustrale di l’epica. Un’epica induve si ghjoca à spessu fora. Benchè elevu bonu à u culleghju Fesch, u ghjovanu pianta a so scularità in terza. Ma cù assai dispusizione in l’attività di u pugilatu è masimu à u Ring Ajaccien. « Ci sò ghjuntu à sette anni, spiega Dimitri, è aghju fattu u me primu cumbattu à quattordeci anni. Issa disciplina, hè a scola di a vita. M’hà monda aiutatu in a me vita prufessiunale è m’aiuta sempre oghje. Sò cresciutu cù Antoine Filippi, capimachja di u club, Roland Battestini, Jo Tarrassenko è tanti altri. Senza u Ring, ùn la sò s’averia cunnisciutu a listessa carriera prufessiunale. »
D’Aiacciu à Washington
L’Aiaccinu cuntinueghja u so percorsu sculare à u LEP Finusellu (cuntabilità), face, qualchì tempu dopu, una capacità in dirittu in Corti. « À tempu, aghjusta l’omu, facciu un pocu tutti i mistieri. »
Hè quand’ellu scontra Sonia, ghjovana americana assistante d’inglese in Aiacciu chè a so vita scambia. « Aviu piantatu i studii, è m’hà cunvitu di ripiglià li. Ma issa passione, u tintu Antoine Sollacaro (era amicu cù i so figlioli), mi l’hà datu dinò. Un omu strasordinariu è un grande ghjuristu. »
Tandu, Dimitri si chjappa un master in dirittu publicu (sempre in Corti) è seguita Sonia, chì face studii à i Stati Uniti è chì diventerà a so sposa. Cusì, u coppiu sbarca in Washington in l’anni 2000. Sette anni dopu, l’Aiaccinu diventa avucatu. « Hè stata dura chè m’hè tuccatu à piglià corsi d’inglese lestru lestru per pudè passà è ottene i diploma necessarii. » Un percorsu chì li permette, dopu à studii in a capitale americana, di fà a so strada, à mezu à i tercani di u bancu americanu (diritti internaziunale). Frà tempu, riceve à Antoine Sollacaro. « Era ghjuntu à vede una di e so zie, eppo m’avia rigalatu una di e so pitture,ch’eu tengu sempre in a me sala à manghjà. »
« Assenti di Corsica, mai pertuti »
A vita americana ùn scambia micca l’amore chè Dimitri porta à a so isula. « Ghjunghjiu tutti l’anni per e vacanze. Noi altri, Corsi d’altrò (ùn li garba micca d’aduprà a parolla Diaspora), semu assenti di Corsica, mai pertuti... »
L’amore di a so isula cunvince l’avucatu d’avvicinà si. Tandu, sbarca in Parrighji è Bruxelles cù a so moglia è i so dui zitelli, Matteu è Stella. L’occasione, di vene à spessu in Corsica. « Hè impurtante di parte à studià o travaglià altrò ma ùn ci vole mai sminticà d’induve ghjunghjemu. Issu stintu quì, cercu à tramandà lu à i me zitelli. Cunnoscenu a Corsica, i so valori... »
Oghje, è senza alcuna pretenzione, l’avucatu vole mette a so sperienza à u serviziu di l’isula. « Tengu sempre a Corsica in core à mè. Participeghja à fà ciò ch’eu sò è stà prisente in i me rapporti cù a ghjente. L’avucati cù quale aghju travagliatu in Washington dicianu ch’eru qualchissia di particulare. Aghju cercatu sempre à fà a prumuzione di a me terra. »
U sviluppu di a sucetà corsa in u mondu d’oghje custituisce una di e priurità di l’Aiaccinu à più o menu cortu andà. « Ùn vogliu mancu appena dà lezziò ma sò cunvitu ch’ellu ci hè sempre un stintu nustrale ind’è noi, è masimu in Aiacciu. Ci vuleria una prisenza maiò in i quartieri per mustrà l’esempiu à a nostra ghjuventù. Senza u Ring Ajaccien, ùn seriu micca diventatu l’omu ch’eu sò oghje. »
Ultimu scopu di l’Aiaccinu, rientre ind’è ellu per mette u so percorsu à prò di i ghjovani. Una nuzione d’umanità induve a Corsica pò truvà a so piazza…
