I sapè fà di a furesta in core d'un prughjettu universitariu
Cercatori di l'università di Corsica è di u CNRS anu travagliatu durante dui anni nantu ..........
I sapè fà di a furesta in core d’un prughjettu universitariu
Cercatori di l’Università di Corsica è di u CNRS anu travagliatu durante dui anni nantu à i sapè fà di a furesta è intornu à parechje discipline per mette in vale issa parte di u nostru patrimoniu. Cù u scopu di racoglie una basa messa à a dispusizione di u publicu. U primu resultatu d’issu prughjettu hè statu prisentatu a settimana scorsa in Corti è in Valle di Mezana…
In a sucetà agru pasturale campata da i Corsi sin’à (à pocu pressu) à l’anni settanta, i mistieri liati à a furesta (secantini, legnaghjoli, carbunari è ancu l’avemu da vede in isse ligne, tuttu ciò chì tocca à a stazzona), piglia una parte maiò. È ghjè per retablisce issa memoria ch’ellu hè natu, dui anni fà un prughjettu impurtante. « Issu prughjettu, spiega Tony Fogacci, prufessore in antrupulugia culturale à l’università di Corsica, parta d’une demarchja abbastanza più larga chjamata B3C è u laburatoriu di ricerca Lochi, Identità Spazi è Attività (LISA). »
Cusì, è sottu à u titulu di i sapè fà di a furesta, parechje tematiche sò state pigliate in contu : a tupunimia di i cacciadori, u patrimobiu materiale è immateriale liatu à a furesta, a ricerca nantu à i carbunari. « Semu partuti, aghju l’insegnante, da l’origini per andà sin’à a manera di fà è ancu a simbolica di a carbunaria... »
Dui anni di travagliu
Dapoi u 2020, studienti o specialisti anu fattu una ricerca à l’archivi o nantu à u terrenu (registramenti, inchieste) per dà un primu resultatu a settimana scorsa à l’Università di Corsica. Un collocchiu induve eranu prisente parechji attori corsi è d’altrò (Francia cuntinentale, Italia, Sardegna…) S’hè trattatu di mintuà u primu resultatu, parangunà cù l’altri è mette in vale issa memoria. « Unu di i primi scopi era di custituscia una banca di data à partesi di testimunianzi precisi. A manera di cuncepiscia è percepiscia issi modi antichi. A nostra missioni hè stata d’analizà issi fenomeni culturali per circà unipochi di chjavi capiscitoghji. Hè una manera di veda induva vulemu andà arrimbati d’induva ghjunghjemu. »
Mumentu maiò d’issi dui ghjorni, una spassighjata nantu à u chjassu di i carbunari in Valle di Mezana. Un giru d’un’ora è mezu intornu à u paese nanzu una cunferenza cù parechji intervenenti : Ghjuvan Ghjacumu Andreani, musicante è scrivanu hà tratta « d’un omu mudernu « uccidentalizatu » ind’un cuncettu universalistu spiccatu di a so leia cù a natura. » Mintuendu a leia stretta nantu à u legnu è a stazzone, hà trattatu di u mondu materiale ma dinò immateriale. « Ci hè statu una rumpitura maiò nantu à dui modi di campà è ci tocca à retabliscia issa leia quì. »
Un travagliu da sfruttà
Petru Canon, dutturante, à parlatu, ellu, di e radiche di u carbunarisimu in i cantoni di i Dui Sevi è i Dui Sorru à a fine di u XIXe è u principiu diu vintesimu. Sandrine Paradis-Grenouillet, archeuloga, hà cercatu à fà un parangone trà e regione induve ella hà travagliatu sfugliendu, cù è scuperte maiò nantu à siti antichi in Francia cuntinentale, qualchì pagina di a storia è fendu una leia trà pratiche di a preistoria è u Medievu ch’eranu state ripigliate. In fine, Jonathan Robertson hà cuntattu, à traversu ritratti, a vita di Ghjacumu Tafanelli, unu di l’ultimin à avè fattu a carbunara.
« Issu travagliu hà permessu di studià a storia, a cultura è u patrimoniu d’issa tematica, conta dinò Tony Fogacci, ùn n’hè ch’un primu passu. Ci serà, di sicuru, una seguita dopu à publicazione d’un libru... »
Un travagliu da sfruttà cù d’altre tematiche.
Cercatori di l’Università di Corsica è di u CNRS anu travagliatu durante dui anni nantu à i sapè fà di a furesta è intornu à parechje discipline per mette in vale issa parte di u nostru patrimoniu. Cù u scopu di racoglie una basa messa à a dispusizione di u publicu. U primu resultatu d’issu prughjettu hè statu prisentatu a settimana scorsa in Corti è in Valle di Mezana…
In a sucetà agru pasturale campata da i Corsi sin’à (à pocu pressu) à l’anni settanta, i mistieri liati à a furesta (secantini, legnaghjoli, carbunari è ancu l’avemu da vede in isse ligne, tuttu ciò chì tocca à a stazzona), piglia una parte maiò. È ghjè per retablisce issa memoria ch’ellu hè natu, dui anni fà un prughjettu impurtante. « Issu prughjettu, spiega Tony Fogacci, prufessore in antrupulugia culturale à l’università di Corsica, parta d’une demarchja abbastanza più larga chjamata B3C è u laburatoriu di ricerca Lochi, Identità Spazi è Attività (LISA). »
Cusì, è sottu à u titulu di i sapè fà di a furesta, parechje tematiche sò state pigliate in contu : a tupunimia di i cacciadori, u patrimobiu materiale è immateriale liatu à a furesta, a ricerca nantu à i carbunari. « Semu partuti, aghju l’insegnante, da l’origini per andà sin’à a manera di fà è ancu a simbolica di a carbunaria... »
Dui anni di travagliu
Dapoi u 2020, studienti o specialisti anu fattu una ricerca à l’archivi o nantu à u terrenu (registramenti, inchieste) per dà un primu resultatu a settimana scorsa à l’Università di Corsica. Un collocchiu induve eranu prisente parechji attori corsi è d’altrò (Francia cuntinentale, Italia, Sardegna…) S’hè trattatu di mintuà u primu resultatu, parangunà cù l’altri è mette in vale issa memoria. « Unu di i primi scopi era di custituscia una banca di data à partesi di testimunianzi precisi. A manera di cuncepiscia è percepiscia issi modi antichi. A nostra missioni hè stata d’analizà issi fenomeni culturali per circà unipochi di chjavi capiscitoghji. Hè una manera di veda induva vulemu andà arrimbati d’induva ghjunghjemu. »
Mumentu maiò d’issi dui ghjorni, una spassighjata nantu à u chjassu di i carbunari in Valle di Mezana. Un giru d’un’ora è mezu intornu à u paese nanzu una cunferenza cù parechji intervenenti : Ghjuvan Ghjacumu Andreani, musicante è scrivanu hà tratta « d’un omu mudernu « uccidentalizatu » ind’un cuncettu universalistu spiccatu di a so leia cù a natura. » Mintuendu a leia stretta nantu à u legnu è a stazzone, hà trattatu di u mondu materiale ma dinò immateriale. « Ci hè statu una rumpitura maiò nantu à dui modi di campà è ci tocca à retabliscia issa leia quì. »
Un travagliu da sfruttà
Petru Canon, dutturante, à parlatu, ellu, di e radiche di u carbunarisimu in i cantoni di i Dui Sevi è i Dui Sorru à a fine di u XIXe è u principiu diu vintesimu. Sandrine Paradis-Grenouillet, archeuloga, hà cercatu à fà un parangone trà e regione induve ella hà travagliatu sfugliendu, cù è scuperte maiò nantu à siti antichi in Francia cuntinentale, qualchì pagina di a storia è fendu una leia trà pratiche di a preistoria è u Medievu ch’eranu state ripigliate. In fine, Jonathan Robertson hà cuntattu, à traversu ritratti, a vita di Ghjacumu Tafanelli, unu di l’ultimin à avè fattu a carbunara.
« Issu travagliu hà permessu di studià a storia, a cultura è u patrimoniu d’issa tematica, conta dinò Tony Fogacci, ùn n’hè ch’un primu passu. Ci serà, di sicuru, una seguita dopu à publicazione d’un libru... »
Un travagliu da sfruttà cù d’altre tematiche.
