Michel Vergé-Franceschi, quaranta anni di storia
A settiman scorsa prisentà u so ultimu libru : una biugrafia nantu à Surcouf.
Michel Vergé-Franceschi, quaranta anni di storia…
U famosu sturianu hà datu una cunferenza in i lucali di u stadiu d’Afà a settiman scorsa per prisentà u so ultimu libru, una biugrafia nantu à Surcouf. L’occasione di sfuglià à traversu à Michel Vergé-Franceschi, pagine di a storia mundiale…
Michel Vergé-Franceschi avia rispostu dumenica scorsu à l’invitazione di l’Unione Spurtiva è Culturale d’Afà per prinsentà u so ultimu libru : una biugrafia di u famosu Surcouf. « Hè un persunaghju assai impurtante, spiega u sturianu, cunnisciutu da tuttu u mondu per via di i filmi, i libri o a legenda. N’aghju vulsutu sapè di più. »
Specialistu di u XVIIIu seculu, l’autore hà cercatu dinò una leia cù Napuliò è masimu a pagina impurtante di l’Imperatore cunsacrata à a schjavitù. « Surcouf hè un omu di u seculu di i lumi, aghjusta Michel Vergé-Franceschi, hè dinò capitanu negrazzeru. N’aghju vulsutu sapè di più nantu à u sughjettu di a schjavitù. »
Cusì è à longu à a cunferenza, a perioda dulurusa liata à stu fattu storicu serà messa in vale. « Comu hè chè Surcouf, chì vene d’entre in massuneria induve si difendenu idee umanitarie, hè capace d’impegnà si nantu à u trattamentu di i neri. »
Retablisce a verità storica
S’ampara, tandu, chè a schjavitù hè liata assai à u cuntestu ecunomicu di l’epica. L’ecunumia liata à u zuccheru, u caffè è tuttu i duminii liati à l’arnesi di l’epica (tazze, cuppette, caffitere, è ancu tavulini o futoglie…). « U XVIIIu hè l’epica di u benestà. Ma ci vole à sapè chè l’ecunumia hè liata, à 50 per centu, à iss’attività quì. Napuliò ùn pudia micca fà altrimente senza esse in periculu per rapportu à l’altri paesi aurupei...Surcouf, ellu, agisce di li stessa manera. »
Di fattu, Surcouf ùn era un piratu à dilla franca ma piuttostu un persunaghju nobile chì pigliò u versu di a navigazione à l’età di dece anni. Senza participà da vicinu o da luntanu à a revuluzione postu ch’ellu era in mare, seguitendu, i passi di i so anziani. Una leia cù a Corsica ?
« In storia, u sbagliu maiò hè di fighjulà un’epica cù u nostru sguardu d’oghje. »
« Ùn si sà, dice u sturianu, si pò trattà di Surcouf è Napuliò, l’aghju fattu d’altronde iss’estatina. Fù, quantunque primu cavalieru di a Legione d’Onore (prima prumuzione in u 1804). Per u restu, ci hè dinò a parolla «Corsaire » mintuata in i dizzunarii di i XVIIu è XVIIIu chì spiega chè Corse ghjunghjeria da i Corsaire chì eranu numarosi à l’epica. Ancu assai chè a realità storica hà pussutu, dapoi, retablisce a verità... »
S’ampara dinò chè a verità storica ùn curresponde micca sempre à ciò chì hè tramandatu in e scole. « Quandu si tra tta di storia, ùn ci vole mai ghjudicà, u nostru scopu hè solu di cuntà fatti, episodii. Ci ponu esse dopu interpretazione ma u sbagliu maiò hè di fighjulà un’epica cù u nostru sguardu d’oghje. Tuttu si pò spiegà. A storia, ùn hè una scenza dura cum’è a medicina o e matematiche. Hè qualcosa chì pò scambià. A storia è a memoria sò liate.»
Dopu à a cunferenza, Michel Vergé-Franceschi hà dedicatu unepochi di i so libri i più famosi, Surcouf sicura, ma dinò « Bunifaziu, Storia, Patrimoniu, Lingua è Cultura », « Retrouver ses ancêtres corses » o dinò « Storia di Corsica ». Dopu à Pozzo di Borgu, Paoli è Sampieru in Corsica, u sturianu zifra cù a biugrafia di Surcouf, a so ottantesimu libru…
Ph.P.
U famosu sturianu hà datu una cunferenza in i lucali di u stadiu d’Afà a settiman scorsa per prisentà u so ultimu libru, una biugrafia nantu à Surcouf. L’occasione di sfuglià à traversu à Michel Vergé-Franceschi, pagine di a storia mundiale…
Michel Vergé-Franceschi avia rispostu dumenica scorsu à l’invitazione di l’Unione Spurtiva è Culturale d’Afà per prinsentà u so ultimu libru : una biugrafia di u famosu Surcouf. « Hè un persunaghju assai impurtante, spiega u sturianu, cunnisciutu da tuttu u mondu per via di i filmi, i libri o a legenda. N’aghju vulsutu sapè di più. »
Specialistu di u XVIIIu seculu, l’autore hà cercatu dinò una leia cù Napuliò è masimu a pagina impurtante di l’Imperatore cunsacrata à a schjavitù. « Surcouf hè un omu di u seculu di i lumi, aghjusta Michel Vergé-Franceschi, hè dinò capitanu negrazzeru. N’aghju vulsutu sapè di più nantu à u sughjettu di a schjavitù. »
Cusì è à longu à a cunferenza, a perioda dulurusa liata à stu fattu storicu serà messa in vale. « Comu hè chè Surcouf, chì vene d’entre in massuneria induve si difendenu idee umanitarie, hè capace d’impegnà si nantu à u trattamentu di i neri. »
Retablisce a verità storica
S’ampara, tandu, chè a schjavitù hè liata assai à u cuntestu ecunomicu di l’epica. L’ecunumia liata à u zuccheru, u caffè è tuttu i duminii liati à l’arnesi di l’epica (tazze, cuppette, caffitere, è ancu tavulini o futoglie…). « U XVIIIu hè l’epica di u benestà. Ma ci vole à sapè chè l’ecunumia hè liata, à 50 per centu, à iss’attività quì. Napuliò ùn pudia micca fà altrimente senza esse in periculu per rapportu à l’altri paesi aurupei...Surcouf, ellu, agisce di li stessa manera. »
Di fattu, Surcouf ùn era un piratu à dilla franca ma piuttostu un persunaghju nobile chì pigliò u versu di a navigazione à l’età di dece anni. Senza participà da vicinu o da luntanu à a revuluzione postu ch’ellu era in mare, seguitendu, i passi di i so anziani. Una leia cù a Corsica ?
« In storia, u sbagliu maiò hè di fighjulà un’epica cù u nostru sguardu d’oghje. »
« Ùn si sà, dice u sturianu, si pò trattà di Surcouf è Napuliò, l’aghju fattu d’altronde iss’estatina. Fù, quantunque primu cavalieru di a Legione d’Onore (prima prumuzione in u 1804). Per u restu, ci hè dinò a parolla «Corsaire » mintuata in i dizzunarii di i XVIIu è XVIIIu chì spiega chè Corse ghjunghjeria da i Corsaire chì eranu numarosi à l’epica. Ancu assai chè a realità storica hà pussutu, dapoi, retablisce a verità... »
S’ampara dinò chè a verità storica ùn curresponde micca sempre à ciò chì hè tramandatu in e scole. « Quandu si tra tta di storia, ùn ci vole mai ghjudicà, u nostru scopu hè solu di cuntà fatti, episodii. Ci ponu esse dopu interpretazione ma u sbagliu maiò hè di fighjulà un’epica cù u nostru sguardu d’oghje. Tuttu si pò spiegà. A storia, ùn hè una scenza dura cum’è a medicina o e matematiche. Hè qualcosa chì pò scambià. A storia è a memoria sò liate.»
Dopu à a cunferenza, Michel Vergé-Franceschi hà dedicatu unepochi di i so libri i più famosi, Surcouf sicura, ma dinò « Bunifaziu, Storia, Patrimoniu, Lingua è Cultura », « Retrouver ses ancêtres corses » o dinò « Storia di Corsica ». Dopu à Pozzo di Borgu, Paoli è Sampieru in Corsica, u sturianu zifra cù a biugrafia di Surcouf, a so ottantesimu libru…
Ph.P.
