Sapè Fà : Quarantesima fiera di a Castagna in Bucugnà
Un ritornu monda aspettatu
Quarantesima fiera di a Castagna in Bucugnà
Un ritornu monda aspettatu
U paese maiò di Gravona si mette in vale durante tutta a dumenicata per a quarantesima edizione di a Fiera di castagna. L’occasione, dopu à dui anni difficiuli, di fà u puntu nantu à a pruduzzione è a trafila. Ma, à tempu, di prumove l’artisgiani è i pruduttori isulani…
In u cuncettu di e trafile chì sò state sviluppate dapoi quaranta anni, a fiera di a castagna, in Bucugnà, accuppa una piazza maiò. È s’è noi t’avemu, oghje, parechji prudutti corsi messi in vale cù trafile strutturate (mele, oliu, prisuttu, vinu, brocciu, farina castagnina…), a castagna, serà forse unu di i più impurtanti. U famosu fruttu di « l’arburu à pane », mintuatu, d’altronde, in u «lamentu di u castagnu » mostra quant’ellu hè liatu à i Corsi : farina, pulenta, mobuli, a castagna hè liata più chè d’altri prudutti, à a nostra storia, i nostri usi è, di sicuru, u manghjà.
Quindeci pruduttori
Era logicu, di fattu, di vede nasce in u 1982, in tempi di u riacquistu, a prima fiera strutturata dedicata à issu pruduttu. Dapoi, quaranta anni sò passati. Una trafila chì hà sulcatu, daretu à ella, d’altri prudutti di qualità. A fiera, ella, hà fattu a so strada per diventà, in puchnissimi tempi, a più impurtante di l’isula cù, ogni volta, guasgi 15000 persone.
Issa dumenicata, s’aspetta dunque un anniversariu speciale durante trè ghjorni cù quindeci pruduttori di castagne. « Hè un mumentu aspettatu da tutti i Corsi, spiega Alexandre Filippu, presidente di a struttura chì urganizeghja, dapoi u 1982, a fiera di a Castagna, per via di a crisa sanitaria, avemi suffertu assai duranti dui anni. Tuttu u mondu s’hè impegnatu per iss’edizioni nova chì marca, ghjust’à puntu, u quarantesimu anniversariu... »
Aldilà di a so nuturietà, a fiera serà l’occasione di fà u puntu nantu à a trafila, masimu cù e periode di sicchina è, di sicuru, di u mignoculu chì hà fattu tantu male : u cynips.
« Avemi campatu mumenti duri, aghjusta Alexandre Filippi, erami calatu à trè pruduttori à un’epica, è s’è a trafila si porta megliu oghji, ci tocca à travaglià sempri per mantena l’attività. U travagliu di i pruduttori è di l’AOP Farina Castagnina Corsa, ci hà parmessu d’avanzà. »
U concorsu di farina castagnina
Nantu à stu puntu quì, centu piantine di castagnu anu da esse messi à a dispusizione di pruduttori per dà un’altra dinamica à à trafila. Serà per quessu, d’altronde, chè u cuncorsu di farina castagnina, volta issa dumenica dopu à novi anni, un mumentu maiò per a fiera quant’è a trafila.
Per u restu, 150 pruduttori è artisgiani sò aspettati nantu à u campu di fiera : quelli di e trafile di a FFRACC, di sicuru ma ancu d’altri cum’è i vasaii, cultellaghji, ebenisti, bancalari, prudutti cum’è i bombò, nucciulate, ghjoculi dinò, spurtellaghji. L’occasione di fà qualchì rigalu per Natale. In fine, u gruppu « Cuscenza » hà prisentà è prumove, durante issa fiera, « Da scunghjurà a sorti », u so secondu dischettu esciutu l’ottu di dicembre.
A ghjurnata di a tramandera dedicata à i sculari
Cum’è tutti l’anni, i sculari d’Aiacciu è di u circondu, anu da vene à a fiera per una ghjurnata dedicata è piazzata sottu à a tematica di a tramandera. Cusì, anu da esse seicentu à vene scopre u fruttu, a gastrunumia corsa ma dinò tutti i sapè fà liati à issu pruduttu è à d’altri. In questa ghjurnata di a tramandera, anu pudè sapè ne di più nantu à a fabricazione di u brocciu, u casgiu o a farina castagnina…
Una demarchja chì mostra bè, s’ellu ci n’hè u bisognu, chè a fiera di a castagna, riprisenta ciò chè tutte e fiere devenu mette in vale : u sapè fà liatu à un pruduttu…
Un ritornu monda aspettatu
U paese maiò di Gravona si mette in vale durante tutta a dumenicata per a quarantesima edizione di a Fiera di castagna. L’occasione, dopu à dui anni difficiuli, di fà u puntu nantu à a pruduzzione è a trafila. Ma, à tempu, di prumove l’artisgiani è i pruduttori isulani…
In u cuncettu di e trafile chì sò state sviluppate dapoi quaranta anni, a fiera di a castagna, in Bucugnà, accuppa una piazza maiò. È s’è noi t’avemu, oghje, parechji prudutti corsi messi in vale cù trafile strutturate (mele, oliu, prisuttu, vinu, brocciu, farina castagnina…), a castagna, serà forse unu di i più impurtanti. U famosu fruttu di « l’arburu à pane », mintuatu, d’altronde, in u «lamentu di u castagnu » mostra quant’ellu hè liatu à i Corsi : farina, pulenta, mobuli, a castagna hè liata più chè d’altri prudutti, à a nostra storia, i nostri usi è, di sicuru, u manghjà.
Quindeci pruduttori
Era logicu, di fattu, di vede nasce in u 1982, in tempi di u riacquistu, a prima fiera strutturata dedicata à issu pruduttu. Dapoi, quaranta anni sò passati. Una trafila chì hà sulcatu, daretu à ella, d’altri prudutti di qualità. A fiera, ella, hà fattu a so strada per diventà, in puchnissimi tempi, a più impurtante di l’isula cù, ogni volta, guasgi 15000 persone.
Issa dumenicata, s’aspetta dunque un anniversariu speciale durante trè ghjorni cù quindeci pruduttori di castagne. « Hè un mumentu aspettatu da tutti i Corsi, spiega Alexandre Filippu, presidente di a struttura chì urganizeghja, dapoi u 1982, a fiera di a Castagna, per via di a crisa sanitaria, avemi suffertu assai duranti dui anni. Tuttu u mondu s’hè impegnatu per iss’edizioni nova chì marca, ghjust’à puntu, u quarantesimu anniversariu... »
Aldilà di a so nuturietà, a fiera serà l’occasione di fà u puntu nantu à a trafila, masimu cù e periode di sicchina è, di sicuru, di u mignoculu chì hà fattu tantu male : u cynips.
« Avemi campatu mumenti duri, aghjusta Alexandre Filippi, erami calatu à trè pruduttori à un’epica, è s’è a trafila si porta megliu oghji, ci tocca à travaglià sempri per mantena l’attività. U travagliu di i pruduttori è di l’AOP Farina Castagnina Corsa, ci hà parmessu d’avanzà. »
U concorsu di farina castagnina
Nantu à stu puntu quì, centu piantine di castagnu anu da esse messi à a dispusizione di pruduttori per dà un’altra dinamica à à trafila. Serà per quessu, d’altronde, chè u cuncorsu di farina castagnina, volta issa dumenica dopu à novi anni, un mumentu maiò per a fiera quant’è a trafila.
Per u restu, 150 pruduttori è artisgiani sò aspettati nantu à u campu di fiera : quelli di e trafile di a FFRACC, di sicuru ma ancu d’altri cum’è i vasaii, cultellaghji, ebenisti, bancalari, prudutti cum’è i bombò, nucciulate, ghjoculi dinò, spurtellaghji. L’occasione di fà qualchì rigalu per Natale. In fine, u gruppu « Cuscenza » hà prisentà è prumove, durante issa fiera, « Da scunghjurà a sorti », u so secondu dischettu esciutu l’ottu di dicembre.
A ghjurnata di a tramandera dedicata à i sculari
Cum’è tutti l’anni, i sculari d’Aiacciu è di u circondu, anu da vene à a fiera per una ghjurnata dedicata è piazzata sottu à a tematica di a tramandera. Cusì, anu da esse seicentu à vene scopre u fruttu, a gastrunumia corsa ma dinò tutti i sapè fà liati à issu pruduttu è à d’altri. In questa ghjurnata di a tramandera, anu pudè sapè ne di più nantu à a fabricazione di u brocciu, u casgiu o a farina castagnina…
Una demarchja chì mostra bè, s’ellu ci n’hè u bisognu, chè a fiera di a castagna, riprisenta ciò chè tutte e fiere devenu mette in vale : u sapè fà liatu à un pruduttu…
