24e festa di a Nazione in Conca : un duvere di memoria
L'associu << A punta di l'Ortu >> urganizeghja iss' ottu è issu dece di decembre........
24e festa di a Nazione in Conca : un duvere di memoria
L’associu « A punta di l’ortu » urganizeghja iss’ottu è issu dece di dicembre, a vintiquattresima edizione di a festa di a Nazione. L’occasione, à mezu à mumenti di spartera è di cunvivialità, di tramandà pagine di a storia è di a cultura di l’isula…
Conca serà forse unu di i soli paesi di Corsica à festighjà dapoi anni è anni, u cuncettu di a festa di a Nazione. Un’idea, in u 1998, di Micheli Leccia, capimachja di u Cullettivu « Parlemu corsu »…
« U scopu, precisa quellu, era di fà d’issu ghjornu quì, un mumentu fistivu arrimbatu nantu à a storia è a cultura. Semi partiti da a prima edizioni, in u 1998, l’associu hè natu un annu dopu... »
In vintiquattru anni, a manifestazione hà fattu a so strada. Tindoni maiò, messa cantata, prucessiò, canti, pranzu, scenugrafia, musica (muresca, balli…), storia dinò (ghjente custumati) eccu ciò chè l’associu « A punta di l’ortu », nome d’una muntagna chì si sparghje da sopra à u paese, cerca à mette in vale tutti l’anni…
500 persone aspettate
Questu annu, a tradizione si mantene sempre nantu à u listessu filu cù un publicu (chjuchi, maiò è anziani) numerosu (500 persone aspettate questu annu...) Ma per avè di più ghjente, si passerà u sabbatu dopu à l’illuminazione di a bandera u ghjovi sera. « L’attività s’ani da passà in a sala di i festi di Conca, aghjusta Micheli Leccia, ma avemu da principià cù u nosciu « rituali », quiddu di tutti l’anni : a messa, a prucessiò cù u ritornu nantu à a piazza à la chjesa è a granitula. Ci hè una simbulica maiò. Un mondu si rinnova sempri. Par no, hè una manera di tramandà a storia è di passà da u sacru à u prufanu. »
Dopu à messa, cantata da cunfraternite cum’è quella di u core san Stefanu (di Conca), Santa Croce di Purtivechju o Santa Croce di Brandu, U passaghju trà sacru è prufanu si ferà à mezu à musica è ballu (a muresca) cù a squadra di a Girandula. Nanzu à a lettura, da ghjovani, di u famosu articulu di Ghjacintu Paoli di u 1735. « Ci hè una crunulugia duranti tutta a manifestazioni. Hè l’occasioni di perenizzà u nosciu rituali, masimu par tramandà lu i i più ghjovani. »
In fine, a scola di Conca, canterà qualchì canzona nanzu à un mumentu di gioia è di spartera, in a sala di e feste (cena è dopu cena cù a squadra « A manfarina » è un DJ. L’occasione di fà a leia trà eri, oghje è dumane.
Ph.P.
Un ghjornu per i sculari
A festa di a nazione marca, tutti l’anni, l’ottu di dicembre, un tempu storicu è culturale maiò in Corsica. In e scole, culleghji è licei di l’isula, l’attività culturale sò sviluppate da i capi stabilimente. Ma à chì ne semu da veru nantu à issu cuncettu quì ? Hè in u 1735 chè Ghjacintu Paoli, babbu di Pasquale, hè, cù Giafferi, prete Raffaelli è Ceccaldi, à l’origine di l’indipendenza di a Corsica è dinù di a custituzione, à nantu à a quale s’arrimba, vinti anni dopu Pasquale. In issi tempi quì, a Corsica hè piazzata sottu à a pruttezzione di a Vergine Maria, scegliendu l’ottu di dicembre, festa di l’immaculata cuncezzione, cum’è ghjornu anniversariu è u Diu Vi Salvi Regina per innu naziunale. Ma à dilla franca, u cuncettu di « festa naziunale » esiste solu dapoi u XIXu seculu (in u 1880 per ciò chì tocca à a Francia). Nanzu, ùn ci n’era, cum’è d’altronde, un cuncettu d’innu naziunale. A festa di a Nazione corsa seria nata in tempi di u riacquistu arrimbata à una dimensione più pulitica. Oghje, n’hè passata acqua sottu à i ponti. È aldilà d’issu cuntestu quì, hè un ghjornu dedicatu à i sculari induve insegnanti è intervenenti mettenu in piazza attelli diversi (ghjochi, canti, cultura, scacchi, storia, ecc…)…
L’associu « A punta di l’ortu » urganizeghja iss’ottu è issu dece di dicembre, a vintiquattresima edizione di a festa di a Nazione. L’occasione, à mezu à mumenti di spartera è di cunvivialità, di tramandà pagine di a storia è di a cultura di l’isula…
Conca serà forse unu di i soli paesi di Corsica à festighjà dapoi anni è anni, u cuncettu di a festa di a Nazione. Un’idea, in u 1998, di Micheli Leccia, capimachja di u Cullettivu « Parlemu corsu »…
« U scopu, precisa quellu, era di fà d’issu ghjornu quì, un mumentu fistivu arrimbatu nantu à a storia è a cultura. Semi partiti da a prima edizioni, in u 1998, l’associu hè natu un annu dopu... »
In vintiquattru anni, a manifestazione hà fattu a so strada. Tindoni maiò, messa cantata, prucessiò, canti, pranzu, scenugrafia, musica (muresca, balli…), storia dinò (ghjente custumati) eccu ciò chè l’associu « A punta di l’ortu », nome d’una muntagna chì si sparghje da sopra à u paese, cerca à mette in vale tutti l’anni…
500 persone aspettate
Questu annu, a tradizione si mantene sempre nantu à u listessu filu cù un publicu (chjuchi, maiò è anziani) numerosu (500 persone aspettate questu annu...) Ma per avè di più ghjente, si passerà u sabbatu dopu à l’illuminazione di a bandera u ghjovi sera. « L’attività s’ani da passà in a sala di i festi di Conca, aghjusta Micheli Leccia, ma avemu da principià cù u nosciu « rituali », quiddu di tutti l’anni : a messa, a prucessiò cù u ritornu nantu à a piazza à la chjesa è a granitula. Ci hè una simbulica maiò. Un mondu si rinnova sempri. Par no, hè una manera di tramandà a storia è di passà da u sacru à u prufanu. »
Dopu à messa, cantata da cunfraternite cum’è quella di u core san Stefanu (di Conca), Santa Croce di Purtivechju o Santa Croce di Brandu, U passaghju trà sacru è prufanu si ferà à mezu à musica è ballu (a muresca) cù a squadra di a Girandula. Nanzu à a lettura, da ghjovani, di u famosu articulu di Ghjacintu Paoli di u 1735. « Ci hè una crunulugia duranti tutta a manifestazioni. Hè l’occasioni di perenizzà u nosciu rituali, masimu par tramandà lu i i più ghjovani. »
In fine, a scola di Conca, canterà qualchì canzona nanzu à un mumentu di gioia è di spartera, in a sala di e feste (cena è dopu cena cù a squadra « A manfarina » è un DJ. L’occasione di fà a leia trà eri, oghje è dumane.
Ph.P.
Un ghjornu per i sculari
A festa di a nazione marca, tutti l’anni, l’ottu di dicembre, un tempu storicu è culturale maiò in Corsica. In e scole, culleghji è licei di l’isula, l’attività culturale sò sviluppate da i capi stabilimente. Ma à chì ne semu da veru nantu à issu cuncettu quì ? Hè in u 1735 chè Ghjacintu Paoli, babbu di Pasquale, hè, cù Giafferi, prete Raffaelli è Ceccaldi, à l’origine di l’indipendenza di a Corsica è dinù di a custituzione, à nantu à a quale s’arrimba, vinti anni dopu Pasquale. In issi tempi quì, a Corsica hè piazzata sottu à a pruttezzione di a Vergine Maria, scegliendu l’ottu di dicembre, festa di l’immaculata cuncezzione, cum’è ghjornu anniversariu è u Diu Vi Salvi Regina per innu naziunale. Ma à dilla franca, u cuncettu di « festa naziunale » esiste solu dapoi u XIXu seculu (in u 1880 per ciò chì tocca à a Francia). Nanzu, ùn ci n’era, cum’è d’altronde, un cuncettu d’innu naziunale. A festa di a Nazione corsa seria nata in tempi di u riacquistu arrimbata à una dimensione più pulitica. Oghje, n’hè passata acqua sottu à i ponti. È aldilà d’issu cuntestu quì, hè un ghjornu dedicatu à i sculari induve insegnanti è intervenenti mettenu in piazza attelli diversi (ghjochi, canti, cultura, scacchi, storia, ecc…)…
