Pasqua , pifania : da un biscottu à una tradizione antica
Riti cristiani è pagani
Pasqua, pifania : da un biscottu à una tradizione antica
Si festighjeghja ogni sei di ghjennaghju, o a seconda dumenica dopu à Natale, l’epifania. Per a maiò parte di a ghjente, si « tiranu » i Rè. Ma à dilla franca, issa tradizione hè monda più antica…
A tradizione di l’epifaia hè cunnisciuta sopratuttu per issu biscottu (brioscia o frangipana) chì face, dapoi anni è anni, u piacè di i zitelli è di i so parenti. Ma issa tradizione, liata à a ghjunta di i trè rè maghi (Gaspard, Balthazar, Melchior) in Bethléem à rende umagiu à Ghjesù, t hà una dimensione spirituale à dinò cristiana, piattata, cum’è d’altre da u solu fattu cummerciale. U Vangelu di Matteu, chì mintueghja issu fattu, conta chè, purtati da una stella (Diana stella?), i trè maghi ghjunti da l’Oriente, danu mirra, oru è incensu à u bambinu, Rè di i Judei.
Riti cristiani è pagani
Di regula, l’epifania hè celebrata u sei di ghjennaghju ma fora di u fattu chè u calendariu oghjincu ùn corresponde micca, forse, à quellu di l’epica, in certi paesi cum’è a Francia (ci n’hè d’altri), issu ghjornu ùn festivu. Anu dunque purtatu l’epifania à a seconda dumenica dopu à Natale. Serà, d’altronde, l’occasione issa settimana postu chè u sei di ghjennaghju casca venneri.
In a liturgia cristiana, monda liata, d’altronde, à u paganisimu, l’epifania marca duque a visita di i Rè. Una tradizione chì ci face scurdà a so origine religiosa è spirituale.
Ciò chì ne ferma, hè solu u fattu di « tirà i rè » è di piattà una feva à mezu à u biscottu. In Corsica, per indettu, induve si chjama « Pasqua Pifania » ci sò tradizione particulare. In Bastia, si manghjavanu lasagne issu ghjornu quì (a farina bianca hè un simbolu di prusperità). D’altronde, un pruverbiu dice « À chì ùn manghja lasagne u ghjornu di Pasqua Pifania, si lagna tuttu l’annu... » In Bastelica, era un pane à u mele induve si mettia una feva. Altrò, pudia esse, ind’un fattu più paganu, una rama sfugliata d’alivu lampata in u focu fendu un auguru. È s’è e foglie si vultavanu, l’auguru era esauditu.
Di fattu, a feva riprisenta, l’averemu capita, i trè maghi.
Pasqua Pifania, o ancu Pasquetta, vene à compie, in u calendariu di a liturgia, u tempu natalescu. È apre un altru ciculu, quellu di u carnavale. « Tempi fà, spiega u prte Antone Peretti, dopu à a messa di u sei di ghjennaghju, si cacciava u presepiu è u bambinu era vistitu di rossu par ramintà a so passioni di Pasqua. »
U cuncettu di u capu d’annu seria una festa d’origine francese. In Corsica è in tutti i paesi induve fermanu tradizione antiche, l’epifania, cù i rigali à i zitelli issu ghjornu quì, pigliava a suprana. In Auropa, compie una perioda di dodeci ghjorni è marca un fattu paganu : a ghjunta di i morti in u mondu di i vivi. Una perioda chì principia à u sulstiziu d’inguernu è marcata in Corsica per issu famosu ceppu di Natale, chì devia brusgià sin’à u capu d’annu. Issu focu hè statu forse accurtatu ma a simbulica liata à u numaru dodeci (dodeci ghjorni, dodeci mesi di l’annu) ci face pinsà ch’è noi pudemu esse aldilà di u tempu, ind’una dimensione monda spirituale induve riti è credenze sò liati à a natura, u sole è i sulstizii. Peccatu, issa dimensione quì hè stata rimpiazzata da u solu fattu cummerciale…
Ph.P.
Si festighjeghja ogni sei di ghjennaghju, o a seconda dumenica dopu à Natale, l’epifania. Per a maiò parte di a ghjente, si « tiranu » i Rè. Ma à dilla franca, issa tradizione hè monda più antica…
A tradizione di l’epifaia hè cunnisciuta sopratuttu per issu biscottu (brioscia o frangipana) chì face, dapoi anni è anni, u piacè di i zitelli è di i so parenti. Ma issa tradizione, liata à a ghjunta di i trè rè maghi (Gaspard, Balthazar, Melchior) in Bethléem à rende umagiu à Ghjesù, t hà una dimensione spirituale à dinò cristiana, piattata, cum’è d’altre da u solu fattu cummerciale. U Vangelu di Matteu, chì mintueghja issu fattu, conta chè, purtati da una stella (Diana stella?), i trè maghi ghjunti da l’Oriente, danu mirra, oru è incensu à u bambinu, Rè di i Judei.
Riti cristiani è pagani
Di regula, l’epifania hè celebrata u sei di ghjennaghju ma fora di u fattu chè u calendariu oghjincu ùn corresponde micca, forse, à quellu di l’epica, in certi paesi cum’è a Francia (ci n’hè d’altri), issu ghjornu ùn festivu. Anu dunque purtatu l’epifania à a seconda dumenica dopu à Natale. Serà, d’altronde, l’occasione issa settimana postu chè u sei di ghjennaghju casca venneri.
In a liturgia cristiana, monda liata, d’altronde, à u paganisimu, l’epifania marca duque a visita di i Rè. Una tradizione chì ci face scurdà a so origine religiosa è spirituale.
Ciò chì ne ferma, hè solu u fattu di « tirà i rè » è di piattà una feva à mezu à u biscottu. In Corsica, per indettu, induve si chjama « Pasqua Pifania » ci sò tradizione particulare. In Bastia, si manghjavanu lasagne issu ghjornu quì (a farina bianca hè un simbolu di prusperità). D’altronde, un pruverbiu dice « À chì ùn manghja lasagne u ghjornu di Pasqua Pifania, si lagna tuttu l’annu... » In Bastelica, era un pane à u mele induve si mettia una feva. Altrò, pudia esse, ind’un fattu più paganu, una rama sfugliata d’alivu lampata in u focu fendu un auguru. È s’è e foglie si vultavanu, l’auguru era esauditu.
Di fattu, a feva riprisenta, l’averemu capita, i trè maghi.
Pasqua Pifania, o ancu Pasquetta, vene à compie, in u calendariu di a liturgia, u tempu natalescu. È apre un altru ciculu, quellu di u carnavale. « Tempi fà, spiega u prte Antone Peretti, dopu à a messa di u sei di ghjennaghju, si cacciava u presepiu è u bambinu era vistitu di rossu par ramintà a so passioni di Pasqua. »
U cuncettu di u capu d’annu seria una festa d’origine francese. In Corsica è in tutti i paesi induve fermanu tradizione antiche, l’epifania, cù i rigali à i zitelli issu ghjornu quì, pigliava a suprana. In Auropa, compie una perioda di dodeci ghjorni è marca un fattu paganu : a ghjunta di i morti in u mondu di i vivi. Una perioda chì principia à u sulstiziu d’inguernu è marcata in Corsica per issu famosu ceppu di Natale, chì devia brusgià sin’à u capu d’annu. Issu focu hè statu forse accurtatu ma a simbulica liata à u numaru dodeci (dodeci ghjorni, dodeci mesi di l’annu) ci face pinsà ch’è noi pudemu esse aldilà di u tempu, ind’una dimensione monda spirituale induve riti è credenze sò liati à a natura, u sole è i sulstizii. Peccatu, issa dimensione quì hè stata rimpiazzata da u solu fattu cummerciale…
Ph.P.
