Sapè Fà : Renaud Imbert , da u scarparu à l'arte
Da Cuges -les Pins à Ajacciu
Renaud Imbert, da u scarparu à l’arte
Stallatu dapoi quindeci anni in a stretta Maréchal Ornano, in Aiacciu, issu scarparu hà fattu a scelta di travaglià u coghju, liatu, à tempu, à una tradizione antica è un usu più lussuosu…
Semu inghjò di a stretta Maréchal Ornano, in Aiacciu. Guasgi à l’entrata. Hè quì, ind’un lucale marcatu da finestre accunciate in farru stazzunatu, l’anziana brasseria « l’Empereur » chè Renaud Imbert s’hè stallatu in u 2007. Subbitu in a buttega, in sacchi in coghju o qualchì mascina da cosge danu u tonu. Renaud Imbert ùn hè solu scarparu. Bench’ellu maestreghja abbastana bè iss’attività quì. Quì, l’odore di u coghju, a colla o cera, supraneghjanu u locu. Di fattu, l’omu di guasgi cinquanta anni, hà fattu a scelta di travaglià intornu à u coghju : scarpi, di sicuru ma dinò cinte, sellerie o, d’una manera generale, tuttu ciò chò tocca à a marucchineria. Spiccatu in duie pezze, u locu hè dedicatu à l’attellu (ci vole aspettà trè settimane nanzu di ripiglià u vostru ugettu) è un’altru à a vendita di a so fabricazione. Ghjè a passione chì l’hà purtatu à circà sempre u più bellu, u più nobile per sbuccà, oghje, nantu à un’attività chì s’assumiglia à l’arte. « Aghju seguitatu una furmazione in Parrighji, spiega u scarparu, nanzu, aviu passatu un CAP vicinu à Marseglia »
Da Cuges-les Pins à Aiacciu
In Parrighji, Renaud Imbert hà travagliatu u coghju ind’a famosa imprese famose cum’è Hermes. L’occasione, di tuccà l’universu di u lussu. « Pudiamu passà ore è ore nantu à un ugettu, aghjusta l’omu, certe volte, ci vulia à smuntà tuttu solu per scambià un’impugnatura. »
Bagnatu in issu sapè fà particulare, Renaud Imbert face a scelta, appena più tardi, di vultà in u meziornu di a Francia. Cuges-les-Pins, induve ellu hà e so radiche, è La Garde, induve ellu ampara u mistieru di scarparu. Ma cù sempre, in a so mente, a vulintà d’un travagliu di qualità maiò. Quì, a sperienza di a perioda parrighjina serà un aiutu tamantu. U scarparu travaglia una decina d’anni intornu à u mistieru. U tempu di cunnosce tuttta l’attività. « Oghje, issu mistieru ùn hè tantu messu in vale. L’artisgianu ùn hè micca abbastanza valurizatu. Tuttu u mondu pò apre un’cummerciu liatu à iss’attività ma per ciò chì tocca à u veru sapè fà, hè altru affare. »
Medaglia di bronzu in Germania
In u 2007, Renaud Imbert face a scelta di stallà si in Aiacciu. Trova u lucale di a stretta Maréchal Ornano è principia a so attività. Mischiata trà reparazione di scarpi o altri ugetti in coghju è a vendita. Trè anni fà, u travagliu di u scarparu hè statu unuratu à l’occasione d’un cuncorsu internaziunale chì s’hè tenutu in Weisbaden (Germania). Dopu avè presentatu tutte e tape di a reparazione d’un sc arpu per omu, Renaud Imbert hà ottenutu a medaglia di bronzu. Un premiu è un travagliu chì li dà una certa nuturietà. Ma s’ellu cuntinueghja, oghje, a so attività sempre cù passione, u scarparu hè cunvitu chè l’artisgiani sò assai minacciati. « Ci n’era guasgi 15000 in Francia ottu anni fà, avà semu menu di 3500. È solu dui in Aiacciu. A prufessione, ùn hè prutetta cum’è d’altre. Oghje, tuttu u mondu pò stallà si in tantu chè scarparu senza alcuna furma zione. »
Accantu à u coghju, Renaud Imbert prupone di diversificà a so attività cù e chjave. Ma u so sapè fà nustrale stà sempre intornu à a marucchineria…
Ph.P.
Scarparu, chjave Renaud
2, stretta Maréchal Ornano, 20000 Aiacciu
Stallatu dapoi quindeci anni in a stretta Maréchal Ornano, in Aiacciu, issu scarparu hà fattu a scelta di travaglià u coghju, liatu, à tempu, à una tradizione antica è un usu più lussuosu…
Semu inghjò di a stretta Maréchal Ornano, in Aiacciu. Guasgi à l’entrata. Hè quì, ind’un lucale marcatu da finestre accunciate in farru stazzunatu, l’anziana brasseria « l’Empereur » chè Renaud Imbert s’hè stallatu in u 2007. Subbitu in a buttega, in sacchi in coghju o qualchì mascina da cosge danu u tonu. Renaud Imbert ùn hè solu scarparu. Bench’ellu maestreghja abbastana bè iss’attività quì. Quì, l’odore di u coghju, a colla o cera, supraneghjanu u locu. Di fattu, l’omu di guasgi cinquanta anni, hà fattu a scelta di travaglià intornu à u coghju : scarpi, di sicuru ma dinò cinte, sellerie o, d’una manera generale, tuttu ciò chò tocca à a marucchineria. Spiccatu in duie pezze, u locu hè dedicatu à l’attellu (ci vole aspettà trè settimane nanzu di ripiglià u vostru ugettu) è un’altru à a vendita di a so fabricazione. Ghjè a passione chì l’hà purtatu à circà sempre u più bellu, u più nobile per sbuccà, oghje, nantu à un’attività chì s’assumiglia à l’arte. « Aghju seguitatu una furmazione in Parrighji, spiega u scarparu, nanzu, aviu passatu un CAP vicinu à Marseglia »
Da Cuges-les Pins à Aiacciu
In Parrighji, Renaud Imbert hà travagliatu u coghju ind’a famosa imprese famose cum’è Hermes. L’occasione, di tuccà l’universu di u lussu. « Pudiamu passà ore è ore nantu à un ugettu, aghjusta l’omu, certe volte, ci vulia à smuntà tuttu solu per scambià un’impugnatura. »
Bagnatu in issu sapè fà particulare, Renaud Imbert face a scelta, appena più tardi, di vultà in u meziornu di a Francia. Cuges-les-Pins, induve ellu hà e so radiche, è La Garde, induve ellu ampara u mistieru di scarparu. Ma cù sempre, in a so mente, a vulintà d’un travagliu di qualità maiò. Quì, a sperienza di a perioda parrighjina serà un aiutu tamantu. U scarparu travaglia una decina d’anni intornu à u mistieru. U tempu di cunnosce tuttta l’attività. « Oghje, issu mistieru ùn hè tantu messu in vale. L’artisgianu ùn hè micca abbastanza valurizatu. Tuttu u mondu pò apre un’cummerciu liatu à iss’attività ma per ciò chì tocca à u veru sapè fà, hè altru affare. »
Medaglia di bronzu in Germania
In u 2007, Renaud Imbert face a scelta di stallà si in Aiacciu. Trova u lucale di a stretta Maréchal Ornano è principia a so attività. Mischiata trà reparazione di scarpi o altri ugetti in coghju è a vendita. Trè anni fà, u travagliu di u scarparu hè statu unuratu à l’occasione d’un cuncorsu internaziunale chì s’hè tenutu in Weisbaden (Germania). Dopu avè presentatu tutte e tape di a reparazione d’un sc arpu per omu, Renaud Imbert hà ottenutu a medaglia di bronzu. Un premiu è un travagliu chì li dà una certa nuturietà. Ma s’ellu cuntinueghja, oghje, a so attività sempre cù passione, u scarparu hè cunvitu chè l’artisgiani sò assai minacciati. « Ci n’era guasgi 15000 in Francia ottu anni fà, avà semu menu di 3500. È solu dui in Aiacciu. A prufessione, ùn hè prutetta cum’è d’altre. Oghje, tuttu u mondu pò stallà si in tantu chè scarparu senza alcuna furma zione. »
Accantu à u coghju, Renaud Imbert prupone di diversificà a so attività cù e chjave. Ma u so sapè fà nustrale stà sempre intornu à a marucchineria…
Ph.P.
Scarparu, chjave Renaud
2, stretta Maréchal Ornano, 20000 Aiacciu
