Associu lingua è cultura corsa
Prumove l'usu di a lingua
Associu lingua è cultura corsa
Prumove l’usu di a lingua
Creatu pochi tempi fà à l’iniziativa di Cathy Campana, issu associu face a prumuzione di a lingua è a cultura corsu à traversu scontri settimanali…
Fà campà a nostra lingua, eccu l’imbusca maiò per una sucetà induve l’usu sparisce à pocu à pocu. Quì è cullandi, ci sò, aldilà di l’insegnamentu sculare o di furmazione, iniziative persunale chì permettenu di mantene issa fiara nustrale. Frà elli, quella di Cathy Campana. Dapoi ch’ella hè à a retirata, hà fattu di l’usu di a lingua, a so priurità. « Aghju e mo radiche in Canale di Verde, spiega a respunsevule di l’associu, è sò cresciuta à mezu à i mo vechji chì m’anu tramandatu a lingua è a cultura. Dopu, aghju fattu a mo vita ma parlà corsu, hè sempre statu, per mè, qualcosa di naturale. Fighjulendu, oghje, in giru à mè, aghju vistu chè locutori capaci di parlà corsu, sò pochi. Ci vulia à fà qualcosa. »
Stallata in Ville di Petrabugnu, Cathy Campana chì fù una di e prime persone à passà u certificatu di lingua corsa, riflette à a manera di mette un’idea in piazza da permette ghjust’appuntu, l’usu di a lingua corsa. « Ma ci vulia qualcosa di naturale, aghjusta a donna, è micca un locu induve s’ampara u corsu. »
Scontri in caffè
Tandu, li vene l’idea di truvà un locu induve a ghjente pudia parlà, scambià, sparte senza nisuna paura, ognunu cù u so nivellu di lingua. À tempu, ci vulia una tematica è dopu avè sceltu u caffè di u centru in BastiaCathy piglierà a scumessa d’invità artisti. « Hè, d’una certa manera, una spezia di veghja, in core di u dopu meziornu. Induve si parla è si canta. Ci sò dinò, pueta. Un pocu cum’è si facia in i tempi. Toccu, di sicuru, à ringrazià i respunsevuli di u Caffè di u Centru, chì permettenu, una volta a settimana, di creà un spaziu dedicatu à a lingua corsa. »
Strada facendu, l’associu conta, oghje, centu persone-aderente. È l’idea di i scontri si sviluppa di più in più. À mezu à artisti rinumati cum’è Patrizia Gattaceca, Diana di l’Alba, Felì, Svegliu d’Isula... « Anu subbitu datu u so accordu per vene purtà a so petra à stu bellu prughjettu. Ghjè una spezia di tramandera induve a ghjente ùn hà micca a vergogna di parlà. U fattu di parlà corsu diventa qualcosa di naturale, pocu impreme u nivellu. »
Qualchì tempu fà, Marc’Andria Castellani, chì prupone emissione di storia nantu à RCFM, hè ghjuntu à participà à i scontri. « Hè un artistu cumplettu è, à tempu, un tercanu di a lingua corsa. »
Un’idea da sparghje
Cusì, a ghjente hè in immersione tutale durant trè à quattru ore intornu à un caffè o un bichjeru. U successu di i scontri dà d’altre idea à Cathy Campana. « Ùn hè tantu faciule, sò sola à fà tuttu. Urganizà un adunita piglia monda tempu. Cumenciu à travaglià un luni per mette in piazza a reunione di u sabbatu, eppo, u sabbatu sera, mi tocca à pensà à a settimana dopu. Vintiquattru ore, ùn bastanu micca ! L’idea seria di creà d’altre strutture in d’altri lochi di Corsica, in cità, di sicuru, ma perchè micca in paese. Una manera di fà li campà di più. »
Frà tempu, l’idea si sparghje à a bibbiutecca di Furiani, u centru suciale Paese Novu, è ancu à l’Albore. Un associu da seguità è un’iniziativa chì senza suvvenzione, cerca à sviluppà si. Da chì dà qualchì idea…
Ph.P.
Prumove l’usu di a lingua
Creatu pochi tempi fà à l’iniziativa di Cathy Campana, issu associu face a prumuzione di a lingua è a cultura corsu à traversu scontri settimanali…
Fà campà a nostra lingua, eccu l’imbusca maiò per una sucetà induve l’usu sparisce à pocu à pocu. Quì è cullandi, ci sò, aldilà di l’insegnamentu sculare o di furmazione, iniziative persunale chì permettenu di mantene issa fiara nustrale. Frà elli, quella di Cathy Campana. Dapoi ch’ella hè à a retirata, hà fattu di l’usu di a lingua, a so priurità. « Aghju e mo radiche in Canale di Verde, spiega a respunsevule di l’associu, è sò cresciuta à mezu à i mo vechji chì m’anu tramandatu a lingua è a cultura. Dopu, aghju fattu a mo vita ma parlà corsu, hè sempre statu, per mè, qualcosa di naturale. Fighjulendu, oghje, in giru à mè, aghju vistu chè locutori capaci di parlà corsu, sò pochi. Ci vulia à fà qualcosa. »
Stallata in Ville di Petrabugnu, Cathy Campana chì fù una di e prime persone à passà u certificatu di lingua corsa, riflette à a manera di mette un’idea in piazza da permette ghjust’appuntu, l’usu di a lingua corsa. « Ma ci vulia qualcosa di naturale, aghjusta a donna, è micca un locu induve s’ampara u corsu. »
Scontri in caffè
Tandu, li vene l’idea di truvà un locu induve a ghjente pudia parlà, scambià, sparte senza nisuna paura, ognunu cù u so nivellu di lingua. À tempu, ci vulia una tematica è dopu avè sceltu u caffè di u centru in BastiaCathy piglierà a scumessa d’invità artisti. « Hè, d’una certa manera, una spezia di veghja, in core di u dopu meziornu. Induve si parla è si canta. Ci sò dinò, pueta. Un pocu cum’è si facia in i tempi. Toccu, di sicuru, à ringrazià i respunsevuli di u Caffè di u Centru, chì permettenu, una volta a settimana, di creà un spaziu dedicatu à a lingua corsa. »
Strada facendu, l’associu conta, oghje, centu persone-aderente. È l’idea di i scontri si sviluppa di più in più. À mezu à artisti rinumati cum’è Patrizia Gattaceca, Diana di l’Alba, Felì, Svegliu d’Isula... « Anu subbitu datu u so accordu per vene purtà a so petra à stu bellu prughjettu. Ghjè una spezia di tramandera induve a ghjente ùn hà micca a vergogna di parlà. U fattu di parlà corsu diventa qualcosa di naturale, pocu impreme u nivellu. »
Qualchì tempu fà, Marc’Andria Castellani, chì prupone emissione di storia nantu à RCFM, hè ghjuntu à participà à i scontri. « Hè un artistu cumplettu è, à tempu, un tercanu di a lingua corsa. »
Un’idea da sparghje
Cusì, a ghjente hè in immersione tutale durant trè à quattru ore intornu à un caffè o un bichjeru. U successu di i scontri dà d’altre idea à Cathy Campana. « Ùn hè tantu faciule, sò sola à fà tuttu. Urganizà un adunita piglia monda tempu. Cumenciu à travaglià un luni per mette in piazza a reunione di u sabbatu, eppo, u sabbatu sera, mi tocca à pensà à a settimana dopu. Vintiquattru ore, ùn bastanu micca ! L’idea seria di creà d’altre strutture in d’altri lochi di Corsica, in cità, di sicuru, ma perchè micca in paese. Una manera di fà li campà di più. »
Frà tempu, l’idea si sparghje à a bibbiutecca di Furiani, u centru suciale Paese Novu, è ancu à l’Albore. Un associu da seguità è un’iniziativa chì senza suvvenzione, cerca à sviluppà si. Da chì dà qualchì idea…
Ph.P.
