Casa di a puisia : Maison de la Poésie de la Corse
A casa di a puesia : mantene l'usu pueticu
A casa di a puesia : mantene l’usu pueticu
A casa di a puesia urganizeghja à a fine di settembre, una master class dedicata à a scrittura è a lettura. L’occasione di sviluppà appena i scopi è l’indiatura d’issu associu…
Amparà à dì, à leghje, à cuntà o à fà campà un scrittu in publicu, eccu u scopu di a master class urganizata u 30 di settembre è u primu d’ottobre da l’associu « A Casa di a puesia ». « S’agiscia d’una furmazioni specifica, spiega Norbert Paganelli, unu di i capimachja di l’associu, dopu à parechji dumandi, avemi decisu di metta issa furmazioni in piazza ma limitata à ottu personi ch’eddi ci sò assai dumandi... »
Dodeci prughjetti da sviluppà
Nata qualchì tempu fà, issa casa vole sulcà una voglia, quella di caccià a puesia di a strada senza sboccu induve ella era. Cusì, trè scopi maiò sò stati sviluppati à l’iniziu : una casa detta « virtuale », u rispettu di tutte e forme di puesie cuetanea, u sviluppu di e pratiche creative, un locu di scambiu è a mediazione. S’agisce, in tantu chè scopu maiò è l’averemu capita, di prupone à puesia, limitata ci vole à dilla, sin’à d’avà, à una certa categuria di persona (elitisimu) per sparghjela in tutti i duminii di a sucetà. Hè cusì chè i respunsevuli anu circatu à mette in piazza un prughjettu precisu chì passa, nanzu à tuttu, per strutture (mediatecche, bibbiutecche, sale di spettaculu…) capace ghjust’à puntu d’accolglie issu genaru di manifestazione. U prugramma di l’associu si sparghje in dodeci prughjetti chì passanu da un finanziamentu d’attori privati è publichi, un colloccu nantu à u statu di a puesia oghje in Corsica, a creazione d’un premiu annuale, assicurà a cunservazione di tuttu ciò chì s’hè fattu sin’à d’avà intornu à a puesia corsa, prumove a creazione, favurizà a creazione di chjassi puetichi, circà à prufessiunalizà l’animazione d’attelli di scrittura puetica, sviluppà un arnese numericu (situ), creà leie cù e librerie corse è sbuccà nantu à una « caravana » di i pueta capace d’intervene in Corsica sana.
Trenta persone in leia cù a puesia
Per avà, trenta persona, tutte in leia cù a puesia s’impegnenu nantu à issu prughjettu. Ritruvemu dunque pueta (Guidu Begnini, Ghjacumu Fusina, Lucia Santucci), scrivani (Ghjuvan Ghjaseppu Franchi), artisti (Doria Gavini, Tittò Limongi, Patrizia Gattaceca), cumpunitori (Angélique è Jean-Claude Nachon, Letizia Cosimi…), pittori (Domistria, Francesca Ricardoni, Jackie Pianelli, Toni Casalonga…
A lingua corsa piglia, di sicuru, una piazza maiò cù tutti i pueta ch’è noi t’avemu dapoi parechji seculi. A tradizione urale è ancu s scritta (vede l’antulugia di i scrivani corsi) cù pueta famosi cum’è Minicale, Petru Rocca, Santu Casanova è tanti altri ughjinchi...Cusì, Saveriu Valentini, attore maiò di u riacquistu, hà vintu cù a so puesia « Brami », l’edizione 2021 di u cuncorsu di puesia. À cantu à ellu, Antone Marielli, capimachja di u gruppu « Diana di l’Alba » ma dinò pueta è prufessore di corsu, Cathy Campana (brame nottambule), Marianbraghjula Antonetti-Orsoni (brama di sogni) o ancu Doria Gavini-Pazzoni (à l’infinitu) anu mustratu a qualità di a puesia corsa, fendu a leia trà eri è oghje. Una leia da mantene. È a master class di settembre, induve ùn ci serà micca solu lingua corsa, si scrive in iss’andatura quì. È per prumove a so demarchja, l’associu urganzeghja d’altre manifestazione cum’è u veranu di i pueta...
A casa di a puesia urganizeghja à a fine di settembre, una master class dedicata à a scrittura è a lettura. L’occasione di sviluppà appena i scopi è l’indiatura d’issu associu…
Amparà à dì, à leghje, à cuntà o à fà campà un scrittu in publicu, eccu u scopu di a master class urganizata u 30 di settembre è u primu d’ottobre da l’associu « A Casa di a puesia ». « S’agiscia d’una furmazioni specifica, spiega Norbert Paganelli, unu di i capimachja di l’associu, dopu à parechji dumandi, avemi decisu di metta issa furmazioni in piazza ma limitata à ottu personi ch’eddi ci sò assai dumandi... »
Dodeci prughjetti da sviluppà
Nata qualchì tempu fà, issa casa vole sulcà una voglia, quella di caccià a puesia di a strada senza sboccu induve ella era. Cusì, trè scopi maiò sò stati sviluppati à l’iniziu : una casa detta « virtuale », u rispettu di tutte e forme di puesie cuetanea, u sviluppu di e pratiche creative, un locu di scambiu è a mediazione. S’agisce, in tantu chè scopu maiò è l’averemu capita, di prupone à puesia, limitata ci vole à dilla, sin’à d’avà, à una certa categuria di persona (elitisimu) per sparghjela in tutti i duminii di a sucetà. Hè cusì chè i respunsevuli anu circatu à mette in piazza un prughjettu precisu chì passa, nanzu à tuttu, per strutture (mediatecche, bibbiutecche, sale di spettaculu…) capace ghjust’à puntu d’accolglie issu genaru di manifestazione. U prugramma di l’associu si sparghje in dodeci prughjetti chì passanu da un finanziamentu d’attori privati è publichi, un colloccu nantu à u statu di a puesia oghje in Corsica, a creazione d’un premiu annuale, assicurà a cunservazione di tuttu ciò chì s’hè fattu sin’à d’avà intornu à a puesia corsa, prumove a creazione, favurizà a creazione di chjassi puetichi, circà à prufessiunalizà l’animazione d’attelli di scrittura puetica, sviluppà un arnese numericu (situ), creà leie cù e librerie corse è sbuccà nantu à una « caravana » di i pueta capace d’intervene in Corsica sana.
Trenta persone in leia cù a puesia
Per avà, trenta persona, tutte in leia cù a puesia s’impegnenu nantu à issu prughjettu. Ritruvemu dunque pueta (Guidu Begnini, Ghjacumu Fusina, Lucia Santucci), scrivani (Ghjuvan Ghjaseppu Franchi), artisti (Doria Gavini, Tittò Limongi, Patrizia Gattaceca), cumpunitori (Angélique è Jean-Claude Nachon, Letizia Cosimi…), pittori (Domistria, Francesca Ricardoni, Jackie Pianelli, Toni Casalonga…
A lingua corsa piglia, di sicuru, una piazza maiò cù tutti i pueta ch’è noi t’avemu dapoi parechji seculi. A tradizione urale è ancu s scritta (vede l’antulugia di i scrivani corsi) cù pueta famosi cum’è Minicale, Petru Rocca, Santu Casanova è tanti altri ughjinchi...Cusì, Saveriu Valentini, attore maiò di u riacquistu, hà vintu cù a so puesia « Brami », l’edizione 2021 di u cuncorsu di puesia. À cantu à ellu, Antone Marielli, capimachja di u gruppu « Diana di l’Alba » ma dinò pueta è prufessore di corsu, Cathy Campana (brame nottambule), Marianbraghjula Antonetti-Orsoni (brama di sogni) o ancu Doria Gavini-Pazzoni (à l’infinitu) anu mustratu a qualità di a puesia corsa, fendu a leia trà eri è oghje. Una leia da mantene. È a master class di settembre, induve ùn ci serà micca solu lingua corsa, si scrive in iss’andatura quì. È per prumove a so demarchja, l’associu urganzeghja d’altre manifestazione cum’è u veranu di i pueta...
