Sapè Fà : Antò Maria Angeli, a passione di a liuteria
Stallatu in Sarrula induve ellu hà e so hà e so radiche, Antò Maria Angeli, di l’età di 18 anni è mezu, hà fattu a scelta d’esse liutaghju. Una passione nata, da zitellu.
Sapè f: Antò Maria Angeli, a passione di a liuteria
Stallatu in Sarrula induve ellu hà e so hà e so radiche, Antò Maria Angeli, di l’età di 18 anni è mezu, hà fattu a scelta d’esse liutaghju. Una passione nata, da zitellu.
Ci sò zitelli, in a vita, chì sanu dighjà ciò ch’ellu volenu fà più tardi. È mettenu tutta a so vulintà per riesce issa scumessa. Antò Maria Angeli, di ceppu sarrulincu, hà sempre vulsutu esse...liutaghju. « Hè qualcosa ch’ùn vi possu spiegà, dice u ghjuvanottu, à ottu anni, aviu a me prima ghitarra. Cascata in tarra, l’aviu purtatu inde un liutaghju, in Bastelicaccia. Videndu u so atteddu è a so manera di travaddà, mi sò dettu, ch’eu vuliu fà issu mistieru... »
Da Nizza à Sarrula
Passiunatu di tuttu ciò chì tocca à u legnu, Antò Maria face a so scularità in paese eppo dopu à u culleghju di Baleone. Ma sempre cù l’idea in capu, d’esse liutaghju. « Dopu à u culleghju, aghju travaddatu un annu in l’Isula Rossa in liuteria eppo un annu in Carghjese in ebenisteria. È aghju passatu un CAP d’ebenisteria l’annu scorsu, u 30 di ghjugnu, in Nizza. »
Questu annu, à partesi d’u mese di marzu, u ghjuvanottu adatta una pezza, in a casa famigliale, da sopra à u paese, in liuteria. Una anziana melituria induve face u so attellu. Cusì, a prima pezza hè dedicata à i travagli maiò (restaurazione) è l’altra à e finizzione (verniciatura, affitamenti, reparazione…). « Ci vulsutu à fà travagli (tettu, isulamentu)... »
In e duie pezze, ci sò strumenti in reparazione (una ghitarra elettrica, un viulinu…), stuvigli (pianellu, tornaviti…). Hè quì, ghjustu accantu à a casa, ch’ellu travaglia. « Aghju principiatu di maghju è sò surpresu di u travaddu chì ci hè. Ùn mi lagnu micca. A ghjente si dice ch’eddu ci hè un ghjovanu chì s’hè staddatu in paesi, ci voli à fà lu travaddà. »
Liutaghju è sunadore di viulinu
Liutaghju, Antò Maria, cunnosce dinò si strumenti per sunà ne appena. « Aghju principiatu qualchì annu fà cù Micheli Solinas, chì t’avia un atteddu in Auccià. Prima sunaiu di ghitarra è dopu, mi sò messu à u viulinu. »
In u so attellu, Antò Maria cuncepisce una ghitarra elettrica. Ma ùn conta d’arrestà si quì. « À più o menu longu andà, voddu fà ghitarri, viulini, cetera, mandulini...Ci voli à manteni iss’usi tradiziunali chì si perdeni. »
Durante a so furmazione, Antò Maria hè andatu in Cremona, induve ci hè tutti l’anni, una fiera mundiale di a liuteria. Hè quallà ch’ellu compra u so legnu è ch’ellu hà amparatu à fà i so vernici (gamme lacate, rasgine, culori)... « Facciu tuttu da per mè secondu à i dumandi di a ghjenti. »
Ver di i strumenti à fiatu
È cum’ellu sona di parechji strumenti è ch’ellu vole rivinvisce a tradizione, u liutaghju à l’idea di creà pivane, pirule, cialamelle. « Serà a seguita logica di u me travaddu. Per avà, sò cuncentratu nantu à a reparazioni, ùn si passa micca troppu mali. Si viderà dopu... »
Fora di u so mistieru, Antò Maria cerca dinò à mantene e trincate tradiziunale. Un usu chì si perde ellu dinò ma ch’ellu conta, cù d’altri, di fà campà di tantu in tantu à tempu à u sviluppu di a vita paisana. Un esempiu da seguità.
Ph.P.
Antò Maria Angeli
A Ribba, 20167, Sarrula è Carcupinu
Cuntattu : 06-25-33-14-74
pagina Facebook è Instagram
Stallatu in Sarrula induve ellu hà e so hà e so radiche, Antò Maria Angeli, di l’età di 18 anni è mezu, hà fattu a scelta d’esse liutaghju. Una passione nata, da zitellu.
Ci sò zitelli, in a vita, chì sanu dighjà ciò ch’ellu volenu fà più tardi. È mettenu tutta a so vulintà per riesce issa scumessa. Antò Maria Angeli, di ceppu sarrulincu, hà sempre vulsutu esse...liutaghju. « Hè qualcosa ch’ùn vi possu spiegà, dice u ghjuvanottu, à ottu anni, aviu a me prima ghitarra. Cascata in tarra, l’aviu purtatu inde un liutaghju, in Bastelicaccia. Videndu u so atteddu è a so manera di travaddà, mi sò dettu, ch’eu vuliu fà issu mistieru... »
Da Nizza à Sarrula
Passiunatu di tuttu ciò chì tocca à u legnu, Antò Maria face a so scularità in paese eppo dopu à u culleghju di Baleone. Ma sempre cù l’idea in capu, d’esse liutaghju. « Dopu à u culleghju, aghju travaddatu un annu in l’Isula Rossa in liuteria eppo un annu in Carghjese in ebenisteria. È aghju passatu un CAP d’ebenisteria l’annu scorsu, u 30 di ghjugnu, in Nizza. »
Questu annu, à partesi d’u mese di marzu, u ghjuvanottu adatta una pezza, in a casa famigliale, da sopra à u paese, in liuteria. Una anziana melituria induve face u so attellu. Cusì, a prima pezza hè dedicata à i travagli maiò (restaurazione) è l’altra à e finizzione (verniciatura, affitamenti, reparazione…). « Ci vulsutu à fà travagli (tettu, isulamentu)... »
In e duie pezze, ci sò strumenti in reparazione (una ghitarra elettrica, un viulinu…), stuvigli (pianellu, tornaviti…). Hè quì, ghjustu accantu à a casa, ch’ellu travaglia. « Aghju principiatu di maghju è sò surpresu di u travaddu chì ci hè. Ùn mi lagnu micca. A ghjente si dice ch’eddu ci hè un ghjovanu chì s’hè staddatu in paesi, ci voli à fà lu travaddà. »
Liutaghju è sunadore di viulinu
Liutaghju, Antò Maria, cunnosce dinò si strumenti per sunà ne appena. « Aghju principiatu qualchì annu fà cù Micheli Solinas, chì t’avia un atteddu in Auccià. Prima sunaiu di ghitarra è dopu, mi sò messu à u viulinu. »
In u so attellu, Antò Maria cuncepisce una ghitarra elettrica. Ma ùn conta d’arrestà si quì. « À più o menu longu andà, voddu fà ghitarri, viulini, cetera, mandulini...Ci voli à manteni iss’usi tradiziunali chì si perdeni. »
Durante a so furmazione, Antò Maria hè andatu in Cremona, induve ci hè tutti l’anni, una fiera mundiale di a liuteria. Hè quallà ch’ellu compra u so legnu è ch’ellu hà amparatu à fà i so vernici (gamme lacate, rasgine, culori)... « Facciu tuttu da per mè secondu à i dumandi di a ghjenti. »
Ver di i strumenti à fiatu
È cum’ellu sona di parechji strumenti è ch’ellu vole rivinvisce a tradizione, u liutaghju à l’idea di creà pivane, pirule, cialamelle. « Serà a seguita logica di u me travaddu. Per avà, sò cuncentratu nantu à a reparazioni, ùn si passa micca troppu mali. Si viderà dopu... »
Fora di u so mistieru, Antò Maria cerca dinò à mantene e trincate tradiziunale. Un usu chì si perde ellu dinò ma ch’ellu conta, cù d’altri, di fà campà di tantu in tantu à tempu à u sviluppu di a vita paisana. Un esempiu da seguità.
Ph.P.
Antò Maria Angeli
A Ribba, 20167, Sarrula è Carcupinu
Cuntattu : 06-25-33-14-74
pagina Facebook è Instagram
