USS Corsica : rispettà u duvere di memoria
Associu : USS Corsica
USS Corsica : rispettà u duvere di memoria
Natu vinti anni fà da qualchì passiunatu di storia, issu associu travaglia, à traversu tutte e so attività, à prò di a memoria nantu à e duie guerre mundiale di u 1914-1918 è di u 1939-1945…
In u 2003, dui amichi bastiacci, Antone Ansidei è Alanu Allegre, passiunati di storia è chì t’anu sopratuttu a voglia di mantene viva a memoria di e duie guerre mundiale, dicidenu di creà un associu. USS Corsica hè in marchja. « U scopu, spiega Alanu Allegre, presidente di a struttura, era di fà scopre à tutti i ghjovani, a storia d’isse duie guerre ma ciò chì s’hè passatu in Corsica. »
Di fattu, i dui amichi sò racuglidori di materiale militariu. Tenenu in casa soia, panni, ugetti diversi è veiculi militarii. « Avemu sei uniforme di Goumiers Maruccani, l’unità chì hà liberatu Bastia aghjusta u presidente, dinò di u primu RTM, è qualchì tenuta di a prima guerra. Trente uniforme in tuttu…Eppo unepochi di Jee è un camiò »
I dui omi si mettenu in cerca di ducumenti per allargà, à tempu, e so cunniscenze storiche è a so voglia d’andà più luntanu. « Avemu pussutu racoglie testimonii d’ultimi anziani è strada facendu, avemu principiatu qualchì mostra. »
Un travagliu impurtante cù i sculari
A squadra di l’associu cuntinueghja à sulcà a so andatura. À pocu à pocu, affaccanu d’altri passiunati per purtà a struttura à una quindicena di persone. Ognunu t’hà un rolu particulare (armi, tenute, veiculi, radiu, ducumenti... « Travagliemu, à spessu, cù i sculari in leia cù i stabilimenti, masimu e classe induve e guerre sò scritte à u prugramma. »
In u quadru di u cuncettu « A strada di a memoria » chì si passa tutti l’anni d’ottobre, l’associu travaglia ghjust’appuntu cù zitelli di e scole, culleghji è licei. « Si tratta à spessu di terzi chè a liberazione di a Corsica hè scritta à u so prugramma. Ghjunghjenu à a bocca di Teghime induve avemu rifattu custruzzione taliane di a seconda guerra. Quì, tuttu si passa in dui tempi : una prova spurtiva è a ricustituzione di ciò chì si passò in tempu di guerra quallà cù u PC germanu, i Taliani, ecc...I zitelli sò in cundizioni vere, hè diferente di ciò ch’elli ponu amparà nantu à libri... »
E cummemuraezione di u nove di settembre
Ogni volta, 300 sculari sò tocchi da iss’evenimente quì. Ma questu annu, seranu u doppiu ch’è noi caschemu nantu à l’ottantesimu anniversariu di a liberazione di a Corsica. L’Occasione, per l’associu di cuntinuà à participà à e cummemurazione (facenu dighjà, l’8 di maghju, u 14 di lugliu, ecc…) à fiancu à u MVCG Corsica, di Nestor Bouttaud, in u Pumonte. Chè l’associu conta sviluppà si dinò in u Meziornu di l’Isula. « Ci vidimu à spessu è cuntemu di sparghje u nostru travagliu in Pumonte à partesi di questu annu. »
Un nove di settembre, 200 veiculi di a seconda guerra mundiale seranu in Aiacciu per a cummemurazione di l’ottantesimu anniversariu di a liberazione di a Corsica, pertuta d’Aiacciu. Frà tempu, USS Corsica cuntinueghja u so impegnu à prò di i sculari o à l’occasione di cummerazione di u nove di settembre (in Aiacciu, a Ghisunaccia, Ghisoni…). Sempre cù u scopu di mantene un duvere di memoria.
F.P.
Natu vinti anni fà da qualchì passiunatu di storia, issu associu travaglia, à traversu tutte e so attività, à prò di a memoria nantu à e duie guerre mundiale di u 1914-1918 è di u 1939-1945…
In u 2003, dui amichi bastiacci, Antone Ansidei è Alanu Allegre, passiunati di storia è chì t’anu sopratuttu a voglia di mantene viva a memoria di e duie guerre mundiale, dicidenu di creà un associu. USS Corsica hè in marchja. « U scopu, spiega Alanu Allegre, presidente di a struttura, era di fà scopre à tutti i ghjovani, a storia d’isse duie guerre ma ciò chì s’hè passatu in Corsica. »
Di fattu, i dui amichi sò racuglidori di materiale militariu. Tenenu in casa soia, panni, ugetti diversi è veiculi militarii. « Avemu sei uniforme di Goumiers Maruccani, l’unità chì hà liberatu Bastia aghjusta u presidente, dinò di u primu RTM, è qualchì tenuta di a prima guerra. Trente uniforme in tuttu…Eppo unepochi di Jee è un camiò »
I dui omi si mettenu in cerca di ducumenti per allargà, à tempu, e so cunniscenze storiche è a so voglia d’andà più luntanu. « Avemu pussutu racoglie testimonii d’ultimi anziani è strada facendu, avemu principiatu qualchì mostra. »
Un travagliu impurtante cù i sculari
A squadra di l’associu cuntinueghja à sulcà a so andatura. À pocu à pocu, affaccanu d’altri passiunati per purtà a struttura à una quindicena di persone. Ognunu t’hà un rolu particulare (armi, tenute, veiculi, radiu, ducumenti... « Travagliemu, à spessu, cù i sculari in leia cù i stabilimenti, masimu e classe induve e guerre sò scritte à u prugramma. »
In u quadru di u cuncettu « A strada di a memoria » chì si passa tutti l’anni d’ottobre, l’associu travaglia ghjust’appuntu cù zitelli di e scole, culleghji è licei. « Si tratta à spessu di terzi chè a liberazione di a Corsica hè scritta à u so prugramma. Ghjunghjenu à a bocca di Teghime induve avemu rifattu custruzzione taliane di a seconda guerra. Quì, tuttu si passa in dui tempi : una prova spurtiva è a ricustituzione di ciò chì si passò in tempu di guerra quallà cù u PC germanu, i Taliani, ecc...I zitelli sò in cundizioni vere, hè diferente di ciò ch’elli ponu amparà nantu à libri... »
E cummemuraezione di u nove di settembre
Ogni volta, 300 sculari sò tocchi da iss’evenimente quì. Ma questu annu, seranu u doppiu ch’è noi caschemu nantu à l’ottantesimu anniversariu di a liberazione di a Corsica. L’Occasione, per l’associu di cuntinuà à participà à e cummemurazione (facenu dighjà, l’8 di maghju, u 14 di lugliu, ecc…) à fiancu à u MVCG Corsica, di Nestor Bouttaud, in u Pumonte. Chè l’associu conta sviluppà si dinò in u Meziornu di l’Isula. « Ci vidimu à spessu è cuntemu di sparghje u nostru travagliu in Pumonte à partesi di questu annu. »
Un nove di settembre, 200 veiculi di a seconda guerra mundiale seranu in Aiacciu per a cummemurazione di l’ottantesimu anniversariu di a liberazione di a Corsica, pertuta d’Aiacciu. Frà tempu, USS Corsica cuntinueghja u so impegnu à prò di i sculari o à l’occasione di cummerazione di u nove di settembre (in Aiacciu, a Ghisunaccia, Ghisoni…). Sempre cù u scopu di mantene un duvere di memoria.
F.P.
