Aiacciu à l'ora di u sinemà talianu
U festivale di u filmu talianu
Aiacciu à l’ora di u sinemà talianu
L’associu purtatu da a so capimachja Agnès Leca urganizeghja, da iss’ondeci à u dicenove di nuvembre, a vintiquattresima edizione di u filmu talianu. Ondeci filmi sò in cumpetizione per una manifestazione monda aspettata…
U festivale di u filmu talianu, percorsu iniziatu à a fine di l’anni novanta in Aiacciu da Serge Leca, u so fundatore, ripiglia fiatu dopu à a crisa sanitaria. Ma dapoi ch’ella hà ripigliatu a seguita di u so babbu, Agnès, a figliola, hà vulsute mantene, cù di sicuru, a passione necessaria, u listessu stintu. È à tempu, a qualità di l’urganisazione è di a prugramzione cù, ogni volta, attore è realizatori rinumati. Cusì, è malgratu a nascita o u mantetimente d’altri festivali in Aiacciu è altrò, a manifestazione ùn cala micca dapoi vintiquattru anni. « L’avvicinanza culturali è linguistica cù l’Italia faci monda, spiega a capimachja di u festivale, ma dinò u seriu è l’impegnu di tutta a squadra. »
17 filmi, 11 in cumpetizione
Durante una settimana, u Palazzu di i Cungressi accoglie dunque a vintiquattru edizione d’un festivale monda aspettatu per via, ghjust’à puntu ch’elli t’anu i Corsi per l’Italia. Ma si tratta sopratuttu di u settesimu arte. È à iss’occasione, ci vole à ricunnosce chè l’urganizatori si sò impegnati per prupone una prugramazione di qualità.
« Avemi privisti 17 filmi in tuttu, aghjusta Agnès Leca, frà elli, 11 serani in cumpetizione. Dopu à a crisa sanitaria, si pò dì ch’è noi averemi u ritornu di u sinemà talianu burlescu cù a presenza per scambià cù u publicu, di realisatori rinumati. »
Un’ edizione marcata da maestri di u nove sinemà talianu (Matteo Garrone, Stefano Sollima, Nanni Moretti o Francesca Archibugi), da quelli chì ghjunghjenu sempre in Aiacciu (Ivano De Matteo, Fabio Mollo),da realizatori indiati (Marta Savina, Paola Randi), da a grinfia di u talente (Pippo Mezzapesa, Pietro Castellitto, Beppe Fiorello, Lyda Patitucci, Alessandro Bardani, Edoardo De Angelis) o da l’attori à l’aspettu burlescu (Riccardo Milani, Alessandro Siani, Francesco Albanese). Ci seranu, in tuttu, 49 prughjezzione. Frà elli « Adagio » (Stefano Sollima), a storia d’un adulescente vittimu di ricattu, « Come pecore in mezzo ai lupi » (Lyda Patituci) un drama chì conta u percorsu d’una pulizzera chì corre apressu à maffiosi, scuprendu, frà elli, u so fratellu, « Il più bello secolu della mia vita » (Alessandro Bardani), una cumedia à l’usu talianu chì ci conta u percorsu di Giovanni, un zitellu, micca ricunnisciutu à a nascita chì parte à circà i so genitori biulugichi, « Tramite amicizia » (Alessandro Siani), a storia di u capimachja d’un’agenza chì mette à pighjò...amichi, o « Grazie Ragazzi » (Riccardo Milani), un altru filmu burlescu nantu à a vita d’un anzianu attore di teatru chì cerca à rilancià si in a... pornografia. In tuttu, quattru premii sò privisti : u premiu Serge Leca (gran premiu di u Festivale), quellu di u publicu, di a ghjuria liceana ( cù Xavier Afre è Dominique Poli) è quellu di e bibbiutecche è mediateche. « Una prugramazzione ricca, aghjusta Agnès Leca, è l’occasione di passà un bellu mumentu à mezu à passiunati. »
L’appuntamentu hè pigliatu per tutti quelli chì li piacenu u settesimu arte è masimu u Talianu…
Ph.P
L’associu purtatu da a so capimachja Agnès Leca urganizeghja, da iss’ondeci à u dicenove di nuvembre, a vintiquattresima edizione di u filmu talianu. Ondeci filmi sò in cumpetizione per una manifestazione monda aspettata…
U festivale di u filmu talianu, percorsu iniziatu à a fine di l’anni novanta in Aiacciu da Serge Leca, u so fundatore, ripiglia fiatu dopu à a crisa sanitaria. Ma dapoi ch’ella hà ripigliatu a seguita di u so babbu, Agnès, a figliola, hà vulsute mantene, cù di sicuru, a passione necessaria, u listessu stintu. È à tempu, a qualità di l’urganisazione è di a prugramzione cù, ogni volta, attore è realizatori rinumati. Cusì, è malgratu a nascita o u mantetimente d’altri festivali in Aiacciu è altrò, a manifestazione ùn cala micca dapoi vintiquattru anni. « L’avvicinanza culturali è linguistica cù l’Italia faci monda, spiega a capimachja di u festivale, ma dinò u seriu è l’impegnu di tutta a squadra. »
17 filmi, 11 in cumpetizione
Durante una settimana, u Palazzu di i Cungressi accoglie dunque a vintiquattru edizione d’un festivale monda aspettatu per via, ghjust’à puntu ch’elli t’anu i Corsi per l’Italia. Ma si tratta sopratuttu di u settesimu arte. È à iss’occasione, ci vole à ricunnosce chè l’urganizatori si sò impegnati per prupone una prugramazione di qualità.
« Avemi privisti 17 filmi in tuttu, aghjusta Agnès Leca, frà elli, 11 serani in cumpetizione. Dopu à a crisa sanitaria, si pò dì ch’è noi averemi u ritornu di u sinemà talianu burlescu cù a presenza per scambià cù u publicu, di realisatori rinumati. »
Un’ edizione marcata da maestri di u nove sinemà talianu (Matteo Garrone, Stefano Sollima, Nanni Moretti o Francesca Archibugi), da quelli chì ghjunghjenu sempre in Aiacciu (Ivano De Matteo, Fabio Mollo),da realizatori indiati (Marta Savina, Paola Randi), da a grinfia di u talente (Pippo Mezzapesa, Pietro Castellitto, Beppe Fiorello, Lyda Patitucci, Alessandro Bardani, Edoardo De Angelis) o da l’attori à l’aspettu burlescu (Riccardo Milani, Alessandro Siani, Francesco Albanese). Ci seranu, in tuttu, 49 prughjezzione. Frà elli « Adagio » (Stefano Sollima), a storia d’un adulescente vittimu di ricattu, « Come pecore in mezzo ai lupi » (Lyda Patituci) un drama chì conta u percorsu d’una pulizzera chì corre apressu à maffiosi, scuprendu, frà elli, u so fratellu, « Il più bello secolu della mia vita » (Alessandro Bardani), una cumedia à l’usu talianu chì ci conta u percorsu di Giovanni, un zitellu, micca ricunnisciutu à a nascita chì parte à circà i so genitori biulugichi, « Tramite amicizia » (Alessandro Siani), a storia di u capimachja d’un’agenza chì mette à pighjò...amichi, o « Grazie Ragazzi » (Riccardo Milani), un altru filmu burlescu nantu à a vita d’un anzianu attore di teatru chì cerca à rilancià si in a... pornografia. In tuttu, quattru premii sò privisti : u premiu Serge Leca (gran premiu di u Festivale), quellu di u publicu, di a ghjuria liceana ( cù Xavier Afre è Dominique Poli) è quellu di e bibbiutecche è mediateche. « Una prugramazzione ricca, aghjusta Agnès Leca, è l’occasione di passà un bellu mumentu à mezu à passiunati. »
L’appuntamentu hè pigliatu per tutti quelli chì li piacenu u settesimu arte è masimu u Talianu…
Ph.P
