Da u 2 à u 9 di dicembre : U Festivale di u filmu inghlese
A Corsica si mette à l'ora di u sinemà inghlese, scuzzese è irlandese
A Corsica si mette à l’ora di u sinemà inghlese, scuzzese è irlandese
E cità d’Aiacciu è Corti urganizeghjanu da u 2 à u 9 di dicembre, a quattordicesima edizione di u festivale di u filmu inghlese, scuzzese è irlandese. Una vintena di filmi sò privisti per una manifestazione chì face a so strada...
Creatu à l’iniziu di u 2009 da unepochi di passiunati, u festivale di u filmu inghlese, scuzzese è irlandese si face cunnosce dapoi quattordeci anni in a Cità Imperiale. Di sicuru, ùn ci serà l’avvicinera culturale è linguistica ch’è noi t’avemu cù paesi cum’è l’Italia o a Spagna, ma quantunque u settesimu arte, masimu in issi paesi quì, hè assai rinumatu. « A storia d’Aiacciu hè liata à l’Inghliterra,
spieganu l’urganizatori, in i tempi di u XIXu seculu, parechji lochi aiaccini eranu ricercati da a burghesia inghlese. U corsu Grandval, u quartieru dettu, di l’Inghlesi, u Cyrnos Palace, a ghjesgia inghlicana, u boscu di l’Inghlesi, ghjunghjenu à testimunià d’una prisenza in Aiacciu. Ancu s’ellu si tratta, oghje di sinemà, issa leia esiste. »
Vinti filmi in cumpetizione
L’urganizatori avianu sceltu u nome « Under my screen » (sottu à u me screnu) per, ghjust’à puntu fà a leia naturale cù iss’arte. Cusì, è tutti l’anni dapoi quattordeci anni, u festivale prupone una selezzione di filmi inghlesi, irlandesi è scuzzesi di qualità. « Hè dinò l’occasione di sparte, scambià intornu à li stessa passione, trà u publicu è persunalità invitate ch’anu da permette d’arricchisce cunniscenze nantu à issu sinemà. »
Cum’è tutti l’anni nanzu à a prugramazione, si mette mettenu in piazza un cuncorsu dedicatu à sbuccà nantu à l’affissu ufficiale. Questu annu, trè candidati sò stati ritenuti : Jefferson Paganel per « Tower a Bandera », scelta per esse l’affissu ufficiale di a manifestazione, ma dinò Olivia Figarella è Alexandre Bastide. In tuttu, une vintena di filmi seranu in cumpetizione.
Nuvità, diffusione in Corti
Frà elli, « Blue Jean » (2022, Georgia Oakley), a storia d’un prufessore d’educazione fisica, « After Sun » (2023, Charlotte Wells), chì conta u raportu trà un babbu è a so figliola o « The old oak » (2023, Ken Laoch), chì tratta di u razzisimu…, tutti i filmi anu da esse, cum’è ogni anni, diffusati in versione uriginale sottu titulati in francese. A manifestazione si passerà nantu à quattru siti diversi : i sinemà Ellipse è Letitizia, u spaziu Diamante cum’è sempre ma nuvità, in Corti à a sala Alba. Scambii cù invitati, scontri, spartera, sò mumenti impurtanti chè l’Aiaccini anu da pudè passà. Cù, à a fine, ottu premii diferenti : u Gran Premiu Under my Screen (più bellu filmu), u premiu Dorothy Carrington/James Boswell (più bella interpretazione), u premiu di u publicu, u premiu Pasquale Paoli (premiu di a ghjuria), premiu pedagogicu, premiu di i studienti, premiu di i liceani, premiu di i culleghjani...Dati da sei ghjurie : i prufessiunali (ghjurnalisti, attori, pruduttori, realizatori…), i prufessori (da stabilimenti sculari d’Aiaccu è u circondu è da l’Università di Corsica), i studienti, i liceani, i culleghjani è a ghjuria di u festivale. L’occasione, in una settimana di scuntrà un sinemà particulare è ancu di score, ind’un altru cuntestu, a lingua di Shakespeare…
P
E cità d’Aiacciu è Corti urganizeghjanu da u 2 à u 9 di dicembre, a quattordicesima edizione di u festivale di u filmu inghlese, scuzzese è irlandese. Una vintena di filmi sò privisti per una manifestazione chì face a so strada...
Creatu à l’iniziu di u 2009 da unepochi di passiunati, u festivale di u filmu inghlese, scuzzese è irlandese si face cunnosce dapoi quattordeci anni in a Cità Imperiale. Di sicuru, ùn ci serà l’avvicinera culturale è linguistica ch’è noi t’avemu cù paesi cum’è l’Italia o a Spagna, ma quantunque u settesimu arte, masimu in issi paesi quì, hè assai rinumatu. « A storia d’Aiacciu hè liata à l’Inghliterra,
spieganu l’urganizatori, in i tempi di u XIXu seculu, parechji lochi aiaccini eranu ricercati da a burghesia inghlese. U corsu Grandval, u quartieru dettu, di l’Inghlesi, u Cyrnos Palace, a ghjesgia inghlicana, u boscu di l’Inghlesi, ghjunghjenu à testimunià d’una prisenza in Aiacciu. Ancu s’ellu si tratta, oghje di sinemà, issa leia esiste. »
Vinti filmi in cumpetizione
L’urganizatori avianu sceltu u nome « Under my screen » (sottu à u me screnu) per, ghjust’à puntu fà a leia naturale cù iss’arte. Cusì, è tutti l’anni dapoi quattordeci anni, u festivale prupone una selezzione di filmi inghlesi, irlandesi è scuzzesi di qualità. « Hè dinò l’occasione di sparte, scambià intornu à li stessa passione, trà u publicu è persunalità invitate ch’anu da permette d’arricchisce cunniscenze nantu à issu sinemà. »
Cum’è tutti l’anni nanzu à a prugramazione, si mette mettenu in piazza un cuncorsu dedicatu à sbuccà nantu à l’affissu ufficiale. Questu annu, trè candidati sò stati ritenuti : Jefferson Paganel per « Tower a Bandera », scelta per esse l’affissu ufficiale di a manifestazione, ma dinò Olivia Figarella è Alexandre Bastide. In tuttu, une vintena di filmi seranu in cumpetizione.
Nuvità, diffusione in Corti
Frà elli, « Blue Jean » (2022, Georgia Oakley), a storia d’un prufessore d’educazione fisica, « After Sun » (2023, Charlotte Wells), chì conta u raportu trà un babbu è a so figliola o « The old oak » (2023, Ken Laoch), chì tratta di u razzisimu…, tutti i filmi anu da esse, cum’è ogni anni, diffusati in versione uriginale sottu titulati in francese. A manifestazione si passerà nantu à quattru siti diversi : i sinemà Ellipse è Letitizia, u spaziu Diamante cum’è sempre ma nuvità, in Corti à a sala Alba. Scambii cù invitati, scontri, spartera, sò mumenti impurtanti chè l’Aiaccini anu da pudè passà. Cù, à a fine, ottu premii diferenti : u Gran Premiu Under my Screen (più bellu filmu), u premiu Dorothy Carrington/James Boswell (più bella interpretazione), u premiu di u publicu, u premiu Pasquale Paoli (premiu di a ghjuria), premiu pedagogicu, premiu di i studienti, premiu di i liceani, premiu di i culleghjani...Dati da sei ghjurie : i prufessiunali (ghjurnalisti, attori, pruduttori, realizatori…), i prufessori (da stabilimenti sculari d’Aiaccu è u circondu è da l’Università di Corsica), i studienti, i liceani, i culleghjani è a ghjuria di u festivale. L’occasione, in una settimana di scuntrà un sinemà particulare è ancu di score, ind’un altru cuntestu, a lingua di Shakespeare…
P
