Messa di i ringraziamentu : un rituale particulare
U 31 di dicembre
Lingua corsa : Messa di i ringraziamentu : un rituale particulare
U 31 di dicembre, a ghjesgia di Corsica celebreghja a messa di u ringraziamentu. Un mumentu particulare induve a liturgia hè bulicata cù u bilanciu di l’annu passatu. Un usu adupratu di manera specifica in Corsica…
Di regula, masimu in a suctà di cunsumazione ch’è noi cunniscimu oghje, u 31 di dicembre, ci appruntemu à festighjà u capu d’annu. Per ciò chì tocca à l’aspettu spirituale, si tratta di a liturgia chì, ella, ùn hè micca arrimbata nantu à u calendariu annuale. « Issu mumentu, spiega u prete Antone Peretti, hè l’uccasioni, per i fideli, di fà u bilanciu di a so azzioni cristiana duranti l’annu. Hè una messa d’azzioni di grazia induva ogni locu s’hà da mintuà i celebrazioni maiò di l’annu : battesimi, intarri, matrimonii, festa patrunali... »
« Una messa più parsunali chè quidda di Natali »
Ci seria, di fattu, una demarchja particulare per raportu à ciò chì si face, d’una manera generale, in ghjesgia tuttu l’annu. Vale à dì, per indettu, un attu fisicu liatu à una certa penitenza. Pocu tempi fà, si principiava a ceremonia cù una vasca d’acqua benedetta induve a ghjente venia à dumandà perdonu. « Oghji, l’usi ani scambiati, aghjusta u prete, a ghjenti veni à salutà a croci... »
Dopu à issu rituale, a messa principia. Un mumentu specificu in Corsica induve u raportu à a fede piglia un versu particulare per via, forse di a storia religiosa di l’isula, di a leia cù e cunfraternite, ecc... « Per i fideli, hè una messa più parsunali chè quidda di Natali ancu s’è a ghjenti ci và in famidda... »
Issu mumentu hè dinò l’occasione, per i preti d’adunisce i fideli è di trattà di l’annu à vene. « Dumandemi à u Signori chè l’annata sia bedda. Si tratta dinò di i travagli à fà in ogni parocchia...Hè un ciculu novu chì principia. »
Ci pò esse a messa o a benedizzione di u Santissimu Sacramentu. Per i canti, si ponu accuncià u « Miserere » in umaggiu à quelli chì sò spariti, è canti più allegri cum’è Te Deum, Salutaris o Tantum Ergo. U ghjornu di Capu d’annu hè statu battizatu Santa Maria mamma di Diu da u Papa Paulu u sestu in u 1968
Fede religiosa è paganisimu...
Ma tuttu u mondu a sà ch’ind’è noi, cristianisimu è paganisimu sò assai liati. Tandu, in certi paesi, si tagliava una rama d’albitru a sera di a San Sulvestru, un simbolu di fertilità, unu usu piuttostu natalescu tempi fà. Per a vigilia, si facia dinò una spezia di prucessiò cù un rituale specificu secondu à i lochi di Corsica. Monda aduprata benchè sparita, « a birba », un usu induve a ghjente facianu un percorsu in paese per dumandà robba da manghjà. Una pratica chì s’assumiglia à a Sant’ Andria (pricantula) è à tempu à u Carnavale cù canti scherzosi. Pudemu dinò ritruvà leia cù l’epifania o ancu a ciriola. D’altri riti anu francatu un tempu cum’è pratiche à cantu à funtane chè a so acqua l’ultima notte di l’annata avia virtù particulare. Per celebrà l’annu novu, i zitelli andavanu à pichjà à tutte e porte di u paese cù u recitativu : « Bon dì, bon annu è bon Capu d’annu. Pace è salute per tuttu l’annu. » Una manera di dumandà e strenne di capu d’annu è di manghjà qualchì cicculata. Un usu chì quessu quì dinò hè sparitu. Ferma quantunque un qualcusellu d’une traccia antica da sfruttà per mantene ciò chì face a nostra specificità ch’ella sia liata o nò a u fattu religiosu.
F.P.
U 31 di dicembre, a ghjesgia di Corsica celebreghja a messa di u ringraziamentu. Un mumentu particulare induve a liturgia hè bulicata cù u bilanciu di l’annu passatu. Un usu adupratu di manera specifica in Corsica…
Di regula, masimu in a suctà di cunsumazione ch’è noi cunniscimu oghje, u 31 di dicembre, ci appruntemu à festighjà u capu d’annu. Per ciò chì tocca à l’aspettu spirituale, si tratta di a liturgia chì, ella, ùn hè micca arrimbata nantu à u calendariu annuale. « Issu mumentu, spiega u prete Antone Peretti, hè l’uccasioni, per i fideli, di fà u bilanciu di a so azzioni cristiana duranti l’annu. Hè una messa d’azzioni di grazia induva ogni locu s’hà da mintuà i celebrazioni maiò di l’annu : battesimi, intarri, matrimonii, festa patrunali... »
« Una messa più parsunali chè quidda di Natali »
Ci seria, di fattu, una demarchja particulare per raportu à ciò chì si face, d’una manera generale, in ghjesgia tuttu l’annu. Vale à dì, per indettu, un attu fisicu liatu à una certa penitenza. Pocu tempi fà, si principiava a ceremonia cù una vasca d’acqua benedetta induve a ghjente venia à dumandà perdonu. « Oghji, l’usi ani scambiati, aghjusta u prete, a ghjenti veni à salutà a croci... »
Dopu à issu rituale, a messa principia. Un mumentu specificu in Corsica induve u raportu à a fede piglia un versu particulare per via, forse di a storia religiosa di l’isula, di a leia cù e cunfraternite, ecc... « Per i fideli, hè una messa più parsunali chè quidda di Natali ancu s’è a ghjenti ci và in famidda... »
Issu mumentu hè dinò l’occasione, per i preti d’adunisce i fideli è di trattà di l’annu à vene. « Dumandemi à u Signori chè l’annata sia bedda. Si tratta dinò di i travagli à fà in ogni parocchia...Hè un ciculu novu chì principia. »
Ci pò esse a messa o a benedizzione di u Santissimu Sacramentu. Per i canti, si ponu accuncià u « Miserere » in umaggiu à quelli chì sò spariti, è canti più allegri cum’è Te Deum, Salutaris o Tantum Ergo. U ghjornu di Capu d’annu hè statu battizatu Santa Maria mamma di Diu da u Papa Paulu u sestu in u 1968
Fede religiosa è paganisimu...
Ma tuttu u mondu a sà ch’ind’è noi, cristianisimu è paganisimu sò assai liati. Tandu, in certi paesi, si tagliava una rama d’albitru a sera di a San Sulvestru, un simbolu di fertilità, unu usu piuttostu natalescu tempi fà. Per a vigilia, si facia dinò una spezia di prucessiò cù un rituale specificu secondu à i lochi di Corsica. Monda aduprata benchè sparita, « a birba », un usu induve a ghjente facianu un percorsu in paese per dumandà robba da manghjà. Una pratica chì s’assumiglia à a Sant’ Andria (pricantula) è à tempu à u Carnavale cù canti scherzosi. Pudemu dinò ritruvà leia cù l’epifania o ancu a ciriola. D’altri riti anu francatu un tempu cum’è pratiche à cantu à funtane chè a so acqua l’ultima notte di l’annata avia virtù particulare. Per celebrà l’annu novu, i zitelli andavanu à pichjà à tutte e porte di u paese cù u recitativu : « Bon dì, bon annu è bon Capu d’annu. Pace è salute per tuttu l’annu. » Una manera di dumandà e strenne di capu d’annu è di manghjà qualchì cicculata. Un usu chì quessu quì dinò hè sparitu. Ferma quantunque un qualcusellu d’une traccia antica da sfruttà per mantene ciò chì face a nostra specificità ch’ella sia liata o nò a u fattu religiosu.
F.P.
