<< A Parasia >> Béa Casabianca
A dimensione spirituale di Béa Casabianca
« A Parasia », a dimensione spirituale di Béa Casabianca
L’artista isulana escerà à a fine di u mese di ferraghju, u so terzu dischettu « A parasia », quattru tituli chì trattanu di spiritualità à mezu à sunurità nove è d’altri musicanti…
Pian’pianinu, Béa Casabianca face a so strada in l’universu di u cantu corsu. Dopu à « Induvina », esciutu in u 2018 cù l’amicu Antone Tramini in tantu chè scrittore è cumpunitore, è « U Liame », in u 2021 cù una dimension più umanitaria, l’artista vulterà à a fine di ferraghju cù u so terzu dischettu : « A parasia », quattru tituli chì trattannu d’amore è di spiritualità. « Hè un percorsu novu, spiega a cantatrice, aghju vulsutu scambià appena a musicalità è dà à issu dischettu,una sunurità pop folk cù accenti latini d’America Suttana. »
Per purtà issu prughjettu, l’artista hà sceltu di travaglià cù d’altri musicanti tutti cunnisciuti: Denis Buffignani, membre d’Erin, chì scrive, cumpone, sona di ghitarra è face dinò l’accunciamenti, Patrick Nutoni (batteria), Thierry Loison (liuataghju chì sona di ghitarra bassa) è René Bacci (sintè…). Théo Sorbara, ellu, hè incaricatu di u sonu. « Hè una squadra chì mi seguita avà dapoi qualchì tempu, aghjusta Béa Casabianca, avemu datu dighjà parechji cuncerti insemi. Avemu travagliatu à nantu à stu dischettu. Pensu ch’hà da piace à u publicu. »
Ver di un tredeci tituli
« A Parasia », l’amore sommu, hè una parolla chì ghjunghjeria da a Bibbia, è pruposta da Rinatu Coti. « Hè un omu strasordinariu, avemu vulsutu rendeli umaggiu à traversu u titulu di u dischettu. Pò mintuà dinò u ritornu di Cristu. Issu discu novu, ch’ùn hà chè quattru tituli hè quì per essa messu in davanti è appruntà un dischettu più impurtanti ch’hà da escia à a fini di l’annu o appena dopu. Quessu quì averà tredeci tituli. Cù « A Parasia », avemu fattu una piccula publicità. Hè dinò una manera di mustrà u travagliu fattu cù issi musicanti. Hè un percorsu novu. » Denis Buffignani hà cumpostu l’inseme di u dischettu, scrittu trè di e quattru canzone, è Béa Casabianca una.
U cuntenutu da un soffiu novu à l’inseme. « Ti diciaraghju » conta a storia d’una donna ch’ùn dici mai nò è mustrà à a ghjenti chè l’amori veru esista. « Maria di l’Ulmeddi» tratta d’una donna chì campa sola in u so paesi ma aiutata da i ghjovani. « Da tè à mè », una canzona cantata solu cù una ghitarra tratta di l’amori universali. Ci hè vulsutu assai travagliu è emuzioni per issa canzona quì. Eppo in fini, « A più bedda piuma », dui persunaghji chì sunnieghjani...Ci hè di sicuru, una dimensioni spirituali. Ci n’hè bisognu cù ciò chì si vedi tutti i ghjorni...»
U dischettu novu hà da sorte à a fine di u mese di ferraghju nanzu à una prumuzione. « Ci serà a cummunicazioni ma dinò qualchì picculi serata nanzu à l’estati. Appruntemu un calendariu di manera à prisentà issi tituli è d’altri à u nosciu publicu. »
Fora di « A Parasia », Béa Casabianca travaglia nantu à « a seguita » (tredici tituli) è dinò un’altru dischetti induve sta volta hà chjamatu à Rinatu Andreucetti (gruppu Orizonte). Un’attualità abbastanza carca per l’estatina 2024 aspettendu un prughjettu teatrale sta volta.
F.P.
L’artista isulana escerà à a fine di u mese di ferraghju, u so terzu dischettu « A parasia », quattru tituli chì trattanu di spiritualità à mezu à sunurità nove è d’altri musicanti…
Pian’pianinu, Béa Casabianca face a so strada in l’universu di u cantu corsu. Dopu à « Induvina », esciutu in u 2018 cù l’amicu Antone Tramini in tantu chè scrittore è cumpunitore, è « U Liame », in u 2021 cù una dimension più umanitaria, l’artista vulterà à a fine di ferraghju cù u so terzu dischettu : « A parasia », quattru tituli chì trattannu d’amore è di spiritualità. « Hè un percorsu novu, spiega a cantatrice, aghju vulsutu scambià appena a musicalità è dà à issu dischettu,una sunurità pop folk cù accenti latini d’America Suttana. »
Per purtà issu prughjettu, l’artista hà sceltu di travaglià cù d’altri musicanti tutti cunnisciuti: Denis Buffignani, membre d’Erin, chì scrive, cumpone, sona di ghitarra è face dinò l’accunciamenti, Patrick Nutoni (batteria), Thierry Loison (liuataghju chì sona di ghitarra bassa) è René Bacci (sintè…). Théo Sorbara, ellu, hè incaricatu di u sonu. « Hè una squadra chì mi seguita avà dapoi qualchì tempu, aghjusta Béa Casabianca, avemu datu dighjà parechji cuncerti insemi. Avemu travagliatu à nantu à stu dischettu. Pensu ch’hà da piace à u publicu. »
Ver di un tredeci tituli
« A Parasia », l’amore sommu, hè una parolla chì ghjunghjeria da a Bibbia, è pruposta da Rinatu Coti. « Hè un omu strasordinariu, avemu vulsutu rendeli umaggiu à traversu u titulu di u dischettu. Pò mintuà dinò u ritornu di Cristu. Issu discu novu, ch’ùn hà chè quattru tituli hè quì per essa messu in davanti è appruntà un dischettu più impurtanti ch’hà da escia à a fini di l’annu o appena dopu. Quessu quì averà tredeci tituli. Cù « A Parasia », avemu fattu una piccula publicità. Hè dinò una manera di mustrà u travagliu fattu cù issi musicanti. Hè un percorsu novu. » Denis Buffignani hà cumpostu l’inseme di u dischettu, scrittu trè di e quattru canzone, è Béa Casabianca una.
U cuntenutu da un soffiu novu à l’inseme. « Ti diciaraghju » conta a storia d’una donna ch’ùn dici mai nò è mustrà à a ghjenti chè l’amori veru esista. « Maria di l’Ulmeddi» tratta d’una donna chì campa sola in u so paesi ma aiutata da i ghjovani. « Da tè à mè », una canzona cantata solu cù una ghitarra tratta di l’amori universali. Ci hè vulsutu assai travagliu è emuzioni per issa canzona quì. Eppo in fini, « A più bedda piuma », dui persunaghji chì sunnieghjani...Ci hè di sicuru, una dimensioni spirituali. Ci n’hè bisognu cù ciò chì si vedi tutti i ghjorni...»
U dischettu novu hà da sorte à a fine di u mese di ferraghju nanzu à una prumuzione. « Ci serà a cummunicazioni ma dinò qualchì picculi serata nanzu à l’estati. Appruntemu un calendariu di manera à prisentà issi tituli è d’altri à u nosciu publicu. »
Fora di « A Parasia », Béa Casabianca travaglia nantu à « a seguita » (tredici tituli) è dinò un’altru dischetti induve sta volta hà chjamatu à Rinatu Andreucetti (gruppu Orizonte). Un’attualità abbastanza carca per l’estatina 2024 aspettendu un prughjettu teatrale sta volta.
F.P.
