L'universu astrattu d'elise Milano
stitutrice dapoi guasgi trenta anni, Elise Milano s'hè messa à pinghje ottu nanni fà.
L’universu astrattu d’Elise Milano
Stitutrice dapoi guasgi trenta anni, Elise Milano s’hè messa à pinghje ottu anni fà. Una passione zitellina chì diventa, oghje, u so campà. È sopratuttu un sguardu particulare nantu à u mondu è a spiritualità. À traversu e so tele, induve ella mette in vale a bellezza feminile di l’anima, l’artista c’invita à una certa intruspezzione è à poneci a questione esistenziale : « Quale sò ? »…Misteru di u mondu…
Culori freti o vivi, donne à l’ochji lindi, capelli longhi o corti, sguardi chì « parlanu », chì contanu a so vita ma aldilà di a materialità, visi ch’invitanu ciò ch’è noi t’avemu di più puru in fondu à noi, semu ind’e l’universu astrattu d’Elise Milano. È s’è, à u cuntrariu di u dettu di Corneille, « U valore » hà aspettanu l’anni per sprimesi, ùn fù, per l’artista, chè per diventà una spezia di calamita chì porta u sguardu di quellu chì t’hà a furtuna di « fighjulà » più chè vede, ver di qualcosa d’indicibile, ch’ùn si pò spiegà, nè cù a reflessione intelletuale, nè cù i sensi…
Una passione zitellina
Per Elise, l’arte di pinghje hè natu zitella. « À sei anni, spiega l’artista, vuliu esse pittore. Babbu facia l’arti plastichi, forse m’averà tramandatu senza sapè la, un qualcusellu. Aghju principiatu cù disegni. Eppo, à u culleghju, M.Théthard, u me prufessore d’arti plastichi, m’insegnò a tecnica per riprisentà una persona. »
Elise principia à fà ritratti di persone cunnisciute, sempre à a mina. À tempu, t’hà a voglia di mette appena di culori. Tandu, seranu disegni più figurativi. S’ella sà, à l’epica, chè a so strada hè quì… « A sapiu ch’un ghjornu, sariu pittore, era dighjà sculpitu in mè… », face a so vita. Passa u so basciliè è…Vole fà a scola di « Les Beaux-Arts ». « Mamma mi disse ch’ellu mi tuccava à sceglie piuttostu qualcosa in Corti. Fù dunque lettere muderne (licenza) è, appena più tardi, u cuncorsu di l’IUFM per esse stitutrice. Facciu sempre issu mistieru ma, à dilla franca, ùn mi piace micca a pressione di a ierarchia. Ci hè, ogjhe, una vera degradazione di l’imagine è u rolu di l’insegnanti. À tempu, aghju sempre avutu prughjetti intornu à a pittura cù u me sculari… »
Una forma feminile
Ottu anni fà, l’artista scontra un’amica pittore, Brigitte, è u destinu pichja dinò à a so porta. « Era l’ora di ripiglià ! Aghju cumpratu pinnelli, pittura, ecc. è aghju fattu una prima tela. Di fattu, aghju ripigliatu induve m’eru piantata zitella…. »
Subbitu, Elise mette a so grinfia, vale à dì cù a vulintà di trattà di l’astrattu. « L’astrattu hè à a pittura ciò chì a puesia hè à a litteratura. Ci hè qualcosa di sughjestivu ch’ùn si pò spiegà. »
Tandu, u so universu, fattu d’evucazione à l’anima ch’ella sia individuale o ancu quella di u mondu, piglia una forma feminile. « Di fattu, sò pertuta nantu à u ritrattu eppo aghju bulicatu i dui. A donna perchè hè l’imagine d’un media chì nasce à tempu à ciò ch’è noi campemu ind’a nostra vita. »
L’artista face una decina di pitture à l’annu è uni pochi di mostre in Aiacciu, u Borgu, u Parcu Galea, Villanova, Locu Teatrale…Cù u so arte, si tratta di a bellezza, ma micca quella ch’averia u so cuntrariu. « Osinnò, pudiu pinghje, ghjovane, zitelle, anziane, donne più belle chè d’altre. Ùn cercu micca issa bellezza quì, ma quella di l’anima, c’ùn hà nè culore, nè odore, nè spaziu, nè tempu…Per mè, ghjè u misteru di u mondu. Un’interrugazione metafisica à partesi d’un sguardu. Ùn si pò, masimu ind’u mondu materiale induve noi campemu, pinsendu à sè, à esse più riccu, avè più putere, ecc…, nigà issu misteru quì. U campà d’oghje hà sguassatu l’aspettu essenziale di a bellezza. Issu messaghje, ùn lu possu micca sprime fora d’una pittura… »
A bellezza di u mondu, u sensu sputicu di u mondu sacru, a bellezza « naturale » di l’anima, eccu un pocu di ciò ch’ella sprime Elise, cù u so arte. Per l’altri, ferma qualchì ritrattu più o menu culuritu…
F.P.
Elise Milano mostra i so ritratti à u centru u Borgu in Aiacciu, sin’à a fine di u mese
Stitutrice dapoi guasgi trenta anni, Elise Milano s’hè messa à pinghje ottu anni fà. Una passione zitellina chì diventa, oghje, u so campà. È sopratuttu un sguardu particulare nantu à u mondu è a spiritualità. À traversu e so tele, induve ella mette in vale a bellezza feminile di l’anima, l’artista c’invita à una certa intruspezzione è à poneci a questione esistenziale : « Quale sò ? »…Misteru di u mondu…
Culori freti o vivi, donne à l’ochji lindi, capelli longhi o corti, sguardi chì « parlanu », chì contanu a so vita ma aldilà di a materialità, visi ch’invitanu ciò ch’è noi t’avemu di più puru in fondu à noi, semu ind’e l’universu astrattu d’Elise Milano. È s’è, à u cuntrariu di u dettu di Corneille, « U valore » hà aspettanu l’anni per sprimesi, ùn fù, per l’artista, chè per diventà una spezia di calamita chì porta u sguardu di quellu chì t’hà a furtuna di « fighjulà » più chè vede, ver di qualcosa d’indicibile, ch’ùn si pò spiegà, nè cù a reflessione intelletuale, nè cù i sensi…
Una passione zitellina
Per Elise, l’arte di pinghje hè natu zitella. « À sei anni, spiega l’artista, vuliu esse pittore. Babbu facia l’arti plastichi, forse m’averà tramandatu senza sapè la, un qualcusellu. Aghju principiatu cù disegni. Eppo, à u culleghju, M.Théthard, u me prufessore d’arti plastichi, m’insegnò a tecnica per riprisentà una persona. »
Elise principia à fà ritratti di persone cunnisciute, sempre à a mina. À tempu, t’hà a voglia di mette appena di culori. Tandu, seranu disegni più figurativi. S’ella sà, à l’epica, chè a so strada hè quì… « A sapiu ch’un ghjornu, sariu pittore, era dighjà sculpitu in mè… », face a so vita. Passa u so basciliè è…Vole fà a scola di « Les Beaux-Arts ». « Mamma mi disse ch’ellu mi tuccava à sceglie piuttostu qualcosa in Corti. Fù dunque lettere muderne (licenza) è, appena più tardi, u cuncorsu di l’IUFM per esse stitutrice. Facciu sempre issu mistieru ma, à dilla franca, ùn mi piace micca a pressione di a ierarchia. Ci hè, ogjhe, una vera degradazione di l’imagine è u rolu di l’insegnanti. À tempu, aghju sempre avutu prughjetti intornu à a pittura cù u me sculari… »
Una forma feminile
Ottu anni fà, l’artista scontra un’amica pittore, Brigitte, è u destinu pichja dinò à a so porta. « Era l’ora di ripiglià ! Aghju cumpratu pinnelli, pittura, ecc. è aghju fattu una prima tela. Di fattu, aghju ripigliatu induve m’eru piantata zitella…. »
Subbitu, Elise mette a so grinfia, vale à dì cù a vulintà di trattà di l’astrattu. « L’astrattu hè à a pittura ciò chì a puesia hè à a litteratura. Ci hè qualcosa di sughjestivu ch’ùn si pò spiegà. »
Tandu, u so universu, fattu d’evucazione à l’anima ch’ella sia individuale o ancu quella di u mondu, piglia una forma feminile. « Di fattu, sò pertuta nantu à u ritrattu eppo aghju bulicatu i dui. A donna perchè hè l’imagine d’un media chì nasce à tempu à ciò ch’è noi campemu ind’a nostra vita. »
L’artista face una decina di pitture à l’annu è uni pochi di mostre in Aiacciu, u Borgu, u Parcu Galea, Villanova, Locu Teatrale…Cù u so arte, si tratta di a bellezza, ma micca quella ch’averia u so cuntrariu. « Osinnò, pudiu pinghje, ghjovane, zitelle, anziane, donne più belle chè d’altre. Ùn cercu micca issa bellezza quì, ma quella di l’anima, c’ùn hà nè culore, nè odore, nè spaziu, nè tempu…Per mè, ghjè u misteru di u mondu. Un’interrugazione metafisica à partesi d’un sguardu. Ùn si pò, masimu ind’u mondu materiale induve noi campemu, pinsendu à sè, à esse più riccu, avè più putere, ecc…, nigà issu misteru quì. U campà d’oghje hà sguassatu l’aspettu essenziale di a bellezza. Issu messaghje, ùn lu possu micca sprime fora d’una pittura… »
A bellezza di u mondu, u sensu sputicu di u mondu sacru, a bellezza « naturale » di l’anima, eccu un pocu di ciò ch’ella sprime Elise, cù u so arte. Per l’altri, ferma qualchì ritrattu più o menu culuritu…
F.P.
Elise Milano mostra i so ritratti à u centru u Borgu in Aiacciu, sin’à a fine di u mese
