<< Anthropocène >>, una mostra eculogica in a citadella d'Aiacciu
A << Pulverela >> di a citadella d'Aiacciu
« Anthropocène », una mostra eculogica in a citadella d’Aiacciu
A « Pulverela » di a citadella d’Aiacciu accoglie sin’ à u 30 d’aprile, una mostra realizata da l’artista Lou Rat-Fisher cù l’elevi di a classa di prima di u liceu Fesch. Una mostra intornu à a tematica di l’eculugia da sensibilizà u publicu, chjuchi è maiò…
Sensibilizà a ghjente nantu à u prublema maiò di l’eculugia, eccu u scopu di a mostra « Anthropocène » messu in piazza da elevi di u liceu Fesch cù un’artista. Di fattu, sò avà cinque anni chè Jean-Laurent Arrighi, prufessore di storia di l’arte à u liceu Fesch d’Aiacciu, face travaglià i so sculari di a classa di prima, nantu à l’arte cuetanu. « Hè scrittu in u so prugrama, spiega l’insegnante, face parte di u travagliu sculare. È sò prughjetti chì entrenu in u so percorsu... »
Cusì, hè natu un partenariatu cù u Spaziu Diamante d’Aiacciu chì accoglie dunque una mostra realizata da i liceani.
Da u Spaziu Diamante à a Citadella
« Questu annu, aghjusta u prufessore, avemu fattu issa mostra in a citadella. » Tutti l’anni, u Spaziu Diamante invita, à tempu, un artistu in residenza. Sta volta, hè a famosa Lou Rat-Fisher, specialista di l’arti plastichi, chì hè ghjunta à purtà a so petra à issu prughjettu. Un prughjettu impurtante è chì tocca, oghje, tuttu u mondu in a pianetta : l’eculugia. Dopu avè scontru i sculari, l’artista hà cuncepitu u cuntenutu d’issa mostra ma un travagliu di squadra induve i zitelli anu participatu. Inseme, anu circatu a tematica. Tandu, hè natu « Anthropocène », un’epica nova chì piazza l’omu in tantu chè forza principale per scambià a pianetta. « I sculari sò stati, d’una certa manera, i « cummissarii » d’issa mostra, ripiglia u prufessore, hè un travagliu cullettivu chì hè statu fattu in u quadru di i percorsu di l’elevi. Anthropocène c’interrucghja assai chè l’omu tocca à a natura, a scambia è t’hà una respusabilità tamanta in ciò chì si passa oghje. U ritimu di a natura, ùn hè micca u ritimu di l’omu. Và abbastanza lestru. Hè per quessu ch’ellu ci vole à sensibilzà a ghjente è sopratuttu i più ghjovani. »
« Spassighjà » sottu à u mare
L’artista hà realizatu issa mostra – pesci – è masimu a lucerna, spezia emblematica di Corsica à partesi di cartò, pezzi di carta, ecc...Si tratta dinò, in issa mostra quì di riciculu è di tutti l’elementi chì si ponu ritruvà da per tutti in mare. L’inseme dà ugetti suspesi à u sulaghju, disegni fatti cù una penna. « A mostra hè una spezia di stallazzione inde à quazle u spettatore hè ciuttatu, subbitu ind’un ambiu particulare è pò spassighjà cum’è s’ellu era sottu à u mare. »
I sculari di u liceu Fesch anu travagliatu nanzu à u prughjettu è anu da cuntinuà dopu à a fine. « Per elli, hè una reflessione nantu à manera di cuncepisce è prisentà l’arte. Fà dinò a mediazione ch’elli facenu visità a mostra à zitelli di culleghju...Hè un prughjettu cumplettu nantu à a storia di l’arte, chì adunisce parechji attori... »
Una mostra d’un mese da vede sin’à u 30 d’aprile.
F.P.
A « Pulverela » di a citadella d’Aiacciu accoglie sin’ à u 30 d’aprile, una mostra realizata da l’artista Lou Rat-Fisher cù l’elevi di a classa di prima di u liceu Fesch. Una mostra intornu à a tematica di l’eculugia da sensibilizà u publicu, chjuchi è maiò…
Sensibilizà a ghjente nantu à u prublema maiò di l’eculugia, eccu u scopu di a mostra « Anthropocène » messu in piazza da elevi di u liceu Fesch cù un’artista. Di fattu, sò avà cinque anni chè Jean-Laurent Arrighi, prufessore di storia di l’arte à u liceu Fesch d’Aiacciu, face travaglià i so sculari di a classa di prima, nantu à l’arte cuetanu. « Hè scrittu in u so prugrama, spiega l’insegnante, face parte di u travagliu sculare. È sò prughjetti chì entrenu in u so percorsu... »
Cusì, hè natu un partenariatu cù u Spaziu Diamante d’Aiacciu chì accoglie dunque una mostra realizata da i liceani.
Da u Spaziu Diamante à a Citadella
« Questu annu, aghjusta u prufessore, avemu fattu issa mostra in a citadella. » Tutti l’anni, u Spaziu Diamante invita, à tempu, un artistu in residenza. Sta volta, hè a famosa Lou Rat-Fisher, specialista di l’arti plastichi, chì hè ghjunta à purtà a so petra à issu prughjettu. Un prughjettu impurtante è chì tocca, oghje, tuttu u mondu in a pianetta : l’eculugia. Dopu avè scontru i sculari, l’artista hà cuncepitu u cuntenutu d’issa mostra ma un travagliu di squadra induve i zitelli anu participatu. Inseme, anu circatu a tematica. Tandu, hè natu « Anthropocène », un’epica nova chì piazza l’omu in tantu chè forza principale per scambià a pianetta. « I sculari sò stati, d’una certa manera, i « cummissarii » d’issa mostra, ripiglia u prufessore, hè un travagliu cullettivu chì hè statu fattu in u quadru di i percorsu di l’elevi. Anthropocène c’interrucghja assai chè l’omu tocca à a natura, a scambia è t’hà una respusabilità tamanta in ciò chì si passa oghje. U ritimu di a natura, ùn hè micca u ritimu di l’omu. Và abbastanza lestru. Hè per quessu ch’ellu ci vole à sensibilzà a ghjente è sopratuttu i più ghjovani. »
« Spassighjà » sottu à u mare
L’artista hà realizatu issa mostra – pesci – è masimu a lucerna, spezia emblematica di Corsica à partesi di cartò, pezzi di carta, ecc...Si tratta dinò, in issa mostra quì di riciculu è di tutti l’elementi chì si ponu ritruvà da per tutti in mare. L’inseme dà ugetti suspesi à u sulaghju, disegni fatti cù una penna. « A mostra hè una spezia di stallazzione inde à quazle u spettatore hè ciuttatu, subbitu ind’un ambiu particulare è pò spassighjà cum’è s’ellu era sottu à u mare. »
I sculari di u liceu Fesch anu travagliatu nanzu à u prughjettu è anu da cuntinuà dopu à a fine. « Per elli, hè una reflessione nantu à manera di cuncepisce è prisentà l’arte. Fà dinò a mediazione ch’elli facenu visità a mostra à zitelli di culleghju...Hè un prughjettu cumplettu nantu à a storia di l’arte, chì adunisce parechji attori... »
Una mostra d’un mese da vede sin’à u 30 d’aprile.
F.P.
