Prime ghjurnate di u patrimoniu di paese è mulini
Arghjusta è Muricciu à l'ora di l'acqua
Prime ghjurnate di u patrimoniu di paese è mulini
Arghjusta è Muricciu à l’ora di l’acqua
A cumuna di u Taravu urganizeghja durante trè ghjorni, a prima edizione di e ghjurnate di u patrimoniu di paese, una manifestazione dedicata à l’acqua…
Sò avà parechji anni chè a cumuna d’Arghjusta è Muricciu urganizeghja e ghjurnate di u patrimoniu, arrimbate nantu à una manifestazione naziunale sviluppata à modu soiu è tinencu contu di e specificità, da Paulu Ghjaseppu Caitucoli è a squadra municipale. Cusì, parechje tematiche sò state messe in piazza. Questu annu, a cumunu s’hè arrimbatu nantu à un cuncettu similare, e ghjurnate di u patrimoniu di paese è i mulini. « Una manifestazioni, spiega u merre, chì ne hè à a so vintiseisima edizioni ma chì serà a prima ind’è nò. »
Prumove a marca « Taravu, una vaddi in lascita »
Cum’è l’edizione di settembre, u prugrama s’hà da sparghje in mostre, cunferenze, spassighjate, serate canterine, mercatu...Una manera di mette in vale u sapè fà è l’usi di a cumuna è ancu di u circondu chè e 31 cumune di u Taravu sò aspettate in Arghjusta è Muricciu per prumove a marca « Taravu, una vaddi in lascita ». « A manifestazioni s’hà da passà nantu à ottu siti di a cumuna, aghjusta u merre, funtana di contra, merria, i funtanedda, pesta sali, funtanona, u forru, l’orti di u cumunu è a funtana di Basa. »
Per a prima edizione, l’urganizatori anu sceltu di travaglià nantu à l’acqua è i mulini. « Avemi da principià cù cunfarenzi nantu à i mulini, preciseghja torna Paulu Ghjaseppu Caitucoli, l’occasioni di fà valè u travaddu di Fabien Gaveau è Hélène Paolini Saez chì ci accumpagnani dapoi tanti anni. »
I mulini : un sapè fà anticu
A manifestazione, induve si tratterà di l’utilisazione di l’acqua è i mulini da tempi fà sin’à d’oghje, principierà, dopu à e cunferenze, cù una spassighjata à mezu à i mulini chì ci anu da fà scopre i so sicreti è u so sapè fà anticu. Un primu ghjornu dedicatu à i sculari. U sabbatu, i respunsevuli di a cumuna anu da prisentà u so situ internet è u labellu « Taravu, una vaddi in lascita ». L’inseme serà seguitatu d’un debatitu, necessariu à l’ora di u scaldamentu climaticu è di a sicchina ch’è noi pudemu aspettà per l’anni à vene, nantu à gestioner di l’acqua. L’occasione di mette in piazza una strategia à piuù o menu longu andà. In fine, a dumenica matina, Antone Orsini tratterà di l’acqua dolce, i ponti è l’opere d’arti. Duie serate musicale sò dinò priviste cù a celebrazione di i pueta di u Taravu u venneri (Patrice Istria è Diana Saliceti, dui zitelli di u rughjone) è i canti di Claude Ettori u sabbatu sera. « Una manifestazioni d’un niveddu assai altu, aghjusta u merre di a cumuna, cù, sempri in leia cù ciò ch’è no femi di sittembri, visiti di l’ortu cumunu è di siti di u paesi, spassighjati nantu u chjassu di i petri è di l’acqua, u marcatu di l’agricultori, animazioni diversi... »
Trè ghjorni induve patrimoniu, cultura, usi, lingua corsa ma dinò l’imbusche liate à a gestione di l’acqua anu da esse bulicate...U tuttu nanzu e ghjurnate di u patrimoniu, aspettate per a fine di settembre.
Ph.P.
Arghjusta è Muricciu à l’ora di l’acqua
A cumuna di u Taravu urganizeghja durante trè ghjorni, a prima edizione di e ghjurnate di u patrimoniu di paese, una manifestazione dedicata à l’acqua…
Sò avà parechji anni chè a cumuna d’Arghjusta è Muricciu urganizeghja e ghjurnate di u patrimoniu, arrimbate nantu à una manifestazione naziunale sviluppata à modu soiu è tinencu contu di e specificità, da Paulu Ghjaseppu Caitucoli è a squadra municipale. Cusì, parechje tematiche sò state messe in piazza. Questu annu, a cumunu s’hè arrimbatu nantu à un cuncettu similare, e ghjurnate di u patrimoniu di paese è i mulini. « Una manifestazioni, spiega u merre, chì ne hè à a so vintiseisima edizioni ma chì serà a prima ind’è nò. »
Prumove a marca « Taravu, una vaddi in lascita »
Cum’è l’edizione di settembre, u prugrama s’hà da sparghje in mostre, cunferenze, spassighjate, serate canterine, mercatu...Una manera di mette in vale u sapè fà è l’usi di a cumuna è ancu di u circondu chè e 31 cumune di u Taravu sò aspettate in Arghjusta è Muricciu per prumove a marca « Taravu, una vaddi in lascita ». « A manifestazioni s’hà da passà nantu à ottu siti di a cumuna, aghjusta u merre, funtana di contra, merria, i funtanedda, pesta sali, funtanona, u forru, l’orti di u cumunu è a funtana di Basa. »
Per a prima edizione, l’urganizatori anu sceltu di travaglià nantu à l’acqua è i mulini. « Avemi da principià cù cunfarenzi nantu à i mulini, preciseghja torna Paulu Ghjaseppu Caitucoli, l’occasioni di fà valè u travaddu di Fabien Gaveau è Hélène Paolini Saez chì ci accumpagnani dapoi tanti anni. »
I mulini : un sapè fà anticu
A manifestazione, induve si tratterà di l’utilisazione di l’acqua è i mulini da tempi fà sin’à d’oghje, principierà, dopu à e cunferenze, cù una spassighjata à mezu à i mulini chì ci anu da fà scopre i so sicreti è u so sapè fà anticu. Un primu ghjornu dedicatu à i sculari. U sabbatu, i respunsevuli di a cumuna anu da prisentà u so situ internet è u labellu « Taravu, una vaddi in lascita ». L’inseme serà seguitatu d’un debatitu, necessariu à l’ora di u scaldamentu climaticu è di a sicchina ch’è noi pudemu aspettà per l’anni à vene, nantu à gestioner di l’acqua. L’occasione di mette in piazza una strategia à piuù o menu longu andà. In fine, a dumenica matina, Antone Orsini tratterà di l’acqua dolce, i ponti è l’opere d’arti. Duie serate musicale sò dinò priviste cù a celebrazione di i pueta di u Taravu u venneri (Patrice Istria è Diana Saliceti, dui zitelli di u rughjone) è i canti di Claude Ettori u sabbatu sera. « Una manifestazioni d’un niveddu assai altu, aghjusta u merre di a cumuna, cù, sempri in leia cù ciò ch’è no femi di sittembri, visiti di l’ortu cumunu è di siti di u paesi, spassighjati nantu u chjassu di i petri è di l’acqua, u marcatu di l’agricultori, animazioni diversi... »
Trè ghjorni induve patrimoniu, cultura, usi, lingua corsa ma dinò l’imbusche liate à a gestione di l’acqua anu da esse bulicate...U tuttu nanzu e ghjurnate di u patrimoniu, aspettate per a fine di settembre.
Ph.P.
