U viaghju musicale di Michè Dominici
<< Les tambours de mon coeur >>
U viaghju musicale di Michè Dominici
Urighjinariu di Parata, in Castagniccia, iss’artistu hà esciutu, di lugliu, u so primu dischettu «Les tambours de mon coeur ». Una spressione musicale folk in francese, inghlese è corsu. L’occasione di sfuglià u percorsu d’un artistu chì face a so strada…
Difficiule, ind’è noi, d’ùn cantà ! Rinumati o amatori, semu tutti stati ciuttati in u cantu, tradiziunale per quelli chì ne anu avutu a furtuna, o più mudernu. Oghje, sò guasgi trè centu trà l’omi, e donne o i gruppi à fà valè a lingua nustrale in tutti i genari. Michè Dominici hè di quessi quì. Uriginariu di Parata, in core di a Castagniccia, hà principiatu zitelli à mezu à soi. « Sò cresciutu quì, spiega l’artistu, è aghju sempre avutu a voglia di cantà... »
Logicu, masimu ind’un paese è un rughjone induve si canta. Ma Michè, ùn hà sceltu, à dilla franca, u tradiziunale ma piuttostu a musica folk chì li piacia assai. Tandu, ci vulia à aspettà u mumentu per francà u passu. È a crisa sanitaria, in u 2020, l’hà messu nantu à a strada. « Vulia purtà a mo petra per quelli chì in u bisognu, aghjusta u musicante, è mi sò messu, durante i dui mesi di un cunfinamenti, à scrive è cumpone una canzona passata, dopu, nantu à e piattaforme... »
Da « Four kicks » à un primu dischettu
Specializatu piuttostu in a batteria, l’artistu chì sona dinò di ghitarra, hà festighjatu i so trentacinque anni. Passendu cù u gruppu « Four Kicks » stallatu in Nizza è unepochi di strutture isulane. In u 2020, hà creatu un speziu di neuruspastu è un clip passatu nantu à e rete suciale. Eppo, hè natu « Valella » 1, un primu prughjettu. « Hè u nome di a casa famigliale in Parata. Hè quallà ch’aghju trovu l’energia è a spirazione necessaria per purtà e mo idee è cuncepisce stu spettaculu. » Un spettaculu ghjucatu in u Centru pulifonicu di Sartè. Strada facendu, l’artistu hà esciutu, à a fine di u 2023, un primu opus « Valella » arrimbatu nantu à u spettaculu induve parechji artisti anu participatu : Petru Canon, Lionel Giacomini, Ceccè Lanfranchi ma dinò Roman Gaume, un artistu pop folk rinumatu...Dopu à un secondu opus, sempre battizatu « Valle », « Hè quallà ch’eu scrivu è cumpongu e mo creazione, vogliu mustrà ch’ellu hè pussibile, ancu in sti paesi luntanu, di fà a musica, Michè Dominici hà sceltu di francà un altru passu : quellu di travaglià nantu à u so primu dischettu di creazione.
Un dischettu à l’accentu folk
Tandu, si ne cullatu ind’è ellu in Castagniccia induve hà creatu u so studiò, mittendusi à campà a so passione. Hè cusì ch’ellu hè natu « Les tambours de mon coeur », un dischettu di ghitarra acustica accunciata cù d’altri strumenti (ghitarra bassa, pianò, cellu, viulinu, iucculelè, batteria di sicuru…). Canzone dolce, appena intimiste induve l’artistu t’hà a particularità d’aduprà trè lingue : u corsu, lingua materna ma dinò u francese è l’inghlese. Nove canzone chì trattanu in isse trè lingue, di tutte e tematiche chè omu cunnosce oghje. À tempu, cumpone per ducumentarii. Un dischettu induve si sente a qualità d’un artistu chì cuntinueghja a so strada.
F.P.
Urighjinariu di Parata, in Castagniccia, iss’artistu hà esciutu, di lugliu, u so primu dischettu «Les tambours de mon coeur ». Una spressione musicale folk in francese, inghlese è corsu. L’occasione di sfuglià u percorsu d’un artistu chì face a so strada…
Difficiule, ind’è noi, d’ùn cantà ! Rinumati o amatori, semu tutti stati ciuttati in u cantu, tradiziunale per quelli chì ne anu avutu a furtuna, o più mudernu. Oghje, sò guasgi trè centu trà l’omi, e donne o i gruppi à fà valè a lingua nustrale in tutti i genari. Michè Dominici hè di quessi quì. Uriginariu di Parata, in core di a Castagniccia, hà principiatu zitelli à mezu à soi. « Sò cresciutu quì, spiega l’artistu, è aghju sempre avutu a voglia di cantà... »
Logicu, masimu ind’un paese è un rughjone induve si canta. Ma Michè, ùn hà sceltu, à dilla franca, u tradiziunale ma piuttostu a musica folk chì li piacia assai. Tandu, ci vulia à aspettà u mumentu per francà u passu. È a crisa sanitaria, in u 2020, l’hà messu nantu à a strada. « Vulia purtà a mo petra per quelli chì in u bisognu, aghjusta u musicante, è mi sò messu, durante i dui mesi di un cunfinamenti, à scrive è cumpone una canzona passata, dopu, nantu à e piattaforme... »
Da « Four kicks » à un primu dischettu
Specializatu piuttostu in a batteria, l’artistu chì sona dinò di ghitarra, hà festighjatu i so trentacinque anni. Passendu cù u gruppu « Four Kicks » stallatu in Nizza è unepochi di strutture isulane. In u 2020, hà creatu un speziu di neuruspastu è un clip passatu nantu à e rete suciale. Eppo, hè natu « Valella » 1, un primu prughjettu. « Hè u nome di a casa famigliale in Parata. Hè quallà ch’aghju trovu l’energia è a spirazione necessaria per purtà e mo idee è cuncepisce stu spettaculu. » Un spettaculu ghjucatu in u Centru pulifonicu di Sartè. Strada facendu, l’artistu hà esciutu, à a fine di u 2023, un primu opus « Valella » arrimbatu nantu à u spettaculu induve parechji artisti anu participatu : Petru Canon, Lionel Giacomini, Ceccè Lanfranchi ma dinò Roman Gaume, un artistu pop folk rinumatu...Dopu à un secondu opus, sempre battizatu « Valle », « Hè quallà ch’eu scrivu è cumpongu e mo creazione, vogliu mustrà ch’ellu hè pussibile, ancu in sti paesi luntanu, di fà a musica, Michè Dominici hà sceltu di francà un altru passu : quellu di travaglià nantu à u so primu dischettu di creazione.
Un dischettu à l’accentu folk
Tandu, si ne cullatu ind’è ellu in Castagniccia induve hà creatu u so studiò, mittendusi à campà a so passione. Hè cusì ch’ellu hè natu « Les tambours de mon coeur », un dischettu di ghitarra acustica accunciata cù d’altri strumenti (ghitarra bassa, pianò, cellu, viulinu, iucculelè, batteria di sicuru…). Canzone dolce, appena intimiste induve l’artistu t’hà a particularità d’aduprà trè lingue : u corsu, lingua materna ma dinò u francese è l’inghlese. Nove canzone chì trattanu in isse trè lingue, di tutte e tematiche chè omu cunnosce oghje. À tempu, cumpone per ducumentarii. Un dischettu induve si sente a qualità d’un artistu chì cuntinueghja a so strada.
F.P.
