Chjar di luna canta << Lettera di a luna >>
U gruppu curtinese.......
Chjar di luna canta « Lettera di a luna »
U gruppu curtinese nantu in l’anni novanta da unipochi d’amichi studienti curtinesi, hà esciutu, di lugliu un so secondu dischettu : « Lettera di a luna ». Diciottu tituli d’un viaghju musicale à prò di a Corsica d’oghje.
Quale ch’ùn cunnosce, oghje, in l’universu di u cantu corsu, a canzona « Monte Cristu », dedicata à u famosu eroiu di Dumas ? In u 2006, una squadra di ghjovani curtinesi ma micca solu (Ocana, Tolla, Carghjese ecc…), tutti studienti decide d’aduniscesi per dà nascita à u gruppu « Chjar di luna »…I membri sò studienti curtinesi dapoi u principiu di l’anni novanta. A struttura, chì face, dapoi tuttu stu tempu, a so strada, hè in piazza cù parechji membri. Purtata da u successu di « Monte Cristu », avanza pian’, pianinu. « Ùn ci aspettavamu micca à issu successu, spiega Pasquale Bacch, unu di i membri di l’epica, ci era issu scrittu nantu à un scagnu, aghju cercatu à mette una musica à nantu... »
Issu primu dischettu ferà a so strada cù d’altre canzone dinò : « I fiumi fratelli », una ripresa di « Libertà » di e Cardeline è ancu « Ella ». Eppo, ci hè statu un arrestu di guasgi una decina d’anni. « Face parte di a vita d’un gruppu, aghjusta u membru, parechji sò pertuti, d’altri sò ghjunti. U primu scopu era, per noi, di sunà, cantà è di girà cù l’amichi senza pensà à fà un gruppu. Eppo, in u 2016, simu ripertuti à sei per cuntinuà. È strada facendu... »
« Mustrà chè a sucetà corsa ripiglia fiatu »
A squadra s’adunisce trà qualchì anzianu è nuvellu è « Chjar di luna » ripiglia fiatu. À pocu à pocu, d’altri membri s’affaccanu è u gruppu decide di ripiglià u so travagliu. « Ci era qualchì meludia in capu, avemu principiatu un ciculu di repetizione è travagliatu nantu à un dischettu novu. »
Cusì, « Lettera di a luna » hè esciutu di lugliu. Diciottu tituli intornu à a tematica « d’una sucetà corsa chì ripiglia fiatu...Una tramandera da custruisce tutti inseme. Cù un sguardu impurtante nantu à a nostra ghjuventù. »
I cantadori è musicanti portanu, oghje, a so petra. Stefanu Casalta, Ghjuvan Iviu Acquaviva, Carlu Filippu o Dumenicu Leschi scrivenu... « Ma hè un travagliu cullettivu, tuttu u mondu hè capace di scrive è di cumpone, ramenta Pasquale Bacch.
Un gruppu di tredeci membri
Oghje, u gruppu adunisce tredeci membri induve ritruvemu à Stefanu Sayag, unu di i membri fundatori di « Chjar di luna ». U gruppu hà travagliatu un annu è mezu per sorte u so secondu dischettu. Un regitramentu in i studiò « Monte Gozzi » di Michele Tomei chì s’hè, d’un altru cantu, incaricatu di qualchì accunciamentu. Per ciò chì tocca à i strumenti, u gruppu avanza pian’pianinu : qualchì ghitarra, una bassa, un pianò è dui viulini. Per u restu, sò tutti cantadori inde è trè voce (seconda, bassa è terza). L’estatina hè stata dedicata à una piccula prumuzione di « Lettera di la luna ». Qualchì cuncertu (Pescadori in festa di ghjugnu, Cervioni…) è una seguita monda aspettata Talasani è Corti di settembre, l’Albore di nuvembre, Urtaca di dicembre, praticalingua…
Una squadra chì cuntinueghja a so strada cù u so spiritu particulare. Quellu d’un filu musicale ch’ella vole tramandà.
F.P.
U gruppu curtinese nantu in l’anni novanta da unipochi d’amichi studienti curtinesi, hà esciutu, di lugliu un so secondu dischettu : « Lettera di a luna ». Diciottu tituli d’un viaghju musicale à prò di a Corsica d’oghje.
Quale ch’ùn cunnosce, oghje, in l’universu di u cantu corsu, a canzona « Monte Cristu », dedicata à u famosu eroiu di Dumas ? In u 2006, una squadra di ghjovani curtinesi ma micca solu (Ocana, Tolla, Carghjese ecc…), tutti studienti decide d’aduniscesi per dà nascita à u gruppu « Chjar di luna »…I membri sò studienti curtinesi dapoi u principiu di l’anni novanta. A struttura, chì face, dapoi tuttu stu tempu, a so strada, hè in piazza cù parechji membri. Purtata da u successu di « Monte Cristu », avanza pian’, pianinu. « Ùn ci aspettavamu micca à issu successu, spiega Pasquale Bacch, unu di i membri di l’epica, ci era issu scrittu nantu à un scagnu, aghju cercatu à mette una musica à nantu... »
Issu primu dischettu ferà a so strada cù d’altre canzone dinò : « I fiumi fratelli », una ripresa di « Libertà » di e Cardeline è ancu « Ella ». Eppo, ci hè statu un arrestu di guasgi una decina d’anni. « Face parte di a vita d’un gruppu, aghjusta u membru, parechji sò pertuti, d’altri sò ghjunti. U primu scopu era, per noi, di sunà, cantà è di girà cù l’amichi senza pensà à fà un gruppu. Eppo, in u 2016, simu ripertuti à sei per cuntinuà. È strada facendu... »
« Mustrà chè a sucetà corsa ripiglia fiatu »
A squadra s’adunisce trà qualchì anzianu è nuvellu è « Chjar di luna » ripiglia fiatu. À pocu à pocu, d’altri membri s’affaccanu è u gruppu decide di ripiglià u so travagliu. « Ci era qualchì meludia in capu, avemu principiatu un ciculu di repetizione è travagliatu nantu à un dischettu novu. »
Cusì, « Lettera di a luna » hè esciutu di lugliu. Diciottu tituli intornu à a tematica « d’una sucetà corsa chì ripiglia fiatu...Una tramandera da custruisce tutti inseme. Cù un sguardu impurtante nantu à a nostra ghjuventù. »
I cantadori è musicanti portanu, oghje, a so petra. Stefanu Casalta, Ghjuvan Iviu Acquaviva, Carlu Filippu o Dumenicu Leschi scrivenu... « Ma hè un travagliu cullettivu, tuttu u mondu hè capace di scrive è di cumpone, ramenta Pasquale Bacch.
Un gruppu di tredeci membri
Oghje, u gruppu adunisce tredeci membri induve ritruvemu à Stefanu Sayag, unu di i membri fundatori di « Chjar di luna ». U gruppu hà travagliatu un annu è mezu per sorte u so secondu dischettu. Un regitramentu in i studiò « Monte Gozzi » di Michele Tomei chì s’hè, d’un altru cantu, incaricatu di qualchì accunciamentu. Per ciò chì tocca à i strumenti, u gruppu avanza pian’pianinu : qualchì ghitarra, una bassa, un pianò è dui viulini. Per u restu, sò tutti cantadori inde è trè voce (seconda, bassa è terza). L’estatina hè stata dedicata à una piccula prumuzione di « Lettera di la luna ». Qualchì cuncertu (Pescadori in festa di ghjugnu, Cervioni…) è una seguita monda aspettata Talasani è Corti di settembre, l’Albore di nuvembre, Urtaca di dicembre, praticalingua…
Una squadra chì cuntinueghja a so strada cù u so spiritu particulare. Quellu d’un filu musicale ch’ella vole tramandà.
F.P.
