Arjusta è Muricciu à l'ora << auropea >> 21 è 22 di settembre
Arghjusta è Muricciu à l'ora << auropea >>
Arghjusta è Muricciu à l’ora « auropea »
A cumuna d’Arghjusta è Murucciu urganizeghja, i 21 è 22 di settembre, e so « tradiziunale » ghjurnate auropee di u patrimoniu ». Dui ghjorni dedicati, questu annu, à u sapè fà di a furesta.
Sò avà ottu anni chè a cumuna d’Arghjusta è Muricciu hà messu in piazza e ghjurnate auropee di u patrimoniu. Una manifestazione chì, a pudemu dì, face à so strada è si scrive à longu andà, mittendu, ogni volta in vale, i sapè fà antichi. Cusì, s’hè trattatu di e petre, u granu, l’acqua, l’oliu, l’animali, ogni volta cù prufessiunali impegnati cum’è Fabien Gaveau è Hèlène Paolini-Saez frà altri. U tuttu à traversu cunferenze, spassighjate, mostre, animazione diverse, sempre liate à a tematica. Questu annu, a tematica scelta hè stata « A storia di a furesta è di l’omi ». « À partesi di u 2016, spiega Paulu Ghjaseppu Caitoculi, merre di a cumunu, ci hè statu un pianu di gestioni di a furesta chì hè statu urganizatu da l’ONF. Ci semi arrimbati à nantu par trattà d’issa tematica. Sempri cù a messa in vali di u pasturalisimu. In Corsica, u travaddu nantu à u legnu hè sempri statu impurtanti. Avemi circatu à sviluppà tuttu issu sapè fà cù, par indettu, i stretti muntagnoli è ancu a carbunara, un sapè fà particulari sviluppatu tempi fà... »
Un sviluppu di e fureste in l’anni ottanta
Ci vole à ricunnosce chè a cumuna, cum’è d’altre inde l’isula, hè sempre stata u locu di splutazione di u legnu, masimu trà a fine di u XIXu è u principiu di u Xxu. Cù, più tardi, una rilancia è u sviluppu di e fureste in l’anni ottanta. Senza scurdà si di un sapè fà impurtante per ciò chì tocca à i carbunari.
Tandu, sò tutti issi sapè fà ch’anu da custituisce l’essensiale di isse duie ghjurnate. Si principierà u sabbatu, cù una cunferenza di Fabien Gaveau, un « abituatu » di a manifestazione, nantu à u tema : « a furesta chì piatta l’arburu ». À tempu, si tratterà di a storia di l’arburi in paese cù a testimunianza di l’associu « Pinu tortu », chì hà travagliatu nantu à a furesta di l’Ospedale. E materiere prudutte cù u legnu è i stuvigli aduprati per a splutazione di a furesta seranu, dinò, messi in vale. U dopu meziornu, è nanzu una spassighjata privista u lindumane, « i stretti muntagnoli » seranu prisentate da u CAUE.
Inaugurazione di « i stretti muntagnoli »
L’aspettu preistoricu, sempre prisente tutti l’anni serà sviluppatu, sta volta nantu à storia di l’incendii è d’una manera generale, di u focu cù Hélène Paolini-Saez, un’altra « abituata ». Unu di i punti maiò d’issa manifestazione serà, in fine di ghjurnata, a diffusione di u filmu « Arghjusta è u Muricciu, mimoria è patrimoniu tramandati (settembre 2016). L’occasione di fighjulà tutte e tematiche sviluppate dapoi a prima edizione è di misurà, à tempu, u percorsu dapoi l’iniziu.
Dumenica, una spassighjata guidata nantu à « I stretti muntagnoli », chì ci serà l’inaugurazione, hè privista per i chjuchi è i maiò. L’occasione, per quelli ch’ùn a cunnoscenu, di scopre issa furesta di lecce. « Issi ghjurnati sò impurtanti, aghjusta u merre di a cumuna, par noi s’agiscia sempri di fà valè u pasturalisimu. È di parmetta à ghjovani, di stallà si... »
Fora d’issa tematica, a strada di l’acqua, e strette è lochi antichi di u paese, u mercatu di i pruduttori, anu da fà valè tutte e ricchezze materiale è immateriale di a cumuna. Dui ghjorni per sapè ne di più nantu à a storia è u patrimoniu di issu bellu paese.
F.P.
Photo : F.P
A cumuna d’Arghjusta è Murucciu urganizeghja, i 21 è 22 di settembre, e so « tradiziunale » ghjurnate auropee di u patrimoniu ». Dui ghjorni dedicati, questu annu, à u sapè fà di a furesta.
Sò avà ottu anni chè a cumuna d’Arghjusta è Muricciu hà messu in piazza e ghjurnate auropee di u patrimoniu. Una manifestazione chì, a pudemu dì, face à so strada è si scrive à longu andà, mittendu, ogni volta in vale, i sapè fà antichi. Cusì, s’hè trattatu di e petre, u granu, l’acqua, l’oliu, l’animali, ogni volta cù prufessiunali impegnati cum’è Fabien Gaveau è Hèlène Paolini-Saez frà altri. U tuttu à traversu cunferenze, spassighjate, mostre, animazione diverse, sempre liate à a tematica. Questu annu, a tematica scelta hè stata « A storia di a furesta è di l’omi ». « À partesi di u 2016, spiega Paulu Ghjaseppu Caitoculi, merre di a cumunu, ci hè statu un pianu di gestioni di a furesta chì hè statu urganizatu da l’ONF. Ci semi arrimbati à nantu par trattà d’issa tematica. Sempri cù a messa in vali di u pasturalisimu. In Corsica, u travaddu nantu à u legnu hè sempri statu impurtanti. Avemi circatu à sviluppà tuttu issu sapè fà cù, par indettu, i stretti muntagnoli è ancu a carbunara, un sapè fà particulari sviluppatu tempi fà... »
Un sviluppu di e fureste in l’anni ottanta
Ci vole à ricunnosce chè a cumuna, cum’è d’altre inde l’isula, hè sempre stata u locu di splutazione di u legnu, masimu trà a fine di u XIXu è u principiu di u Xxu. Cù, più tardi, una rilancia è u sviluppu di e fureste in l’anni ottanta. Senza scurdà si di un sapè fà impurtante per ciò chì tocca à i carbunari.
Tandu, sò tutti issi sapè fà ch’anu da custituisce l’essensiale di isse duie ghjurnate. Si principierà u sabbatu, cù una cunferenza di Fabien Gaveau, un « abituatu » di a manifestazione, nantu à u tema : « a furesta chì piatta l’arburu ». À tempu, si tratterà di a storia di l’arburi in paese cù a testimunianza di l’associu « Pinu tortu », chì hà travagliatu nantu à a furesta di l’Ospedale. E materiere prudutte cù u legnu è i stuvigli aduprati per a splutazione di a furesta seranu, dinò, messi in vale. U dopu meziornu, è nanzu una spassighjata privista u lindumane, « i stretti muntagnoli » seranu prisentate da u CAUE.
Inaugurazione di « i stretti muntagnoli »
L’aspettu preistoricu, sempre prisente tutti l’anni serà sviluppatu, sta volta nantu à storia di l’incendii è d’una manera generale, di u focu cù Hélène Paolini-Saez, un’altra « abituata ». Unu di i punti maiò d’issa manifestazione serà, in fine di ghjurnata, a diffusione di u filmu « Arghjusta è u Muricciu, mimoria è patrimoniu tramandati (settembre 2016). L’occasione di fighjulà tutte e tematiche sviluppate dapoi a prima edizione è di misurà, à tempu, u percorsu dapoi l’iniziu.
Dumenica, una spassighjata guidata nantu à « I stretti muntagnoli », chì ci serà l’inaugurazione, hè privista per i chjuchi è i maiò. L’occasione, per quelli ch’ùn a cunnoscenu, di scopre issa furesta di lecce. « Issi ghjurnati sò impurtanti, aghjusta u merre di a cumuna, par noi s’agiscia sempri di fà valè u pasturalisimu. È di parmetta à ghjovani, di stallà si... »
Fora d’issa tematica, a strada di l’acqua, e strette è lochi antichi di u paese, u mercatu di i pruduttori, anu da fà valè tutte e ricchezze materiale è immateriale di a cumuna. Dui ghjorni per sapè ne di più nantu à a storia è u patrimoniu di issu bellu paese.
F.P.
Photo : F.P
