Murzu si mette àl'ora di u mele
Mele in Festa / Dumenico u 22 di sittembre 2024
Murzu si mette à l’ora di u mele
U paese di i dui Sorru urganizeghja, issa dumenica a vintottesima edizione di « u mele in festa ». Più di novanta artisgiani è pruduttori isulani sò privisti per una manifestazione monda aspettata. L’occasione, à tempu, di fà u puntu nantu à a situazione di a trafila.
A populazione di i dui Sorru « Insù » è tutti quelli chì, dinò, anu da vene da luntanu, s’aspetta issa dumenica, à festighjà « l’ape » è u so mele à l’occasione di « u mele in festa ». Une manifestazione chì hè nata vintottanni fà da qualchì abitante da fà cunnosce u paese. « Hè un appuntamentu maiò per a cumuna, spiega Josée Cipriani, presidente di l’associu chì gestisce a fiera, travagliemu tuttu l’annu per fà d’issu mumentu, una riesciuta. »
95 artisgiani è pruduttori
Si pò trattà di riesciuta per una fiera chì serà, forse cù a Santa è a fiera di Bucugnà, a più impurtante di l’isula. Cum’è tutti l’anni, guasgi centu artisgiani è produttori isulani (materie è prudutti cuncepiti è fatti in Corsica), sò aspettati, spertuti da l’entrata di u paese sin’ à fine, vicinu à a strada di Muna. Robba purcina, casgiu, oliu, frittelli, mobuli, sporte, ghjacci, ghjochi, bombò, ghjuvelli, terrame, ogetti trecciati, pittura... « Da chì scopre i sapè fà lucali, aghjusta a presidente, semu in core à a FFRAAC è tutti l’artisgiani è pruduttori sò scelti nantu à criterii specifichi. » Di sicura, u mele da manghjà è ancu in savò o candele, hè l’invitatu principale d’issa manifestazione. È ci ne serà per tutti. Sapendu chè l’attelli (macchiterra, ghjochi diversi, spassighjata à sumere) sò privisti per i più chjuchi. « Ci hà da vulè à mette e vitture in i parcheghji privisti. È cum’è tutti l’anni, ci serà a pussibilità d’ingarrà a vittura vicinu à u ponte à Belfiore, inghjò è di cullà cù a nostra vitturella. Ch’aspettemu tutti l’anni, s’è u tempu hè bellu, trà 8000 è 10000 persone.»
163 apicultori isulani
Arrimbata à a FFRAAC, a fiera hè un spechju impurtante di a trafila, masimu iss’ultimi anni cù u Covid, u cynips è dapoi qualchì tempu, u vespone asiaticu chì vene à tumbà tutte l’ape. L’annu scorsu, 163 apicultori eranu abilitati in AOP Mele di Corsica. Ghjunghjenu, à spessu, da a Balagna, u rughjone aiaccinu, a Castagniccia, a piaghja orientale o u Sartinese. Issa dumenica, puderete tastà e sei varietà di mele di a trafila : veranu, machja di veranu, castagnetu, machja d’estate, machja di vaghjime, melastru di machja. D’altronde, « a casa di u mele », aperta tutta l’annata nantu à a piazza à a chjesgia, hè l’occasione di tastà u mele ma dinò di scopre a vita in u bugnu. Attelli dedicati à i bugni seranu prisenti in campu di fiera.
Una fiera festiva cù a messa celebrata versu 11.00 è cantata da tutti i ghjovani di u rughjone, u pranzu (robba purcina, tianu di vitellu à u mele, fasgioli, dolci à a mela) à meziornu è attività diversi. Nanzu à tombula à a fine di a ghjurnata, Felì, un abituatu di « U mele in festa » hà da fà l’animazione musicale. L’occasione, per ellu, di sfuglià qualchì pagina di u so percorsu musicale. Patrimoniu, cultura, sapè-fà, trafila bugnaghjola, un appuntamentu maiò per tutti i passiunati.
F.P
Crédit photo :U mele in festa
U paese di i dui Sorru urganizeghja, issa dumenica a vintottesima edizione di « u mele in festa ». Più di novanta artisgiani è pruduttori isulani sò privisti per una manifestazione monda aspettata. L’occasione, à tempu, di fà u puntu nantu à a situazione di a trafila.
A populazione di i dui Sorru « Insù » è tutti quelli chì, dinò, anu da vene da luntanu, s’aspetta issa dumenica, à festighjà « l’ape » è u so mele à l’occasione di « u mele in festa ». Une manifestazione chì hè nata vintottanni fà da qualchì abitante da fà cunnosce u paese. « Hè un appuntamentu maiò per a cumuna, spiega Josée Cipriani, presidente di l’associu chì gestisce a fiera, travagliemu tuttu l’annu per fà d’issu mumentu, una riesciuta. »
95 artisgiani è pruduttori
Si pò trattà di riesciuta per una fiera chì serà, forse cù a Santa è a fiera di Bucugnà, a più impurtante di l’isula. Cum’è tutti l’anni, guasgi centu artisgiani è produttori isulani (materie è prudutti cuncepiti è fatti in Corsica), sò aspettati, spertuti da l’entrata di u paese sin’ à fine, vicinu à a strada di Muna. Robba purcina, casgiu, oliu, frittelli, mobuli, sporte, ghjacci, ghjochi, bombò, ghjuvelli, terrame, ogetti trecciati, pittura... « Da chì scopre i sapè fà lucali, aghjusta a presidente, semu in core à a FFRAAC è tutti l’artisgiani è pruduttori sò scelti nantu à criterii specifichi. » Di sicura, u mele da manghjà è ancu in savò o candele, hè l’invitatu principale d’issa manifestazione. È ci ne serà per tutti. Sapendu chè l’attelli (macchiterra, ghjochi diversi, spassighjata à sumere) sò privisti per i più chjuchi. « Ci hà da vulè à mette e vitture in i parcheghji privisti. È cum’è tutti l’anni, ci serà a pussibilità d’ingarrà a vittura vicinu à u ponte à Belfiore, inghjò è di cullà cù a nostra vitturella. Ch’aspettemu tutti l’anni, s’è u tempu hè bellu, trà 8000 è 10000 persone.»
163 apicultori isulani
Arrimbata à a FFRAAC, a fiera hè un spechju impurtante di a trafila, masimu iss’ultimi anni cù u Covid, u cynips è dapoi qualchì tempu, u vespone asiaticu chì vene à tumbà tutte l’ape. L’annu scorsu, 163 apicultori eranu abilitati in AOP Mele di Corsica. Ghjunghjenu, à spessu, da a Balagna, u rughjone aiaccinu, a Castagniccia, a piaghja orientale o u Sartinese. Issa dumenica, puderete tastà e sei varietà di mele di a trafila : veranu, machja di veranu, castagnetu, machja d’estate, machja di vaghjime, melastru di machja. D’altronde, « a casa di u mele », aperta tutta l’annata nantu à a piazza à a chjesgia, hè l’occasione di tastà u mele ma dinò di scopre a vita in u bugnu. Attelli dedicati à i bugni seranu prisenti in campu di fiera.
Una fiera festiva cù a messa celebrata versu 11.00 è cantata da tutti i ghjovani di u rughjone, u pranzu (robba purcina, tianu di vitellu à u mele, fasgioli, dolci à a mela) à meziornu è attività diversi. Nanzu à tombula à a fine di a ghjurnata, Felì, un abituatu di « U mele in festa » hà da fà l’animazione musicale. L’occasione, per ellu, di sfuglià qualchì pagina di u so percorsu musicale. Patrimoniu, cultura, sapè-fà, trafila bugnaghjola, un appuntamentu maiò per tutti i passiunati.
F.P
Crédit photo :U mele in festa
