Conca celebreghja festa di a nazione
Edizione 2024 di a festa di a nazione
Conca celebreghja a festa di a nazione
L’associu cunchese « A punta di l’ortu », urganizeghja issu sabbatu, l’edizione 2024 di a festa di a nazione. L’occasione d’adunisce l’abitanti di u paese è d’altre cumune per una festa chì, cum’è tutti l’anni, face a leia trà fede, duvere di memoria è storia…
Quand’ellu celebrò, cuù unepochi d’amichi, a festa di a nazione, in u 1998, Micheli Leccia, capimachja di u Cullettivu « Parlemu corsu », ùn s’aspettava micca à perennizà cusì issa manifestazione. « L’associu hè natu un annu dopu, spiega u respunsevule, ma ci voli à dì chì ci era una dinamica subbitu è n’avemu prufittatu par sviluppà iss’idea. L’occasioni, era dinù di dà un ritimu à a vita paisana tutta l’annata. »
Cinquecentu persone tutti l’anni
Cusì, è arrimbata nantu à a voglia di mantene una fiara linguistica, patrimuniale è storica, a festa a nazione hà fattu a so strada, sbucchendu nantu à un cuncettu chì, oghje, adunisce più di 500 persone d’inguernu tutti l’anni. A squadra di l’associu hà sceltu u nome di a punta di l’ortu, una muntagna da sopra à u paese, di manera simbulica. « issu nomi parla di rilievu piuttostu chì di piantazioni, aghjusta Micheli Leccia, u locu riprisenta u paesu di Concu, hè par quissa chì l’emu sceltu. »
Tutti l’anni, tutte e generazione da i più ghjovani à i più anziani s’impegnanu à prò d’issa festa di a nazione. « Ci hè una vera cumunioni intornu à issa festa. »
Questu anni, s’aspetta torna monda ghjente per una manifestazione avanzata à u sette di dicembre. « L’ottu casca una dumenica, ripiglia u capimachja, emu sceltu u sapatu postu ch’è no a fistemu a sera... »
U prugrama assai carcu hà da principià cù una bandera gigante di 300 m² alzata dapoi una settimana nantu à a punta calcina (un’altra punta). « Hè visibuli da luntanu. Una manera di chjappà tuttu u mondu è di dì « ùn vi sminticheti micca di a voscia storia. Quand’elli vedeni a bandera, a ghjenti sai ch’una settimana dopu, ci hè a festa. »
In principiu di seratina, a messa serà celebrata da parechji preti è cantata in paghjella da cunfratelli ghjunti da monda paesi di u circondu è ancu aldilà. U tutti nanzu à una prucessiò induve avemu da ritruvà a granitula « l’avemu intrudutta in paesu, ch’ùn esistia micca , hè una manera, par no di fà a leia trà u sacru è u prufanu è fà capì chì issu baddu circulari celebreghja u ciculu di a vita. È và cù u mantenimentu di a noscia mimoria. »
Cuncertu di i Voci di a Gravona
Dopu, una messa in scena storica hè privista cù ghjente vestuti di custume di l’epica, una vintena di bandere ch’anu da mustrà l’evoluzione di a bandera corsa. Per ghjustificà issu mumentu, masimu l’usu di a testa mora, unepochi di persone anu da ballà a muresca, un usu chì volta, dinò tutti l’anni. Nanzu l’articulu unu di a custituzione, letu da una cullegiante, i zitelli di a scola di Conca anu da cantà una canzona per illustrà a rivolta di i Corsi. In fine, a parte storica, cumpierà cù u Diu vi Salva Regina.
Ind’una seconda parte, chì s’hà da passà à a sala di es feste, a ghjuventù cerviuninca hà da cantà nanzu à un cuncertu di « I Voci di a Gravona ». « U scopu, hè di fà chì issa festa sia ripigliata in altrò...Par contu nosciu, ci hè una festa induva femu u pocucciu pagà a ghjenti (5 auri par i cuncerti è u magnà : pulenta, ficateddu, brocciu, ovi…).
Una festa arradicata in Conca, chè l’urganizatori volenu scrive à longu andà. È u paese chì à l’origine d’isse tradizione liate à l’ottu di dicembre. Una demarchja à sparghje è un esempiu à seguità.
F.P.
Photo : F.P
L’associu cunchese « A punta di l’ortu », urganizeghja issu sabbatu, l’edizione 2024 di a festa di a nazione. L’occasione d’adunisce l’abitanti di u paese è d’altre cumune per una festa chì, cum’è tutti l’anni, face a leia trà fede, duvere di memoria è storia…
Quand’ellu celebrò, cuù unepochi d’amichi, a festa di a nazione, in u 1998, Micheli Leccia, capimachja di u Cullettivu « Parlemu corsu », ùn s’aspettava micca à perennizà cusì issa manifestazione. « L’associu hè natu un annu dopu, spiega u respunsevule, ma ci voli à dì chì ci era una dinamica subbitu è n’avemu prufittatu par sviluppà iss’idea. L’occasioni, era dinù di dà un ritimu à a vita paisana tutta l’annata. »
Cinquecentu persone tutti l’anni
Cusì, è arrimbata nantu à a voglia di mantene una fiara linguistica, patrimuniale è storica, a festa a nazione hà fattu a so strada, sbucchendu nantu à un cuncettu chì, oghje, adunisce più di 500 persone d’inguernu tutti l’anni. A squadra di l’associu hà sceltu u nome di a punta di l’ortu, una muntagna da sopra à u paese, di manera simbulica. « issu nomi parla di rilievu piuttostu chì di piantazioni, aghjusta Micheli Leccia, u locu riprisenta u paesu di Concu, hè par quissa chì l’emu sceltu. »
Tutti l’anni, tutte e generazione da i più ghjovani à i più anziani s’impegnanu à prò d’issa festa di a nazione. « Ci hè una vera cumunioni intornu à issa festa. »
Questu anni, s’aspetta torna monda ghjente per una manifestazione avanzata à u sette di dicembre. « L’ottu casca una dumenica, ripiglia u capimachja, emu sceltu u sapatu postu ch’è no a fistemu a sera... »
U prugrama assai carcu hà da principià cù una bandera gigante di 300 m² alzata dapoi una settimana nantu à a punta calcina (un’altra punta). « Hè visibuli da luntanu. Una manera di chjappà tuttu u mondu è di dì « ùn vi sminticheti micca di a voscia storia. Quand’elli vedeni a bandera, a ghjenti sai ch’una settimana dopu, ci hè a festa. »
In principiu di seratina, a messa serà celebrata da parechji preti è cantata in paghjella da cunfratelli ghjunti da monda paesi di u circondu è ancu aldilà. U tutti nanzu à una prucessiò induve avemu da ritruvà a granitula « l’avemu intrudutta in paesu, ch’ùn esistia micca , hè una manera, par no di fà a leia trà u sacru è u prufanu è fà capì chì issu baddu circulari celebreghja u ciculu di a vita. È và cù u mantenimentu di a noscia mimoria. »
Cuncertu di i Voci di a Gravona
Dopu, una messa in scena storica hè privista cù ghjente vestuti di custume di l’epica, una vintena di bandere ch’anu da mustrà l’evoluzione di a bandera corsa. Per ghjustificà issu mumentu, masimu l’usu di a testa mora, unepochi di persone anu da ballà a muresca, un usu chì volta, dinò tutti l’anni. Nanzu l’articulu unu di a custituzione, letu da una cullegiante, i zitelli di a scola di Conca anu da cantà una canzona per illustrà a rivolta di i Corsi. In fine, a parte storica, cumpierà cù u Diu vi Salva Regina.
Ind’una seconda parte, chì s’hà da passà à a sala di es feste, a ghjuventù cerviuninca hà da cantà nanzu à un cuncertu di « I Voci di a Gravona ». « U scopu, hè di fà chì issa festa sia ripigliata in altrò...Par contu nosciu, ci hè una festa induva femu u pocucciu pagà a ghjenti (5 auri par i cuncerti è u magnà : pulenta, ficateddu, brocciu, ovi…).
Una festa arradicata in Conca, chè l’urganizatori volenu scrive à longu andà. È u paese chì à l’origine d’isse tradizione liate à l’ottu di dicembre. Una demarchja à sparghje è un esempiu à seguità.
F.P.
Photo : F.P
