Ondeci artisgiani d'arte premiati in Aiaccciu
Un sapè fà anticu
Ondeci artisgiani d’arte premiati in Aiacciu
Unepochi d’artisgiani isulani, in parechji duminii, sò stati premiati à a fine di nuvembre, da a Camera di i Mistieri di Corsica. Una manifestazione chì s’hè tenuta in u polu mediterraneanu di furmazione, in Aiacciu.
Tutti l’anni, à listessa epica, a Camera di i Mistieri di Corsica urganizeghja una manifestazione per mette in vale u travagliu, pocu cunniscitu di l’artisgiani d’arte. Cusi, eranu ondeci à esse premiati da a Camera à l’occasione d’una ghjurnata chì li era dedicata à a fine di nuvembre è dopu à un travagliu impurtante. Di fattu, a Camera di i Mistieri di Corsica accumpagna tutti l’artisgiani chì s’ingaghjanu in issu chjassu quì, qualificati, dopu, d’una certificazione. Una certificazione chì sbocca nantu à u titulu d’artisgianu d’arte.
Trè cundizione per esse qualificati
« L’aiutemi per u megliu, spieganu l’urganizatori, cù un’orientazione ver di i saloni, e fiere o per fà si cunnosce. Mettimu dinò in piazza dispusitivi finanziarii o ricunniscenze di qualificazione. »
Per esse qualificati, l’artisgiani devenu risponde, di manera favurevule, à parechje cundizione : esse matriculati à u registru naziunale di l’imprese, esse titulariu d’un diploma di nivellu trè (CAP) in u mistieru o avè trè anni di sperienza in u mistieru.
L’istitutu naziunale di i mistieri d’arte (Inma), conta, in tuttu, 281 mistieri in sedeci duminii cum’è a giovelleria, l’arillugeria, u ceramicu, u coghju, a moda, i tessili o u vetru...In Corsica, ci hè una certa specificità cù a scultura nantu à u legnu, l’ugetti trecciati, u terrame, a cusgera o u ricamu chì traducenu tutti un sapè fà anticu.
Un sapè fà anticu
Cusì, eranu ondeci à esse premiati in u polu mediterraneanu di furmazione, in Aiacciu, à a fine di nuvembre. Cù a presenza di Ghjuvan Carlu Martinelli, Presidente di a Camera di i Mistieri di Corsica, Simone Guerrini, aghjunta dedicata à a cultura à a Cità d’Aiacciu, è Ghjilormu Valdy (Banca PM). « A qualità d’artisgianu d’arte guarantisce un certu valore à quellu chì hà cumprà qualcosa in leia cù issa tematica, spiega u presidente di a CMC, hè un simbolu di ricunniscenza di u travagliu di tutti iss’omi è isse donne. Ci hè una messa in vale d’issa qualificazione è, à tempu, prumove une sapè fà anticu è sulca un’identità artisgianale. Semu liati à issi mistieri quì, hè ghjust’à puntu, per quessa, ch’avemu ch’ella hè stata creata issa ghjurnata. Avemu una diversità maiò in Corsica, masimu in i territorii di u mondu rurale. »
Frà tutti sti premiati, Margaux Ranty, stallata in Aiacciu, à l’attellu « Gaïa » induve ella travaglia, cù duie altre persone, nantu à a sella ma, à tempu, e vitture anziane. « Issu titulu marca a ricunniscenza di un travagliu chì riprisenta tante è tante ore di sudore. »
Dopu avè pigliatu un bichjeru, tutti insemi, i premiati si sò visti rimette u so labellu. Una bona ind’un rughjone induve l’artisgiani ùn mancanu micca.
F.P.
Photos: F.P
L’ondeci premiati
-James Blotiau (ceramicu)
-Diane Corticchiato (ceramicu)
-Saveria Geronimi (giuvelli preciosi)
-Cécile Grimaldi (giuvelli)
-Isabelle Istria (barrette)
-Vanina Frigosini (ghjoculi, ghjochi è adurnamenti)
-Magali Lecerf (ugetti diversi in legnu)
-Brigitte Mattei (stilista, mudelista)
-Carole Mufraggi (creazione di vitrati)
-Margaux Ranty (selleria)
-Gino Pisciottu (serramer
Unepochi d’artisgiani isulani, in parechji duminii, sò stati premiati à a fine di nuvembre, da a Camera di i Mistieri di Corsica. Una manifestazione chì s’hè tenuta in u polu mediterraneanu di furmazione, in Aiacciu.
Tutti l’anni, à listessa epica, a Camera di i Mistieri di Corsica urganizeghja una manifestazione per mette in vale u travagliu, pocu cunniscitu di l’artisgiani d’arte. Cusi, eranu ondeci à esse premiati da a Camera à l’occasione d’una ghjurnata chì li era dedicata à a fine di nuvembre è dopu à un travagliu impurtante. Di fattu, a Camera di i Mistieri di Corsica accumpagna tutti l’artisgiani chì s’ingaghjanu in issu chjassu quì, qualificati, dopu, d’una certificazione. Una certificazione chì sbocca nantu à u titulu d’artisgianu d’arte.
Trè cundizione per esse qualificati
« L’aiutemi per u megliu, spieganu l’urganizatori, cù un’orientazione ver di i saloni, e fiere o per fà si cunnosce. Mettimu dinò in piazza dispusitivi finanziarii o ricunniscenze di qualificazione. »
Per esse qualificati, l’artisgiani devenu risponde, di manera favurevule, à parechje cundizione : esse matriculati à u registru naziunale di l’imprese, esse titulariu d’un diploma di nivellu trè (CAP) in u mistieru o avè trè anni di sperienza in u mistieru.
L’istitutu naziunale di i mistieri d’arte (Inma), conta, in tuttu, 281 mistieri in sedeci duminii cum’è a giovelleria, l’arillugeria, u ceramicu, u coghju, a moda, i tessili o u vetru...In Corsica, ci hè una certa specificità cù a scultura nantu à u legnu, l’ugetti trecciati, u terrame, a cusgera o u ricamu chì traducenu tutti un sapè fà anticu.
Un sapè fà anticu
Cusì, eranu ondeci à esse premiati in u polu mediterraneanu di furmazione, in Aiacciu, à a fine di nuvembre. Cù a presenza di Ghjuvan Carlu Martinelli, Presidente di a Camera di i Mistieri di Corsica, Simone Guerrini, aghjunta dedicata à a cultura à a Cità d’Aiacciu, è Ghjilormu Valdy (Banca PM). « A qualità d’artisgianu d’arte guarantisce un certu valore à quellu chì hà cumprà qualcosa in leia cù issa tematica, spiega u presidente di a CMC, hè un simbolu di ricunniscenza di u travagliu di tutti iss’omi è isse donne. Ci hè una messa in vale d’issa qualificazione è, à tempu, prumove une sapè fà anticu è sulca un’identità artisgianale. Semu liati à issi mistieri quì, hè ghjust’à puntu, per quessa, ch’avemu ch’ella hè stata creata issa ghjurnata. Avemu una diversità maiò in Corsica, masimu in i territorii di u mondu rurale. »
Frà tutti sti premiati, Margaux Ranty, stallata in Aiacciu, à l’attellu « Gaïa » induve ella travaglia, cù duie altre persone, nantu à a sella ma, à tempu, e vitture anziane. « Issu titulu marca a ricunniscenza di un travagliu chì riprisenta tante è tante ore di sudore. »
Dopu avè pigliatu un bichjeru, tutti insemi, i premiati si sò visti rimette u so labellu. Una bona ind’un rughjone induve l’artisgiani ùn mancanu micca.
F.P.
Photos: F.P
L’ondeci premiati
-James Blotiau (ceramicu)
-Diane Corticchiato (ceramicu)
-Saveria Geronimi (giuvelli preciosi)
-Cécile Grimaldi (giuvelli)
-Isabelle Istria (barrette)
-Vanina Frigosini (ghjoculi, ghjochi è adurnamenti)
-Magali Lecerf (ugetti diversi in legnu)
-Brigitte Mattei (stilista, mudelista)
-Carole Mufraggi (creazione di vitrati)
-Margaux Ranty (selleria)
-Gino Pisciottu (serramer
