Ghjuvan Maria Luciani, Signadore : una tradizione pagana
Un amparera à quattordeci anni
Ghjuvan Maria Luciani, signadore : una tradizione pagana
Di ceppu vezzanese, issu pastore pecuraghju chì hà passatu tutta a so vita in paese, segna dapoi l’età di quattordeci anni. Un usu ch’ellu praticheghja sempre è ch’ellu trasmetta di tantu in tantu a sera di Natale…
A sucetà di cunsummazione ci face perde, in Corsica, i nostri usi. Dapoi ch’ellu s’hè persu u mondu paisanu, sulcatu ind’è noi, dapoi seculi è seculi, e radiche sputiche spariscenu à pocu à pocu. Ma, fermanu quì è quallà, usi antichi. Masimu quellu di l’ochju chì hè tramandatu, à spessu, a sera di Natale. À dilla franca, sò pochi, a ghjente capace à signà oghje, ind’un mondu induve a vita citadina hà pigliatu a suprana nantu l’usi tradiziunali. Di ceppu vezzanese, è dopu avè passatu a so vita – hè di l’età di sessanta trè anni-, Ghjuvan Maria Luciani, face parte di iss’omi-serà forse unu di l’ultimi- chì segnanu a ghjente. « Sò natu in Vezzani, spiega quellu chì hè pecuraghju dapoi sempre, è ci sò ingrandatu cù cinque fratelli è duie surelle. À l’epica, ci era quattru scole, più di trè centu abitanti è si campava bè. »
Dopu à a so scularità, u pastore hè andatu in liceu in Corti. « Ma a scularità ùn era fattu per mè, aghjusta quellu, sò turnatu in paese, ci aghju campatu è travagliatu sin’à d’oghje. Aghju fattu e legne, l’ortu, u furmagliu, i vitelli, i porchi…, u tuttu à mezu à i mo anziani. »
Un amparera à quattordeci anni
Una vita paisana induve hè à l’età di quattordeci anni ch’ellu ampara à signà ind’un ambiu induve ellu cresce. « Hè un usu di i pastori. Cum’eru sempre in cuntattu cun elli, aghju dumandatu, un ghjornu à unu di quelli d’amparà mi. »
Cusì, hè a sera di Natale, cum’è in a maiò parte di i lochi di Corsica induve l’usu di l’ochju hè tramandatu, ch’ellu u riceve. Cù a particularità d’esse capace, oghje, di signà cù l’oliu è dunque i diti o solu cù a preghera. « L’usu hè trasmessu da u ciuttà di u sole sin’à u lindumane matina. Aghju avutu a furtuna d’amparà parechji usi diferenti chì mi permettenu, oghje, di signà per l’ochju, i denti, malatie diverse, e brusgiature, u sole, a caristia, l’animali, ecc... »
Ghjuvan Maria Luciani hè ancu capace di curà a sciatica. « Si mette un pezzu di lana nantu à u ditu, hè una pratica specifica ch’aghju dinò amparatu zitellu. »
Cinanquanta preghere
U pastore serà forse unu di i soli, in Corsica, à cunnosce più di cinquanta rituali diferenti per curà tante è tante malatie. Preghere è usi, ch’ellu cerca, oghje, à tramandà. « Aghju assai dumande, vale à dì ch’ellu ci hè sempre un interessu per s’usi quì. Possu signà trenta persone à mese. Ma mi pare impurtante di trasmetta tuttu què. Cercu sempre à amparà d’altre preghera ma i vechji si ne vanu à a lestru è què mi disturba assai. »
Un fattu ch’ùn l’impedisce micca di cuntinuà à tramandà a sera di Natale, ch’ella sia cù l’oliu o a preghera. Cù una leia ancu a Fede. « Sò statu battizatu ma, à dilla franca, ùn vocu micca sempre in ghjesgia. »
Di regula, issu’usu quì, si deve amparà sopra piazza. Ghjuvan Maria Luciani, ellu, accetta chè a ghjente scrivi è trasmette dinò à u telefonu. « Basta chè a ghjente teni tuttu senza sparte fora di u rituale natalescu. ». L’omu s’impegna assai, cuscente chè s’usi anu da sparisce da quì à pocu, ch’elli sò arrimbati nantu à un modu di campà ch’ùn hè più. Ma a sera di Natale, cuntinueghja à tramandà à quelli chì si spiazzanu in Vezzani. Ma dinò à u telefonu. Una pratica ch’ellu cercherà à trasmette à a so famiglia.
F.P.
Photos : F.P
Di ceppu vezzanese, issu pastore pecuraghju chì hà passatu tutta a so vita in paese, segna dapoi l’età di quattordeci anni. Un usu ch’ellu praticheghja sempre è ch’ellu trasmetta di tantu in tantu a sera di Natale…
A sucetà di cunsummazione ci face perde, in Corsica, i nostri usi. Dapoi ch’ellu s’hè persu u mondu paisanu, sulcatu ind’è noi, dapoi seculi è seculi, e radiche sputiche spariscenu à pocu à pocu. Ma, fermanu quì è quallà, usi antichi. Masimu quellu di l’ochju chì hè tramandatu, à spessu, a sera di Natale. À dilla franca, sò pochi, a ghjente capace à signà oghje, ind’un mondu induve a vita citadina hà pigliatu a suprana nantu l’usi tradiziunali. Di ceppu vezzanese, è dopu avè passatu a so vita – hè di l’età di sessanta trè anni-, Ghjuvan Maria Luciani, face parte di iss’omi-serà forse unu di l’ultimi- chì segnanu a ghjente. « Sò natu in Vezzani, spiega quellu chì hè pecuraghju dapoi sempre, è ci sò ingrandatu cù cinque fratelli è duie surelle. À l’epica, ci era quattru scole, più di trè centu abitanti è si campava bè. »
Dopu à a so scularità, u pastore hè andatu in liceu in Corti. « Ma a scularità ùn era fattu per mè, aghjusta quellu, sò turnatu in paese, ci aghju campatu è travagliatu sin’à d’oghje. Aghju fattu e legne, l’ortu, u furmagliu, i vitelli, i porchi…, u tuttu à mezu à i mo anziani. »
Un amparera à quattordeci anni
Una vita paisana induve hè à l’età di quattordeci anni ch’ellu ampara à signà ind’un ambiu induve ellu cresce. « Hè un usu di i pastori. Cum’eru sempre in cuntattu cun elli, aghju dumandatu, un ghjornu à unu di quelli d’amparà mi. »
Cusì, hè a sera di Natale, cum’è in a maiò parte di i lochi di Corsica induve l’usu di l’ochju hè tramandatu, ch’ellu u riceve. Cù a particularità d’esse capace, oghje, di signà cù l’oliu è dunque i diti o solu cù a preghera. « L’usu hè trasmessu da u ciuttà di u sole sin’à u lindumane matina. Aghju avutu a furtuna d’amparà parechji usi diferenti chì mi permettenu, oghje, di signà per l’ochju, i denti, malatie diverse, e brusgiature, u sole, a caristia, l’animali, ecc... »
Ghjuvan Maria Luciani hè ancu capace di curà a sciatica. « Si mette un pezzu di lana nantu à u ditu, hè una pratica specifica ch’aghju dinò amparatu zitellu. »
Cinanquanta preghere
U pastore serà forse unu di i soli, in Corsica, à cunnosce più di cinquanta rituali diferenti per curà tante è tante malatie. Preghere è usi, ch’ellu cerca, oghje, à tramandà. « Aghju assai dumande, vale à dì ch’ellu ci hè sempre un interessu per s’usi quì. Possu signà trenta persone à mese. Ma mi pare impurtante di trasmetta tuttu què. Cercu sempre à amparà d’altre preghera ma i vechji si ne vanu à a lestru è què mi disturba assai. »
Un fattu ch’ùn l’impedisce micca di cuntinuà à tramandà a sera di Natale, ch’ella sia cù l’oliu o a preghera. Cù una leia ancu a Fede. « Sò statu battizatu ma, à dilla franca, ùn vocu micca sempre in ghjesgia. »
Di regula, issu’usu quì, si deve amparà sopra piazza. Ghjuvan Maria Luciani, ellu, accetta chè a ghjente scrivi è trasmette dinò à u telefonu. « Basta chè a ghjente teni tuttu senza sparte fora di u rituale natalescu. ». L’omu s’impegna assai, cuscente chè s’usi anu da sparisce da quì à pocu, ch’elli sò arrimbati nantu à un modu di campà ch’ùn hè più. Ma a sera di Natale, cuntinueghja à tramandà à quelli chì si spiazzanu in Vezzani. Ma dinò à u telefonu. Una pratica ch’ellu cercherà à trasmette à a so famiglia.
F.P.
Photos : F.P
