Umaggiu à Ghjuvan Petru Arrighi
Militante puliticu è atletu di prima trinca,.....
Umaggiu à Ghjuvan Petru Arrighi
Militante puliticu è atletu di prima trinca, Ghjuvan Petru Arrighi, s’hè spentu a settimana scorsa in Aiacciu à l’età d’ottantadui anni. Una persunalità micca cunvenziunale è un omu stimatu da tutti chì lascia un viotu tamantu.
A Corsica sana hè in dolu dopu à a sparizione, a settimana scorsa, di Ghjuvan Petru Arrighi, in Aiacciu à mezu à i soi, à l’età d’ottantadui anni. Quale hè ch’ùn cunniscia micca à Ghjuvan Petru in Aiacciu, u circondu è ancu altrò? A so barretta nantu à u capu, a so mustaccia particulare, a so tenuta di sport, a so manera di corre è, d’una manera generale, u so prufilu avianu fattu, in un mezu seculu, u giru di a Corsica è ancu di u mondu sanu. Cùn ellu, sfugliemu più di cinquanta anni di a storia pulitica è spurtiva di l’isula. Natu in u 1942 in Algeria (Alger), hè sempre statu un difensore attivu è un militante di a so isula.
Un militante puliticu attivu è sinceru
In parrighji, sustinendu i Corsi di a Diaspora, era unu di i fundadori di l’UTCE (Unione di i Travagliadori Corsi Esiliatu), cù una presenza maiò da i primi tempi di e rivindicazione pulitiche sin’à l’ultimi tempi (avia fattu a scelta di raghjunghje u muvimentu Femu a Corsica in u 2015). Nanzu di rientre in Corsica , in u 1976, Ghjuvan Petru Arrighi faccia parte di u cumitatu di sustegnu à Edmondu Simeoni. Militante di prima trinca, hè sempre statu presente in a lotta naziunalista, à traversu una mubilisazione maiò (affare di u Boeing, Bastelica-Fesch, di a prighjò d’Aiacciu), circhendu ancu, in i tempi di a guerra trà naziunalisti, à adunisce tuttu u mondu.
Cinquantottu anni di corsa à pedi
Ma Ghjuvan Petru era dinù cunnisciutu per u so percorsu spurtivu. Corre nanzu per u piacè era u so primu scopu, ellu ch’avia principiatu à l’età di...tredeci anni in Alger, in u 1955. Dopu à u so serviziu militariu, avia cuntinuatu à intrenà si. Hè in Corsica, chè u so percorsu avia pigliatu una altra dimensione cù a participazione à parechji clubs (CAA, ASA, ASPTT dapoi u 1995) o essendu fundatore di a famosa corsa, a Paolina. « A corsa à pedi, spiega Félix Antonetti (ASA), unu di i so amichi, era u so modu di vita. Curria da per tuttu, cinqui à sei volti à settimana. Un persunaghju strasordinariu cunnisciutu da per tuttu, in Corsica à altrò. Un ghjornu ch’eramu in u Nordu d a Francia pà una corsa, sintiu parechje volte, « Salut Jean-Pierre, « Jean-Pierre, ça va ? »...Ancu quallà. »
Hè in Corsica, ch’ellu fece u so primu marathon. In l’anni novanta, mentre ch’ellu avia 50 anni, avia ameliuratu i so resultati, participendu à guasgi tutte e corse di l’isula, vincendu a famosa Paolina (ne era u presidente d’onore).
L’Omu di tutte e sfide
Specialistu di a corsa à pedi, Ghjuvan Petru era, pocu impreme u so età -sempre in cundizione fisica- l’omu di tutte e sfide. In 58 anni, avia fattu u giru di i cinque cuntinente cullendu ancu nantu à a muraglia di China. Cù a una sala di i trufei degna di i più famosi atleti. Ma una di e so sfide maiò fù di sicuru, u 2500u Marathon d’Athènes in u 2010. Senza sminticà u famosu giru di Francia in corsa à pedi in u 1998 (149 tape) per difende i valori di Fair Play à u mese di maghju di u 1998 per entre, un mese più tardi à u Stadiu di Francia à l’occasione di u macciu d’apertura d a cuppa di u mondu Brasiliu Scozzia. A so ultima corsa fù un mezu marathon d’Aiacciu qualchì annu fà. Per i so settanta anni, avia fattu settanta giri di a piazza Foch in Aiacciu. È ghjè u Covid, chì l’avia impeditu di fà n ottanta dece anni dopu. Un omu strasordinariu chì hè statu unuratu à l’altezza di ciò ch’ellu era. Tutta a squadra di u JDC prisenta e so cunduglianze afflite à Huguette, a so moglia, Géraldine, a so figliola, Faustina è Lisadrina, e so figliuline.
Ohoto : famille Arrighi
Militante puliticu è atletu di prima trinca, Ghjuvan Petru Arrighi, s’hè spentu a settimana scorsa in Aiacciu à l’età d’ottantadui anni. Una persunalità micca cunvenziunale è un omu stimatu da tutti chì lascia un viotu tamantu.
A Corsica sana hè in dolu dopu à a sparizione, a settimana scorsa, di Ghjuvan Petru Arrighi, in Aiacciu à mezu à i soi, à l’età d’ottantadui anni. Quale hè ch’ùn cunniscia micca à Ghjuvan Petru in Aiacciu, u circondu è ancu altrò? A so barretta nantu à u capu, a so mustaccia particulare, a so tenuta di sport, a so manera di corre è, d’una manera generale, u so prufilu avianu fattu, in un mezu seculu, u giru di a Corsica è ancu di u mondu sanu. Cùn ellu, sfugliemu più di cinquanta anni di a storia pulitica è spurtiva di l’isula. Natu in u 1942 in Algeria (Alger), hè sempre statu un difensore attivu è un militante di a so isula.
Un militante puliticu attivu è sinceru
In parrighji, sustinendu i Corsi di a Diaspora, era unu di i fundadori di l’UTCE (Unione di i Travagliadori Corsi Esiliatu), cù una presenza maiò da i primi tempi di e rivindicazione pulitiche sin’à l’ultimi tempi (avia fattu a scelta di raghjunghje u muvimentu Femu a Corsica in u 2015). Nanzu di rientre in Corsica , in u 1976, Ghjuvan Petru Arrighi faccia parte di u cumitatu di sustegnu à Edmondu Simeoni. Militante di prima trinca, hè sempre statu presente in a lotta naziunalista, à traversu una mubilisazione maiò (affare di u Boeing, Bastelica-Fesch, di a prighjò d’Aiacciu), circhendu ancu, in i tempi di a guerra trà naziunalisti, à adunisce tuttu u mondu.
Cinquantottu anni di corsa à pedi
Ma Ghjuvan Petru era dinù cunnisciutu per u so percorsu spurtivu. Corre nanzu per u piacè era u so primu scopu, ellu ch’avia principiatu à l’età di...tredeci anni in Alger, in u 1955. Dopu à u so serviziu militariu, avia cuntinuatu à intrenà si. Hè in Corsica, chè u so percorsu avia pigliatu una altra dimensione cù a participazione à parechji clubs (CAA, ASA, ASPTT dapoi u 1995) o essendu fundatore di a famosa corsa, a Paolina. « A corsa à pedi, spiega Félix Antonetti (ASA), unu di i so amichi, era u so modu di vita. Curria da per tuttu, cinqui à sei volti à settimana. Un persunaghju strasordinariu cunnisciutu da per tuttu, in Corsica à altrò. Un ghjornu ch’eramu in u Nordu d a Francia pà una corsa, sintiu parechje volte, « Salut Jean-Pierre, « Jean-Pierre, ça va ? »...Ancu quallà. »
Hè in Corsica, ch’ellu fece u so primu marathon. In l’anni novanta, mentre ch’ellu avia 50 anni, avia ameliuratu i so resultati, participendu à guasgi tutte e corse di l’isula, vincendu a famosa Paolina (ne era u presidente d’onore).
L’Omu di tutte e sfide
Specialistu di a corsa à pedi, Ghjuvan Petru era, pocu impreme u so età -sempre in cundizione fisica- l’omu di tutte e sfide. In 58 anni, avia fattu u giru di i cinque cuntinente cullendu ancu nantu à a muraglia di China. Cù a una sala di i trufei degna di i più famosi atleti. Ma una di e so sfide maiò fù di sicuru, u 2500u Marathon d’Athènes in u 2010. Senza sminticà u famosu giru di Francia in corsa à pedi in u 1998 (149 tape) per difende i valori di Fair Play à u mese di maghju di u 1998 per entre, un mese più tardi à u Stadiu di Francia à l’occasione di u macciu d’apertura d a cuppa di u mondu Brasiliu Scozzia. A so ultima corsa fù un mezu marathon d’Aiacciu qualchì annu fà. Per i so settanta anni, avia fattu settanta giri di a piazza Foch in Aiacciu. È ghjè u Covid, chì l’avia impeditu di fà n ottanta dece anni dopu. Un omu strasordinariu chì hè statu unuratu à l’altezza di ciò ch’ellu era. Tutta a squadra di u JDC prisenta e so cunduglianze afflite à Huguette, a so moglia, Géraldine, a so figliola, Faustina è Lisadrina, e so figliuline.
Ohoto : famille Arrighi
