Cunfraternità San Ghjuvan Battista d’Aiacciu : nantu à u solcu di a memoria
Purtata nantu à i chjassi di u rinnovu à partesi da l’anni novanta da Ghjuvan Ghjacumu è Cristianu Andreani, issa cunfraternita chì piglia e so radiche in u medievu, festighjeghja cù fervore, masimu in tempi di a San Ghjuvà, i so trenta anni.
L’occasione di sfuglià a memoria di a cità…
A leia trà a religione, a fede è u mondu suciale piglia una piazza impurtante in Corsica, più ch’in altrò. In parechji paesi di l’isula ma dinò ind’e cità, a vita spirituale hè arrimbata, à spessu, à e cunfraternite. Danu, d’una certa manera, un ritimu à a vita, da a nascita sin’à a morte. Portanu, à tempu, a storia…In Aiacciu, e cunfraternite sò numerose da quella di Sant’Eramu à quella di a Misericordia passendu per quella di San Rucchellu….Quella di San Ghjuvan Battista, nata i tempi di u Medievu è arrimbata à a storia d’Aiacciu, serà, forse, una di e più impurtante di l’isula.
Sei seculi di storia
A presenza, à u cinquesimu seculu dopu à Cristu, d’una catedrale paleucristiana San Giovan Battista, marcaria l’iniziu d’una storia vechja di più di mille è cinquecentu anni…Di fattu, un uratoriu fù alzatu à a metà di u quindicesimu seculu marchendu a nascita di a prima cunfraternita dedicata à San Ghjuvan Battista (1565). Era incaricata di l’amministrazione di i povari. Più tardi, parechji membri di a famiglia Bonaparte ci seranu battizati. A leia cù a storia solca di manera naturale u percorsu di a cunfraterita. Seguiterà, à pocu à pocu, l’ evoluzione di a vita aiaccina cù a nascita d’altre strutture religiose, u quartieru di u Borgu è d’altri…Cù u tempu, l’uratoriu dedicatu à u Santu hè minacciatu è ancu chjosu à a fine di l’anni ottanta. Centucinquanta anni dopu à una prima risturazione. In u 1991, dopu à un travagliu impurtante di l’architetti di i Bastimenti di Francia, l’edifiziu hè reabilitatu. A cunfraternita dedicata à u so Santu Patrone, ella, rinasce cù l’impegnu di i fratelli Andreani, Ghjuvan Ghjacumu è Cristiani, è a squadra di u gruppu Caramusa cù Ghjaseppu Figarelli. Cusì, è dapoi trenta anni (l’annu chì vene), a squadra vestuta d’una cappa nera è d’un tabarrinu rossu (simbuli di u martiru), seguita a liturgia durante tutta l’annata, participendu à e messe è, festighjendu, à tempu, u so Santu Patrone ogni 24 di ghjugnu. A San Ghjuvan Battista detta « d’estate » arrimbata nantu à u sulstiziu è liatu a San Ghjuvà u Battistu (a San Ghjuvà d’inguernu u 21 di dicembre hè liata, ella, à San Ghjuvà u Vangelistu…). « Dapoi trenta anni, spiega Cristianu Andreani chì hà fattu monda ricerche nantu a religione è u cantu tradiziunale in Corsica, a squadra hà campata più o menu cù l’evoluzione di a cità, di a fede è di a religione. Oghje, semu à pocu pressu una vintena ma tuttu u mondu ùn hè prisente à tempu. »
Messa è canti in lingua nustrale
Cù l’impegnu di u gruppu Caramusa è d’altri canterini più o menu cunnisciuti, di ghjente passiunati di lingua corsa, u cantu tradiziunale s’hè invitatu pian’pianinu per imponesi cu’è una priurità. A messa hè stata traduta in corsu è dinò a maiò parte di i canti latini. Ciò chì dà una certa particularità à l’inseme. Per via di a crisa sanitaria, e festività liate à l’anniversariu di a cunfraternita (maghju a sera di u 23 è processiò di u 24) sò state cacciate da e ceremonie. Ci serà, forse, una festa maiò l’annu prussimu. Aspettendu, a cunfraternita face a so strada, trà fede, fervore è passione…
A leia trà a religione, a fede è u mondu suciale piglia una piazza impurtante in Corsica, più ch’in altrò. In parechji paesi di l’isula ma dinò ind’e cità, a vita spirituale hè arrimbata, à spessu, à e cunfraternite. Danu, d’una certa manera, un ritimu à a vita, da a nascita sin’à a morte. Portanu, à tempu, a storia…In Aiacciu, e cunfraternite sò numerose da quella di Sant’Eramu à quella di a Misericordia passendu per quella di San Rucchellu….Quella di San Ghjuvan Battista, nata i tempi di u Medievu è arrimbata à a storia d’Aiacciu, serà, forse, una di e più impurtante di l’isula.
Sei seculi di storia
A presenza, à u cinquesimu seculu dopu à Cristu, d’una catedrale paleucristiana San Giovan Battista, marcaria l’iniziu d’una storia vechja di più di mille è cinquecentu anni…Di fattu, un uratoriu fù alzatu à a metà di u quindicesimu seculu marchendu a nascita di a prima cunfraternita dedicata à San Ghjuvan Battista (1565). Era incaricata di l’amministrazione di i povari. Più tardi, parechji membri di a famiglia Bonaparte ci seranu battizati. A leia cù a storia solca di manera naturale u percorsu di a cunfraterita. Seguiterà, à pocu à pocu, l’ evoluzione di a vita aiaccina cù a nascita d’altre strutture religiose, u quartieru di u Borgu è d’altri…Cù u tempu, l’uratoriu dedicatu à u Santu hè minacciatu è ancu chjosu à a fine di l’anni ottanta. Centucinquanta anni dopu à una prima risturazione. In u 1991, dopu à un travagliu impurtante di l’architetti di i Bastimenti di Francia, l’edifiziu hè reabilitatu. A cunfraternita dedicata à u so Santu Patrone, ella, rinasce cù l’impegnu di i fratelli Andreani, Ghjuvan Ghjacumu è Cristiani, è a squadra di u gruppu Caramusa cù Ghjaseppu Figarelli. Cusì, è dapoi trenta anni (l’annu chì vene), a squadra vestuta d’una cappa nera è d’un tabarrinu rossu (simbuli di u martiru), seguita a liturgia durante tutta l’annata, participendu à e messe è, festighjendu, à tempu, u so Santu Patrone ogni 24 di ghjugnu. A San Ghjuvan Battista detta « d’estate » arrimbata nantu à u sulstiziu è liatu a San Ghjuvà u Battistu (a San Ghjuvà d’inguernu u 21 di dicembre hè liata, ella, à San Ghjuvà u Vangelistu…). « Dapoi trenta anni, spiega Cristianu Andreani chì hà fattu monda ricerche nantu a religione è u cantu tradiziunale in Corsica, a squadra hà campata più o menu cù l’evoluzione di a cità, di a fede è di a religione. Oghje, semu à pocu pressu una vintena ma tuttu u mondu ùn hè prisente à tempu. »
Messa è canti in lingua nustrale
Cù l’impegnu di u gruppu Caramusa è d’altri canterini più o menu cunnisciuti, di ghjente passiunati di lingua corsa, u cantu tradiziunale s’hè invitatu pian’pianinu per imponesi cu’è una priurità. A messa hè stata traduta in corsu è dinò a maiò parte di i canti latini. Ciò chì dà una certa particularità à l’inseme. Per via di a crisa sanitaria, e festività liate à l’anniversariu di a cunfraternita (maghju a sera di u 23 è processiò di u 24) sò state cacciate da e ceremonie. Ci serà, forse, una festa maiò l’annu prussimu. Aspettendu, a cunfraternita face a so strada, trà fede, fervore è passione…
