Ghjaseppa Giacometti, cunsigliera esecutiva incaricata di a cultura, a furmazione è l’educazione
« Ci serà una lezziò da ritene di sta crisa à u nivellu culturale è suciale »
Cù a crisa sanitaria ch’è noi campemu avà dapoi più di trè mesi è ch’ùn face chè principià, tutti i duminii sò tocchi. Cusì, è dopu à l’eletti incaricati di l’aspettu sanitariu, i prufessiunali di turisimu, i sindicati è d’una manera generale, quelli chì sèo impegnati à prò di l’ecunumia, tocca, sta settimana à l’aspettu culturale abbastanza debule cù a crisa. Festivali, cuncerti è fiere di l’estatina annulate, incertezza di l’avvene à cortu andà, hè l’occasione, per Ghjaseppa Giacometti, cunsigliera esecutiva incaricata di a cultura, a furmazione è l’educazione di fà u puntu, à una decina di ghjorni di l’estate nantu à sta situazione. Ci dà, à tempu u so parè nantu à a pulemica nata cù u Retturatu…
Chì hè u vostru parè nantu à a situazione sanitaria in Corsica ?
Oghje, a situazione hè in evoluzione in u sensu bonu. Dapoi u mese di marzu è i dui primi rapporti di u scunfinamentu u 7 è u 29 di maghju, avemu seguitatu ogni ghjorni, issa situazione sanitaria. Ci sò, di sicuru, segni chì ci mostranu chì l’epidemia cala. Ci vole sempre à fà casu è circà, à tempu, ad avè di più infurmazione ma speremu d’andà ver di a fine di l’epidemia…
Un’epidemia chì hà fattu quantunque abbastanza male in tutti i duminii, masimu à u nivellu culturale cù l’annulazione di a maiò parte di i festivali o evenimenti impurtanti. Una situazione cumplicata per a cultura questu annu ?
Dapoi u principiu di a crisa, a CdC hè in leia permanente cù l’attori culturali. Avemu seguitatu issa situazione, e dichjarazione di i ministri è l’annunci anu avutu un effettu, di sicuru, nantu à l’urganisazione di e manifestazione. Iss’incertezza maiò mette l’attori nantu à una situazione cumplicata. Stemu accantu à elli. Avemu pigliatu misure in gira à l’aiuti è i dispusitivi ch’è noi pudiamu mette in piazza. Aghju avutu, per contu meiu, un iscambiu qualchì tempu fà cù u ministru di a cultura per fà ricullà l’inchietudine di l’urganizatori di i festivali, l’intermittenti di u spettaculu, ecc…Ch’ellu ci vulia à tene un discorsu chjaru per permette à l’attori d’avè un sguardu nantu à a so situazione. À tempu, aghju scontru qualchì attore culturale, aghju da riceve una delegazione d’intermittenti di u spettaculu a settimana chì vene per fà un puntu precisu…
Chì sò e misure pruposte da a CdC ?
Pruvemu di mantene una parte di l’aiuti ch’ùn sò micca rimpattati da l’assicuranze, mantene dinò un impiegu quand’ellu hè minacciatu. È arrimbati à l’annu scorsu, avemu mantenutu e suvvenzione per l’inseme di l’attori. Cusì, s’hè pussutu avè un primu aiutu di a CdC durante a crisa. Discurrimu, avà, di manera à appruntà a fine di l’annu secondu à a situazione sanitaria è dinò intornu à l’annu chì vene postu chì ci seranu torna difficultà liate à ciò chì hè accadutu questu annu.
I festivali maiò cum’è Porto Latino, Les Nuits de la Guitare di Patrimoniu o Jazz in Aiacciu, chì danu, aldilà di u so spechju culturale, un soffiu à l’ecunumia isulana, sò stati annulati. Un colpu dinò impurtante ?
Quelli chì opponenu a culturale è l’ecunumia si rendenu contu, oghje, quantu sti dui vettori sò liati. Ci hè un’ecunumia di a cultura, chì porta un valore ch’ùn hè micca solu quellu di u soldu. Ghjè dinò u valore di a leia suciale ch’ella crea. Ma ci hè, à tempu, un valore ecunomicu chì custituisce un pesu maiò. In giru à ste manifestazione, ci hè tuttu un’ecunumia chì si sviluppa. Questu annu, l’annulazione di festivali mintuati, hà da purtà un colpu à l’ecunumia. Cum’e diciu nanzu, semu à fiancu à l’urganizatori per pruvà di mantene ciò ch’è noi pudemu per tutti st’associ ma hè vera chè un colpu ecunomicu serà impurtante. Ùn si pò ancu misurà lu per avà...
« A leia suciale o a nuzione di cumunità devenu esse per noi una primura »
Sempre liate à a cultura è ancu s’ùn hè micca a vostra cumpetenza diretta, e fiere, spechje di u sapè fà isulanu. Quì dinò, si perderà monda ?
Ùn aghju micca a carica diretta d’issa tematica ma hè vera ch’ella face parte di a cultura è di l’animazione ch’è noi vulemu dà à i nostri territorii. Sò appuntamenti maiò, à mezu à una leia suciale maiò, chè a ghjente aspettanu tutti l’anni per ritruvà i pruduttori, l’artisgiani è fà campà un territoriu. U presidente di l’Odarc, Lionel Mortini hè à fiancu à a vita assuciativa di i paesi. Circhemu d’accumpagnà li in sti mumenti difficiuli ma ci seranu cunsequenze. Per stà nantu à un filu pusitivu, pensu chè ci serà una lezziò da ritene di sta crisa à u nivellu culturale è suciale. Puderemu, forse l’annu chì vene, rendeci contu quantu a leia suciale o a nuzione di cumunità devenu esse per noi una primura.
Si ponu misurà, oghje, i disguasti culturali d’issa crisa ?
Ci vole à misurà ciò chì si trova in giru à tutte ste manifestazione, di manera più o menu indirettu. Ci hè tutta un’urganisazione è aldilà, reservazione, alberghi è usterie. Tuttu què averà cunsequenze ecunomiche maiò, ciò ch’o diciu nanzu, cù sta leia trà l’ecunumia è a cultura.
Quantu ci vulerà tempu per pudè vultà à una situazione « nurmale » ?
Ùn si sà per avà. Parlavamu, à principiu, di a situazione sanitaria. Oghje, u criteriu maiò di gestione d’issa crisa hè l’evoluzione di u siscu. À chì ne seremu di vaghjime ? Quale a sà ? Certi dicenu chè l’epidemia hà da vultà, d’altri ch’ella s’hà da spenghje. Semu quì davanti à un’incertezza. Cumu hè di pettu à què ch’è noi pigliemu e nostre decisione, hè difficiule d’avanzà. Semu in obligu di privene cù scenarii diversi per esse pronti à accumpagnà tutte e situazione. Eppo, ci hè à tempu a scelta di l’urganisatori di tutte isse manifestazione di pudè mantenele. Ne anu, in tutti i casi, a vulintà. Speremu chè l’annu prussimu, a situazione ci permetterà d’avè una cunfidenza ritrova, per u mumentu, ùn la sapemu.
A CdC hà decisu d’ùn apre nè i culleghji, nè i licei, una decisione cuntraria per rapportu à u Retturatu chì s’era, ellu, prununciatu in favore di l’aperture, arrimbatu nantu à e misure naziunale. Una situazione pisia ?
Avemu pigliatu sta decisione u sette di maghju chè a situazione sanitaria ùn permettia micca, à l’epica è secondu à noi, d’apre in cundizione bone. Ùn avemu micca vulsutu piglià issu risicu quì cum’è, d’altronde, in d’altri paesi d’Auropa. A situazione sanitaria ùn era mancu appena stabilita, ùn aviamu micca u rinculu necessariu per fà l’affare cum’ellu ci vulia, masimu per u prutucolu sanitariu è per rapportu à tutti l’insignanti è aldilà, tutti i persunali cuncernati (aiute materne, guardierie, cantine, donne di pulizzia, ecc…). Si divia trattà d’ assicurà a cuntinuità pedagogica è l’avemu fattu accumpagnendu e squadre o i capi stabilimenti ma ùn si pudia micca pensà à l’aperture. A pulemica nata dopu hà pigliatu a suprana cù una strumentalisazione pulitica chì s’hè messa à mezu è chì hà piattatu e decisione vere di a Cullettività. S’hè trattatu di dirittu à l’Educazione intrappulatu è d’affari ch’ùn avianu nulla à chì vede cù a realità. Ùn parlavamu d’ùn vultà mai più à a scola ma solu d’una situazione sanitaria chì, ghjustamente, ùn lu permettia micca. U 29 di maghju, cù un rapportu novu, avemu fattu pruposte da pudè urganizà, in u tempu chì ferma, aiuti, casu à casu, stabilimentu per stabilimentu, i sculari chì ne anu u più bisognu. Semu ind’un’ accademia chjuca chì ci permette di mette in piazza issu travagliu di precisione cù i zitelli chì t’anu un veru bisognu. Per l’altri, assicurà una cuntinuità pedagogica è sopratuttu appruntà a rientrata. Cù dui scenarii pussibili : sia u siscu sparisce è ci seranu solu misure sanitarie e più legere, sia riparte o hè ind’una circulazione impurtante, tandu ci serà un protocollu sanitariu forte. Ch’ellu ci toccherà à appruntà i trasporti, a cantina, a spiazzamenti in i stabilimenti…U tuttu di manera à fà chè a rientrata ùn sia micca fatta incù l’angoscia. Dumanderà, iss’estate, un travagliu in cumunu cù u mondu educativu, e cumune, i stabilimenti, l’associ… Eccu e nostre pruposte, micca di più. Tandu, ùn avemu capitu a pulemica, masimu chè i culleghji è licei sò stati aperti chè i persunali anu cuntinuatu à travaglià. Ci sò stati cunsigli di classe, d’urientazione, travagli di l’insignanti per assicurà a cuntinuità pedagogica…
S’hè trattatu quantunque di rapporti difficiuli cù a Rettrice…
L’aghju avutu parechje volte durante u cunfinamentu per fà li parte di ciò ch’è noi faciamu. Avemu dumandatu una rientrata generale di settembre ma dicendu chè frà tempu eramu pronti à travaglià nantu à prublematiche di certi sculari. Ci hè statu una vulintà d’aduprà una foglia di strada tale è quale per rapportu à quella di u guvernu. Ùn avemu mai ricusatu u discorsu ma, à un mumentu datu avemu avutu un discorsu drittu, sempre u listessu in giru à una rientrata prugressiva, puntu è basta. Ci vole à ritruvà un modu di funziunamentu cù i sindicati d’insignanti, e federazione di parenti di sculari, i riprisententi di capi stabilimentu è l’auturità accademica. Truvemu issu spaziu quì per discorre, fà pruposte è avanzà. Masimu chè l’annata hè guasgi compia.
Chì hè u vostru parè nantu à a situazione sanitaria in Corsica ?
Oghje, a situazione hè in evoluzione in u sensu bonu. Dapoi u mese di marzu è i dui primi rapporti di u scunfinamentu u 7 è u 29 di maghju, avemu seguitatu ogni ghjorni, issa situazione sanitaria. Ci sò, di sicuru, segni chì ci mostranu chì l’epidemia cala. Ci vole sempre à fà casu è circà, à tempu, ad avè di più infurmazione ma speremu d’andà ver di a fine di l’epidemia…
Un’epidemia chì hà fattu quantunque abbastanza male in tutti i duminii, masimu à u nivellu culturale cù l’annulazione di a maiò parte di i festivali o evenimenti impurtanti. Una situazione cumplicata per a cultura questu annu ?
Dapoi u principiu di a crisa, a CdC hè in leia permanente cù l’attori culturali. Avemu seguitatu issa situazione, e dichjarazione di i ministri è l’annunci anu avutu un effettu, di sicuru, nantu à l’urganisazione di e manifestazione. Iss’incertezza maiò mette l’attori nantu à una situazione cumplicata. Stemu accantu à elli. Avemu pigliatu misure in gira à l’aiuti è i dispusitivi ch’è noi pudiamu mette in piazza. Aghju avutu, per contu meiu, un iscambiu qualchì tempu fà cù u ministru di a cultura per fà ricullà l’inchietudine di l’urganizatori di i festivali, l’intermittenti di u spettaculu, ecc…Ch’ellu ci vulia à tene un discorsu chjaru per permette à l’attori d’avè un sguardu nantu à a so situazione. À tempu, aghju scontru qualchì attore culturale, aghju da riceve una delegazione d’intermittenti di u spettaculu a settimana chì vene per fà un puntu precisu…
Chì sò e misure pruposte da a CdC ?
Pruvemu di mantene una parte di l’aiuti ch’ùn sò micca rimpattati da l’assicuranze, mantene dinò un impiegu quand’ellu hè minacciatu. È arrimbati à l’annu scorsu, avemu mantenutu e suvvenzione per l’inseme di l’attori. Cusì, s’hè pussutu avè un primu aiutu di a CdC durante a crisa. Discurrimu, avà, di manera à appruntà a fine di l’annu secondu à a situazione sanitaria è dinò intornu à l’annu chì vene postu chì ci seranu torna difficultà liate à ciò chì hè accadutu questu annu.
I festivali maiò cum’è Porto Latino, Les Nuits de la Guitare di Patrimoniu o Jazz in Aiacciu, chì danu, aldilà di u so spechju culturale, un soffiu à l’ecunumia isulana, sò stati annulati. Un colpu dinò impurtante ?
Quelli chì opponenu a culturale è l’ecunumia si rendenu contu, oghje, quantu sti dui vettori sò liati. Ci hè un’ecunumia di a cultura, chì porta un valore ch’ùn hè micca solu quellu di u soldu. Ghjè dinò u valore di a leia suciale ch’ella crea. Ma ci hè, à tempu, un valore ecunomicu chì custituisce un pesu maiò. In giru à ste manifestazione, ci hè tuttu un’ecunumia chì si sviluppa. Questu annu, l’annulazione di festivali mintuati, hà da purtà un colpu à l’ecunumia. Cum’e diciu nanzu, semu à fiancu à l’urganizatori per pruvà di mantene ciò ch’è noi pudemu per tutti st’associ ma hè vera chè un colpu ecunomicu serà impurtante. Ùn si pò ancu misurà lu per avà...
« A leia suciale o a nuzione di cumunità devenu esse per noi una primura »
Sempre liate à a cultura è ancu s’ùn hè micca a vostra cumpetenza diretta, e fiere, spechje di u sapè fà isulanu. Quì dinò, si perderà monda ?
Ùn aghju micca a carica diretta d’issa tematica ma hè vera ch’ella face parte di a cultura è di l’animazione ch’è noi vulemu dà à i nostri territorii. Sò appuntamenti maiò, à mezu à una leia suciale maiò, chè a ghjente aspettanu tutti l’anni per ritruvà i pruduttori, l’artisgiani è fà campà un territoriu. U presidente di l’Odarc, Lionel Mortini hè à fiancu à a vita assuciativa di i paesi. Circhemu d’accumpagnà li in sti mumenti difficiuli ma ci seranu cunsequenze. Per stà nantu à un filu pusitivu, pensu chè ci serà una lezziò da ritene di sta crisa à u nivellu culturale è suciale. Puderemu, forse l’annu chì vene, rendeci contu quantu a leia suciale o a nuzione di cumunità devenu esse per noi una primura.
Si ponu misurà, oghje, i disguasti culturali d’issa crisa ?
Ci vole à misurà ciò chì si trova in giru à tutte ste manifestazione, di manera più o menu indirettu. Ci hè tutta un’urganisazione è aldilà, reservazione, alberghi è usterie. Tuttu què averà cunsequenze ecunomiche maiò, ciò ch’o diciu nanzu, cù sta leia trà l’ecunumia è a cultura.
Quantu ci vulerà tempu per pudè vultà à una situazione « nurmale » ?
Ùn si sà per avà. Parlavamu, à principiu, di a situazione sanitaria. Oghje, u criteriu maiò di gestione d’issa crisa hè l’evoluzione di u siscu. À chì ne seremu di vaghjime ? Quale a sà ? Certi dicenu chè l’epidemia hà da vultà, d’altri ch’ella s’hà da spenghje. Semu quì davanti à un’incertezza. Cumu hè di pettu à què ch’è noi pigliemu e nostre decisione, hè difficiule d’avanzà. Semu in obligu di privene cù scenarii diversi per esse pronti à accumpagnà tutte e situazione. Eppo, ci hè à tempu a scelta di l’urganisatori di tutte isse manifestazione di pudè mantenele. Ne anu, in tutti i casi, a vulintà. Speremu chè l’annu prussimu, a situazione ci permetterà d’avè una cunfidenza ritrova, per u mumentu, ùn la sapemu.
A CdC hà decisu d’ùn apre nè i culleghji, nè i licei, una decisione cuntraria per rapportu à u Retturatu chì s’era, ellu, prununciatu in favore di l’aperture, arrimbatu nantu à e misure naziunale. Una situazione pisia ?
Avemu pigliatu sta decisione u sette di maghju chè a situazione sanitaria ùn permettia micca, à l’epica è secondu à noi, d’apre in cundizione bone. Ùn avemu micca vulsutu piglià issu risicu quì cum’è, d’altronde, in d’altri paesi d’Auropa. A situazione sanitaria ùn era mancu appena stabilita, ùn aviamu micca u rinculu necessariu per fà l’affare cum’ellu ci vulia, masimu per u prutucolu sanitariu è per rapportu à tutti l’insignanti è aldilà, tutti i persunali cuncernati (aiute materne, guardierie, cantine, donne di pulizzia, ecc…). Si divia trattà d’ assicurà a cuntinuità pedagogica è l’avemu fattu accumpagnendu e squadre o i capi stabilimenti ma ùn si pudia micca pensà à l’aperture. A pulemica nata dopu hà pigliatu a suprana cù una strumentalisazione pulitica chì s’hè messa à mezu è chì hà piattatu e decisione vere di a Cullettività. S’hè trattatu di dirittu à l’Educazione intrappulatu è d’affari ch’ùn avianu nulla à chì vede cù a realità. Ùn parlavamu d’ùn vultà mai più à a scola ma solu d’una situazione sanitaria chì, ghjustamente, ùn lu permettia micca. U 29 di maghju, cù un rapportu novu, avemu fattu pruposte da pudè urganizà, in u tempu chì ferma, aiuti, casu à casu, stabilimentu per stabilimentu, i sculari chì ne anu u più bisognu. Semu ind’un’ accademia chjuca chì ci permette di mette in piazza issu travagliu di precisione cù i zitelli chì t’anu un veru bisognu. Per l’altri, assicurà una cuntinuità pedagogica è sopratuttu appruntà a rientrata. Cù dui scenarii pussibili : sia u siscu sparisce è ci seranu solu misure sanitarie e più legere, sia riparte o hè ind’una circulazione impurtante, tandu ci serà un protocollu sanitariu forte. Ch’ellu ci toccherà à appruntà i trasporti, a cantina, a spiazzamenti in i stabilimenti…U tuttu di manera à fà chè a rientrata ùn sia micca fatta incù l’angoscia. Dumanderà, iss’estate, un travagliu in cumunu cù u mondu educativu, e cumune, i stabilimenti, l’associ… Eccu e nostre pruposte, micca di più. Tandu, ùn avemu capitu a pulemica, masimu chè i culleghji è licei sò stati aperti chè i persunali anu cuntinuatu à travaglià. Ci sò stati cunsigli di classe, d’urientazione, travagli di l’insignanti per assicurà a cuntinuità pedagogica…
S’hè trattatu quantunque di rapporti difficiuli cù a Rettrice…
L’aghju avutu parechje volte durante u cunfinamentu per fà li parte di ciò ch’è noi faciamu. Avemu dumandatu una rientrata generale di settembre ma dicendu chè frà tempu eramu pronti à travaglià nantu à prublematiche di certi sculari. Ci hè statu una vulintà d’aduprà una foglia di strada tale è quale per rapportu à quella di u guvernu. Ùn avemu mai ricusatu u discorsu ma, à un mumentu datu avemu avutu un discorsu drittu, sempre u listessu in giru à una rientrata prugressiva, puntu è basta. Ci vole à ritruvà un modu di funziunamentu cù i sindicati d’insignanti, e federazione di parenti di sculari, i riprisententi di capi stabilimentu è l’auturità accademica. Truvemu issu spaziu quì per discorre, fà pruposte è avanzà. Masimu chè l’annata hè guasgi compia.
