Sapè Fà : Mariu Sepulcre, l'affresche à l'antichi
Pittore rinimatu Mario Sepulcre
Mariu Sepulcre, l’affresche à l’antichi
Stallatu in Villanova dapoi guasgi trenta anni, issu famosu pittore rinumatu, hè specializatu in l’affresca. Una tecnica chì si perde ma aduprata dapoi milai d’anni…
Specialistu di e pitture di u Medievu di a Rinascita è di l’affresche, Mariu Sepulcre hà custruitu a so nuturietà cù e so tele induve l’aspettu misticu piglia a suprana nantu à tuttu. Eppuru, a spiritualità, ùn hè micca sempre stata u so filu di vita. « Eru un ghjovanu appena ribellu, spiega l’artistu, eramu cù a me famiglia in Fréjus è Saint-Raphaël è eru impegnatu in a pulitica in Nizza (muvimenti di manca strema)...Eru bellu luntanu da l’arte benchè l’aviu toccu da zitellu cù babbu chì era pittore... »
Averà ancu qualchì capacità à u ballò ma u so caratteru l’impedisce d’andà più luntanu. In Nizza, scontra à Marianna Nativi chì diventerà a so sposa in u 1978. Ma nanzu di parte cun ella à u Canadà (1981), t’hà una revelazione. « A passione di l’arte era vultata. Aviu a vogliu di scopre pitture in i musei. È a revelazione hè ghjunta à u Louvres è ancu à a National Gallery di Londres...Tutti issi quadri di a Rinascita anu scambiatu u me sguardu nantu à a spiritualità. À dilla franca, ùn credia micca in Diu, ma isse pitture avianu un « pudere ». Ci era una leia trà a bellezza di l’arte è u pinsà. Chì era issu pinsà ? Tandu mi sò postu a questione è aghju abandunatu a pulitica... »
Da u Canadà à a Corsica, passendu per l’Italia (particularmente Firenza), Mariu ampara e tecniche di pitture, l’arte di a Rinascita, u Medievu, scuntrendu artisti rinumati pronti à tramandà u sò sapè fà. Ma hè cù Jeanne-Marie Bertaux, specializata in l’affresche ch’ellu scopre un altru universu. « Aviu una basa di pittura ma, ùn la sò perchè, eru passiunatu da issa tecnica. Hè qualcosa ch’ùn si pò spiegà. Aghju seguitatu à Mma Bertaux (restauratrice di u Louvres) in Manosque, un mese è mezu per amparà cun ella. Aghju scupertu à pocu à pocu, issa tecnica induve si pinghje nantu à muri appruntati da duie linte, calcina, rena èpolvera di marmaru... »
« A tecnica di l’affresca ci conta a storia di l’umanità dapoi 5000 anni »
Per pinghje, s’adopra polvere di pigmenti naturali è si face pian’pianinu, pezzu à pezzu... « Fù per mè una seconda revelazione ! Issa tecnica, ci face sfuglià milai d’anni sin’à l’antichità è ancu nanzu. Pare chè i Sumerianu l’adupravanu dighjà ! Hè una tecnica chì hà viaghjatu. Appena abandunata un mumentu per a musaica nanzu di vultà... »
L’artistu serà u principiantu di Mma Bertaux durante qualchì tempu. Dopu, si ne và à amparà dinò e tecniche taliane à a « Bottega del buon freco » sempre in Firenza è face, oghje, un mischiu di i dui, à modu soiu.
Da a so prima affresca (1996) in a scola San Paulu d’Aiacciu sin’à a ghjesgia di Casabianca o quella d’Ulmetu, hà fattu a so strada. Opera maiò, a corte inglese di a Merria d’Aiacciu. « Un annu di travagliu da u luni à a dumenica è da sette ore di manu à sette ore di sera ! 8000 ore di travagliu per pighje e cinque fase di a cità d’Aiacciu da a so creazione in u 1492 à u vintesimu seculu. Tape valutate da Antò Maria Graziani è Paulu Lucchini. In più, ci vulia à furmà dodeci parsone maiò à issa tecnica, un travagliu tamantu... »
Mariu Sepulcre averà cuncepitu una decina d’affresche in tutta a Corsica. « Ci hè qualcosa di stranu quand’eu sò davanti à l’affresca. Una spezia di meditazione interna induve facciu parte, eu stessu d’issu inseme... » Un usu chì, ci vole à dilla, si perde. « Issa tecnica quì, ùn hè più insegnata in e scole d’arte, l’architetti ùn la cunnoscenu micca. Eppuru, ci conta a storia di l’umanità dapoi 5000 anni ! U peghju hè chè i pulitichi, ùn anu micca cuscenza... »
In u mondu ch’è noi campemu oghje, a cultura è l’arte ùn sò, l’avemu amparatu, « essenziali », Quandu ci avemu da da sveglià, serà forse troppu tardi…
Stallatu in Villanova dapoi guasgi trenta anni, issu famosu pittore rinumatu, hè specializatu in l’affresca. Una tecnica chì si perde ma aduprata dapoi milai d’anni…
Specialistu di e pitture di u Medievu di a Rinascita è di l’affresche, Mariu Sepulcre hà custruitu a so nuturietà cù e so tele induve l’aspettu misticu piglia a suprana nantu à tuttu. Eppuru, a spiritualità, ùn hè micca sempre stata u so filu di vita. « Eru un ghjovanu appena ribellu, spiega l’artistu, eramu cù a me famiglia in Fréjus è Saint-Raphaël è eru impegnatu in a pulitica in Nizza (muvimenti di manca strema)...Eru bellu luntanu da l’arte benchè l’aviu toccu da zitellu cù babbu chì era pittore... »
Averà ancu qualchì capacità à u ballò ma u so caratteru l’impedisce d’andà più luntanu. In Nizza, scontra à Marianna Nativi chì diventerà a so sposa in u 1978. Ma nanzu di parte cun ella à u Canadà (1981), t’hà una revelazione. « A passione di l’arte era vultata. Aviu a vogliu di scopre pitture in i musei. È a revelazione hè ghjunta à u Louvres è ancu à a National Gallery di Londres...Tutti issi quadri di a Rinascita anu scambiatu u me sguardu nantu à a spiritualità. À dilla franca, ùn credia micca in Diu, ma isse pitture avianu un « pudere ». Ci era una leia trà a bellezza di l’arte è u pinsà. Chì era issu pinsà ? Tandu mi sò postu a questione è aghju abandunatu a pulitica... »
Da u Canadà à a Corsica, passendu per l’Italia (particularmente Firenza), Mariu ampara e tecniche di pitture, l’arte di a Rinascita, u Medievu, scuntrendu artisti rinumati pronti à tramandà u sò sapè fà. Ma hè cù Jeanne-Marie Bertaux, specializata in l’affresche ch’ellu scopre un altru universu. « Aviu una basa di pittura ma, ùn la sò perchè, eru passiunatu da issa tecnica. Hè qualcosa ch’ùn si pò spiegà. Aghju seguitatu à Mma Bertaux (restauratrice di u Louvres) in Manosque, un mese è mezu per amparà cun ella. Aghju scupertu à pocu à pocu, issa tecnica induve si pinghje nantu à muri appruntati da duie linte, calcina, rena èpolvera di marmaru... »
« A tecnica di l’affresca ci conta a storia di l’umanità dapoi 5000 anni »
Per pinghje, s’adopra polvere di pigmenti naturali è si face pian’pianinu, pezzu à pezzu... « Fù per mè una seconda revelazione ! Issa tecnica, ci face sfuglià milai d’anni sin’à l’antichità è ancu nanzu. Pare chè i Sumerianu l’adupravanu dighjà ! Hè una tecnica chì hà viaghjatu. Appena abandunata un mumentu per a musaica nanzu di vultà... »
L’artistu serà u principiantu di Mma Bertaux durante qualchì tempu. Dopu, si ne và à amparà dinò e tecniche taliane à a « Bottega del buon freco » sempre in Firenza è face, oghje, un mischiu di i dui, à modu soiu.
Da a so prima affresca (1996) in a scola San Paulu d’Aiacciu sin’à a ghjesgia di Casabianca o quella d’Ulmetu, hà fattu a so strada. Opera maiò, a corte inglese di a Merria d’Aiacciu. « Un annu di travagliu da u luni à a dumenica è da sette ore di manu à sette ore di sera ! 8000 ore di travagliu per pighje e cinque fase di a cità d’Aiacciu da a so creazione in u 1492 à u vintesimu seculu. Tape valutate da Antò Maria Graziani è Paulu Lucchini. In più, ci vulia à furmà dodeci parsone maiò à issa tecnica, un travagliu tamantu... »
Mariu Sepulcre averà cuncepitu una decina d’affresche in tutta a Corsica. « Ci hè qualcosa di stranu quand’eu sò davanti à l’affresca. Una spezia di meditazione interna induve facciu parte, eu stessu d’issu inseme... » Un usu chì, ci vole à dilla, si perde. « Issa tecnica quì, ùn hè più insegnata in e scole d’arte, l’architetti ùn la cunnoscenu micca. Eppuru, ci conta a storia di l’umanità dapoi 5000 anni ! U peghju hè chè i pulitichi, ùn anu micca cuscenza... »
In u mondu ch’è noi campemu oghje, a cultura è l’arte ùn sò, l’avemu amparatu, « essenziali », Quandu ci avemu da da sveglià, serà forse troppu tardi…
