Sapè Fa : A " Lumaca " nustrale sorte da a so chjoppula
Nata in u 2017 da Jérémie Corbice et Maria Stella Inzaina, issa piccula sucetà stallata in Santa Maria Poghju, face allevu di lumache è pruduce sosule di qualità maiò cummercializate…
A« Lumaca » nustrale sorte da a so chjoppula
Nata in u 2017 da Jérémie Corbice et Maria Stella Inzaina, issa piccula sucetà stallata in Santa Maria Poghju, face allevu di lumache è pruduce sosule di qualità maiò cummercializate…
Per quelli chì a sanu, è chì cunnoscenu, in più e sosule, a lumaca hè un pruduttu assi ricercatu ind’è noi. À l’usu Bastiacciu, Aiacciu o Bunifazincu, issu gasteropodu hà fattu a so strada…Più lestru ch’ellu viaghja !
Fà l’allevu di lumache è produce isse sosule è ancu quelle à l’usu di a Burgogna, una sfida principiata quattru anni fà da Jérémie Codice è Maria Stella Inzaina. U primu era antiquariu in Bordeaux è a so moglia, chì t’hà e so radiche in Cervioni, era secretaria.
« Ùn eramu bè in questi mistieri, spiega u maritu, vuliamu fà altre affare, creà una spluttazione famigliale è dinò rientre in Corsica. »
Chì fà ? « Avemu fattu studii di mercatu è vistu ch’ùn ci era allevu di lumache in Corsica, ripiglia l’omu, eppuru ci hè una tradizione di sosule assai prisente. Tandu, avemu fattu una furmazione di guasgi un annu à mezu à specialisti, avemu ottenutu un diploma (brivettu di respunsevule di splutazzione agricula), è cum’è Maria Stella avia un terrenu, ci semu lampati quattru anni fà. »
400000 lumache à l’annu
U coppiu principia cù ovi chì crescenu è face una prima pruduzzione di 200000 lumache. « À tempu, avemu fattu ricerche nantu à e sosule corse ma dinò, ind’una logica di diversificazione, masimu per lumache più maiò, nantu à l’usu di u Burgogna (butirulu pursimatu…). Ma issu mistieru, hè una vera passione. S’è voi ùn sete passiunatu, ci vole à scambià... »
Di fattu, l’allevu di a lumaca dumanda un travagliu precisu. Ci vole un parcu dedicatu d’induve i gasteropodi ùn ponu scappà, ci vole dinò à fà vene l’acqua ch’elli ne aghju bisognu è fà casu à i predatori (acelli, topi è ancu cignali…)
Dopu à un allevu di sei mesi, vene u tempu di a trasfurmazione. Quella si face in ottu tape : fà li sdiunà 15 ghjorni, metteli 2 à 3 mesi in ghjaccera per una invernazione, ciuttà li dopu ind’un acqua bullente è si principia u travagliu di cucinaru: caccià u stomacu (ch’ùn si manghja micca), spiccà a carne (pezzi maiò è chjuchi), nittà a chjoppula è fà coce e lumache un ora è mezu nanzu di rimette e chjoppule. « Ùn hè chè dopu ch’è noi principiemu a sosula. À l’usu di a Burgogna o à l’usu corsu. Hè un travaglione ch’è noi femu tuttu, unu à unu cù a me moglia ! »
Particulari è prufessiunali
In pochi tempi Jérémie è Maria Stella si sò fatti cunnosce. A fasa di cummercialisazione permettte di sviluppà un’ impresa dedicati à i particulari è i prufessiunali. « Serà sempre un’impresa di taglia umana cù a primura d’una certa diversità è di a vendita diretta da u pruduttore à u « piattu ». Avemu da cresce a pruduzzione è forse, creà unu o dui impieghji à più o menu longu andà, ma micca di più. Speremu di sbuccà nantu à una pruduzzione di guasgi un milionu di lumache à l’annu ma micca di più. Avemu sceltu qualchì sosula è vendimu prudutti freschi o cunghjelati in parechje butteche di Corsica. Ogni volta, aghjustemu un pruduttu nustrale à a nostra sosula (nepita, panzetta, funzi, nuciole di Cervioni…). »
Dapoi qualchì tempu, u coppiu hà allargatu a so pruduzzione à u mare (musculi di u stagnu di Diana, gambari). À tempu, si pò ancu fà allevu di lumache postu chè l’impresa prupone dui gasteropodi è tuttu u materiale chì permette di sviluppà.
Da quì à una annu, u scopu di Jérémie è Maria Stella serà di pudè fà, in più di tuttu què, tastatura sopra piazza di e sosule. Tandu, cucinarii rinumati pudarianu ancu vene.
In quattru anni, « A lumaca » s’hè fatta cunnosce. Per prova, a vittoria in u 2018, di u cuncorsu « Talents gourmands » urganizatu da u Crédit Agricole. Un’ impresa chì averà, forse, u tempu è l’arnesi per pudè sscrivesi à longu andà. È torna una idea bona chì mette in vale u sapè fà isulanu…
Ph.P
Casa Lumaca, 20221, Santa Maria Poggiu
Situ web : www.lumaca-corsica.com
Tel : 06-46-44-80-20
Nata in u 2017 da Jérémie Corbice et Maria Stella Inzaina, issa piccula sucetà stallata in Santa Maria Poghju, face allevu di lumache è pruduce sosule di qualità maiò cummercializate…
Per quelli chì a sanu, è chì cunnoscenu, in più e sosule, a lumaca hè un pruduttu assi ricercatu ind’è noi. À l’usu Bastiacciu, Aiacciu o Bunifazincu, issu gasteropodu hà fattu a so strada…Più lestru ch’ellu viaghja !
Fà l’allevu di lumache è produce isse sosule è ancu quelle à l’usu di a Burgogna, una sfida principiata quattru anni fà da Jérémie Codice è Maria Stella Inzaina. U primu era antiquariu in Bordeaux è a so moglia, chì t’hà e so radiche in Cervioni, era secretaria.
« Ùn eramu bè in questi mistieri, spiega u maritu, vuliamu fà altre affare, creà una spluttazione famigliale è dinò rientre in Corsica. »
Chì fà ? « Avemu fattu studii di mercatu è vistu ch’ùn ci era allevu di lumache in Corsica, ripiglia l’omu, eppuru ci hè una tradizione di sosule assai prisente. Tandu, avemu fattu una furmazione di guasgi un annu à mezu à specialisti, avemu ottenutu un diploma (brivettu di respunsevule di splutazzione agricula), è cum’è Maria Stella avia un terrenu, ci semu lampati quattru anni fà. »
400000 lumache à l’annu
U coppiu principia cù ovi chì crescenu è face una prima pruduzzione di 200000 lumache. « À tempu, avemu fattu ricerche nantu à e sosule corse ma dinò, ind’una logica di diversificazione, masimu per lumache più maiò, nantu à l’usu di u Burgogna (butirulu pursimatu…). Ma issu mistieru, hè una vera passione. S’è voi ùn sete passiunatu, ci vole à scambià... »
Di fattu, l’allevu di a lumaca dumanda un travagliu precisu. Ci vole un parcu dedicatu d’induve i gasteropodi ùn ponu scappà, ci vole dinò à fà vene l’acqua ch’elli ne aghju bisognu è fà casu à i predatori (acelli, topi è ancu cignali…)
Dopu à un allevu di sei mesi, vene u tempu di a trasfurmazione. Quella si face in ottu tape : fà li sdiunà 15 ghjorni, metteli 2 à 3 mesi in ghjaccera per una invernazione, ciuttà li dopu ind’un acqua bullente è si principia u travagliu di cucinaru: caccià u stomacu (ch’ùn si manghja micca), spiccà a carne (pezzi maiò è chjuchi), nittà a chjoppula è fà coce e lumache un ora è mezu nanzu di rimette e chjoppule. « Ùn hè chè dopu ch’è noi principiemu a sosula. À l’usu di a Burgogna o à l’usu corsu. Hè un travaglione ch’è noi femu tuttu, unu à unu cù a me moglia ! »
Particulari è prufessiunali
In pochi tempi Jérémie è Maria Stella si sò fatti cunnosce. A fasa di cummercialisazione permettte di sviluppà un’ impresa dedicati à i particulari è i prufessiunali. « Serà sempre un’impresa di taglia umana cù a primura d’una certa diversità è di a vendita diretta da u pruduttore à u « piattu ». Avemu da cresce a pruduzzione è forse, creà unu o dui impieghji à più o menu longu andà, ma micca di più. Speremu di sbuccà nantu à una pruduzzione di guasgi un milionu di lumache à l’annu ma micca di più. Avemu sceltu qualchì sosula è vendimu prudutti freschi o cunghjelati in parechje butteche di Corsica. Ogni volta, aghjustemu un pruduttu nustrale à a nostra sosula (nepita, panzetta, funzi, nuciole di Cervioni…). »
Dapoi qualchì tempu, u coppiu hà allargatu a so pruduzzione à u mare (musculi di u stagnu di Diana, gambari). À tempu, si pò ancu fà allevu di lumache postu chè l’impresa prupone dui gasteropodi è tuttu u materiale chì permette di sviluppà.
Da quì à una annu, u scopu di Jérémie è Maria Stella serà di pudè fà, in più di tuttu què, tastatura sopra piazza di e sosule. Tandu, cucinarii rinumati pudarianu ancu vene.
In quattru anni, « A lumaca » s’hè fatta cunnosce. Per prova, a vittoria in u 2018, di u cuncorsu « Talents gourmands » urganizatu da u Crédit Agricole. Un’ impresa chì averà, forse, u tempu è l’arnesi per pudè sscrivesi à longu andà. È torna una idea bona chì mette in vale u sapè fà isulanu…
Ph.P
Casa Lumaca, 20221, Santa Maria Poggiu
Situ web : www.lumaca-corsica.com
Tel : 06-46-44-80-20
