A scola di musica populare ripiglia fiatu
Cù i tempi di u scunfinamentu, e sale riaprenu à pocu à pocu
A scola di musica populare ripiglia fiatu
Cù i tempi di u scunfinamentu, e sale riaprenu à pocu à pocu. Si tratta di e sale di sport ma dinò di i musei è di quelle chì sò dedicate à l’attività musicale. A scola di musica populare, stallata in u quartieru di San Ghjuvà in Aiacciu ripiglia, pian’pianinu, u so ritimu dui mesi nanzu di compie una stagione « bianca ». L’occasione, per u so capimachja, Carminu Belgodere, di ripiglià, ellu dinò, a so attività.
Difficiule, quandu a musica riprisenta 100 % di a vostra attività, di gestisce ottu mesi senza, nè travagliu, nè prughjettu. Carminu Belgodere, n’hà fattu a sperienza à partesi d’ottobre scorsu. Ottu mesi di bughjura. « Ci semu accunciati cum’è pudiamu, spiega l’artistu, ci hè vulsutu à truvà suluzione ma u più difficiule, fora di l’aspettu solu suldarinu è ancu s’ellu fù impurtante per mè, hè statu u fattu d’ùn avè prughjetti. Ghjè a me ADN, è ùn possu stà senza prisentà u me travagliu. »
L’artistu hè a so cumpagna, Laurence (chì insegna u viulinu à u cunservatoriu in Aiacciu), sò stati custretti di chjode a sala di u quartieru San Ghjuvà, creata qualchì annu fà è di mette da cantu, u prughjettu di squadra di musica populare. « Aviamu dighjà travagliatu à nantu, aghjusta u sunadore di cetera, ci era una squadra, u fattu di lascià è masimu per ottu mesi, c’impone, oghje, di riparte da zeru. »
18 sculari à a ripresa
Durante issa perioda, u coppiu, hà travagliatu in casa soia, in Albitreccia circhendu à fà per u megliu. « Avemu accunciatu qualchì cantu è pezzi strumentali. L’idee ùn mancanu micca. Nè u tempu postu ch’ùn ci era micca a scola. Ùn pudiamu micca mantene l’attività per via di e sale è dopu di u coprofocu... »
Senza ellevi, l’artistu hà avutu qualchì aiutu, « solu da chì pagà e cariche o a pighjò di a sala. Per u restu, aviamu trentacinque studienti in musica o in cantu. Quì dinò, hè statu un’interrugazione maiò... »
S’ellu hà travagliatu intornu à i so prughjetti, Carminu hà aspettatu monda a ripresa d’un’attività « nurmale ». Una logica dopu à un viotu d’ottu mesi. « Semu stati felici di ripiglià ma ci hè vulsutu à urganizà tuttu, torna una volta. Una difficulta i più postu chè di regula, a scola chjode di ghjugnu. È semu à a metà di maghju. Ma ùn pudiamu micca aspettà u mese di settembre. Aghju fattu a scelta d’apre per un mese è mezu, ci permette di ripiglià cuntattu cù tutti di manera à riparte cù scopi dighjà appruntati di settembre. »
Cusì, a scola hà apertu e so porte a settimana scorsa cù menu di vinti ellevi, chjuchi o maiò. Si travaglia sopratuttu nantu à i strumenti...D’estatina, u travagliu ùn mancherà. « Ci hè un prughjettu di Tribbiera chì era privistu questu annu. Serà prisentatu, s’è tuttu và bè, u 17 di dicembre à u spaziu Diamante. Un prughjettu di cantu è musica cù Arnaud Castelli ch’aghjusta un sonu appena rock-electro à mezu un aspettu più tradiziunale.Per u restu, aspettemu a cunferma di qualchì data ma, i dui punti maiò seranu i prughjetti di musica è ballu cù Kévin Naram, un artistu di Nova Caledonnia. Semu in residenza per trè dumenicate. U secondu prughjettu serà à u Lazaret, di lugliu cù Petru Gambini è Barbara Carlotti. Aspettendu, sicura, a ripresa di a scola di settembre cù l’orchestru populare. »
L ‘idee ùn mancanu micca, nè mancu i prughjetti. Aspettendu, avà, di sente u sonu di a cetera è di u viulinu…
Ph.P.
Cù i tempi di u scunfinamentu, e sale riaprenu à pocu à pocu. Si tratta di e sale di sport ma dinò di i musei è di quelle chì sò dedicate à l’attività musicale. A scola di musica populare, stallata in u quartieru di San Ghjuvà in Aiacciu ripiglia, pian’pianinu, u so ritimu dui mesi nanzu di compie una stagione « bianca ». L’occasione, per u so capimachja, Carminu Belgodere, di ripiglià, ellu dinò, a so attività.
Difficiule, quandu a musica riprisenta 100 % di a vostra attività, di gestisce ottu mesi senza, nè travagliu, nè prughjettu. Carminu Belgodere, n’hà fattu a sperienza à partesi d’ottobre scorsu. Ottu mesi di bughjura. « Ci semu accunciati cum’è pudiamu, spiega l’artistu, ci hè vulsutu à truvà suluzione ma u più difficiule, fora di l’aspettu solu suldarinu è ancu s’ellu fù impurtante per mè, hè statu u fattu d’ùn avè prughjetti. Ghjè a me ADN, è ùn possu stà senza prisentà u me travagliu. »
L’artistu hè a so cumpagna, Laurence (chì insegna u viulinu à u cunservatoriu in Aiacciu), sò stati custretti di chjode a sala di u quartieru San Ghjuvà, creata qualchì annu fà è di mette da cantu, u prughjettu di squadra di musica populare. « Aviamu dighjà travagliatu à nantu, aghjusta u sunadore di cetera, ci era una squadra, u fattu di lascià è masimu per ottu mesi, c’impone, oghje, di riparte da zeru. »
18 sculari à a ripresa
Durante issa perioda, u coppiu, hà travagliatu in casa soia, in Albitreccia circhendu à fà per u megliu. « Avemu accunciatu qualchì cantu è pezzi strumentali. L’idee ùn mancanu micca. Nè u tempu postu ch’ùn ci era micca a scola. Ùn pudiamu micca mantene l’attività per via di e sale è dopu di u coprofocu... »
Senza ellevi, l’artistu hà avutu qualchì aiutu, « solu da chì pagà e cariche o a pighjò di a sala. Per u restu, aviamu trentacinque studienti in musica o in cantu. Quì dinò, hè statu un’interrugazione maiò... »
S’ellu hà travagliatu intornu à i so prughjetti, Carminu hà aspettatu monda a ripresa d’un’attività « nurmale ». Una logica dopu à un viotu d’ottu mesi. « Semu stati felici di ripiglià ma ci hè vulsutu à urganizà tuttu, torna una volta. Una difficulta i più postu chè di regula, a scola chjode di ghjugnu. È semu à a metà di maghju. Ma ùn pudiamu micca aspettà u mese di settembre. Aghju fattu a scelta d’apre per un mese è mezu, ci permette di ripiglià cuntattu cù tutti di manera à riparte cù scopi dighjà appruntati di settembre. »
Cusì, a scola hà apertu e so porte a settimana scorsa cù menu di vinti ellevi, chjuchi o maiò. Si travaglia sopratuttu nantu à i strumenti...D’estatina, u travagliu ùn mancherà. « Ci hè un prughjettu di Tribbiera chì era privistu questu annu. Serà prisentatu, s’è tuttu và bè, u 17 di dicembre à u spaziu Diamante. Un prughjettu di cantu è musica cù Arnaud Castelli ch’aghjusta un sonu appena rock-electro à mezu un aspettu più tradiziunale.Per u restu, aspettemu a cunferma di qualchì data ma, i dui punti maiò seranu i prughjetti di musica è ballu cù Kévin Naram, un artistu di Nova Caledonnia. Semu in residenza per trè dumenicate. U secondu prughjettu serà à u Lazaret, di lugliu cù Petru Gambini è Barbara Carlotti. Aspettendu, sicura, a ripresa di a scola di settembre cù l’orchestru populare. »
L ‘idee ùn mancanu micca, nè mancu i prughjetti. Aspettendu, avà, di sente u sonu di a cetera è di u viulinu…
Ph.P.
